3.6.2023 ♥️
_ يا سيد اصطبح وقول يا صبح
زفرت وانا برجع شعري لورا وبسمع كلامه على الخط التاني
_ يا عم في السكة في السكة لا حول ولا قوة الا بالله!
= صباح الخير يا واد يا ياسين
_ صباح الفل يا امو حوكش
= قول لامك تبعت الجمعية يا واد
_ يا ولية دا وقته !!! دا وقته!مشيت خطوتين سمعت صوت عم صبحي بينادي
= نهارك ابيض يا هندسة
_ نهارك فل يا عم صبحي
= متيجي اعملك قصة الواد چوني ديب
_ اه حاضر .. هعمل حلقة چوني ديب وانا رايح الجيش ماشيكنت قاعد أصبح على كل الي في الشارع قبل ما اقف تحت بيت واطلع الفون
_ واد يا سيد انا تحت البيت يالا ... كوتشي بتلبسه اه .. لا يا حبيبي مش انا الي اروح معادي متأخر يومين .... سياااااد انا خلقي في مناخيري .. يا سيـ.....
وفجأة حسيت بجردل ماية ساقعة بيتحدف عليا من فوق
رفعت عيني ناحيتها فوق_ لا حول ولا قوة الا بالله!!!!
قولتها بزعيق
_ جرا ايه يا ولية
_ ولية!!!!بصتلي من فوق وهي بتعدل الطرحة بتاعتها
_ ولية مين .. ولولوا ساعة عليك وسكتوا
_ يعني مغرقة الي خلفوني وكمان قليلة الادب
_ قليلة الادب!!!!؟قالتها وقفلت الباب بتاع البلكونة
مفهمتش في ايه ولكن سمعت صوت البوابة بتتفتح_ قليلة الادب هه ؟
قلعت الشبشب وكانت هتمد اديها عليا قبل ما امسك اديها في الهوا
_ انتي اجننتي! بترفعي عليا شبشب زنوبة!
_ لو كان كروكس كان تمام
_ قدريني يا شيخة
_ دا انا هخرب بيت أبوك
_ دا انا هولع في عبايتك دي .. فيسكوز دا ؟
_ وانت مالك يا غلس
_ وبعدين ايه داشميت ريحة الماية الي مغرقة لبسي
_ دا اريال! مبستخدميش تايد الغسيل مفيش مستحيل ليه!
_ ياباي على دمك السم يالا!
_ بت .. بتتتتتتت ... اطلعي هاتيلي قميص ابوكي ولا اخوكي انا ورايا جيش يخربيتك
_ احسن ... انت لو سالك امورك هتسلك
_ اشخبط عالكلام يعني ولا ايه !
_ ولااااااا خفة دمك دي يالاااا
_ بتتتتتت .. اطلعي هاتيلي قميص ابوكييي بقولكطلع سيد وشاف المنظر وانا ماسك اديها في الهوا
= مش ممكن!!! .. صاحبي!!!! .. اخويا !!!! .. الي من دمي!!!! .. واختي!!!! و....
عدت واحدة من جمبه _ صباح الخير يا واد يا سيد
_ نهارك ابيض يا امو عمروكمل وهو بيبصلي
_ العار ... الشرف .. الشهامة
_ اخلص يا سيد .. يا سيد اخلص يا سيد بنام بدري احنا
_ لازم تصلح غلطتك دي و ..
_ انا موافقبصتلي وهي مبرقة اما انا غمزتلها
_ اجوزك بس واعرف شغلي مع الشبشب دا كويس
_ بعينك
_ هشيلك فيها يا حنين يا ابو عيون قهوية في ليالي شتويةبصت لسيد
_ سيد!!!! .. الواد دا دمه تقيل يا سيد وانا ست محبة للحياة
بصتلها انا _ محبة لإيه ! .. يا بت دا انتي بومة يا بت ... سيد .. انا هصحح غلطتي يا سيد .. بس هاتلي قميص من عندك
ابتسمت بخبث _ لا .. معندناش قمصان روح كدا
_ اسكتي انتي انا كلامي معاكي اما يتقفل علينا باب
_ بس يالاسيد ابتسم وحط ايده على كتفي
_ لا دا احنا نطلع نبل الشربات بقا
_ نبل شربات ايه يا بارد يا تنح .. احنا متاخرين يالا
_ ايوه صحرفع حاجبه وحط ايده في جيبه
_ يلا يا ليلى اطلعي وان شاء الله نجيب المأذون واحنا جايين معانا
_ سيد انت اهبل !
_ احم ليلى! .. مش قدام نسيبي!رفعت عنيها ناحيتي
وابتسمتلها بانتصار_ غريب جردل الماية مين فاهمه
ابتسمت ودارت ابتسامتها بسرعة
وبصتلها وهي بتطلع وانا مبتسم
سيد بصلي وبصلها وبصلها وبصلي_ ايه يا حبيب اخوك
_ ايه ؟
_ ايه انت ؟حطيت ايدي على كتفه وانا لسه باصص على السلالم
_ ياااااه يا واد يا سيد
_ متقولش .. انغرمت برفعة الشبشب
_ رفعة فيها مَعلمة يالا
_ انا اخوها
_ جمال ايه ودلال ايه
_ انا اخوها
_ وخفة ايه ولطف ايه
_ اخوها بقولكاتنهدت وفوقت وانا ببص على كفي الي على كتف سيد
ضربته وانا ببعده عني_ واقف تهزر معايا وانت مأخرنا ساعتين
_ ساعتين ايه يا راجل اطلع معايا نغيرلك العبث دا
_ مهو لو كنت طلعت بدري كان الحوار خلص
_ بقولك ايه .. انا قولتلك بربط الكوتشي
_ بتربطه بقالك ساعة وتلت يا سيد!
_ مخلاص بقا يا ياسين
_ لا مخلصناش يا سيد
_ ماشي .. انا هطلع .. لا فيها جوازة ولا نيلة
_ لا لا خلاص خلاصدخلت معاه السلالم واتزحلقت من عليها
لقيتها واقفة فوق وبتبتسم بشر وهي بتشيل الجردل_ يوه! يقطعني! اصل السلم كان محتاج نضافة
_ انتي ست مش محترمة
_ لم نفسك يالا
_ احترمي نفسك يا ولية .. احترمي نفسك يا ولية!!!!
_ مشيه من هنا يا سيد
_ هات المأذون يا سيد دي مش هتتربي الا بالجواز يا سييييدبصينا حوالينا لقينا سيد وباقي سكان العمارة طالعين من شققهم بيبصولنا
ابتسمت_ اممم هو يوم باين من اوله.
*********************
_ نانسي أشرف