_ صعبة عليك دي
_ watch and Learn
ابتسمت ورجعت دراعي لورا، ركزت على الكورة والبوكيت الي قدامي
ثانية .. اتنين .. تلاتـ..._ ارفع كوعك لفوق
اتشتت انتباهي، بصتلها وهي واقفة ساندة بضهرها وبتبصلي بلا مبالاة
_ ودا ليه ؟
قربت مني، حطيت اديها على الكوع من تحت وميلته
_ ارفع بزاوية قليلة عشان تعرف تملك الكورة
_ انتي هتعلميني ألعب ازاي ؟
_ لأ .. هعلمك تقفل الچيم عشان في ناس تانية عاوزة تلعببصيت حوالينا ورجعت أبصلها
_ مين ال.....
رفعت دقنها لفوق وهي بتبصلي بتأهب، ابتسمت وقربت خطوة
_ أنتي ؟!
ربعت اديها، رفعت حاجبها وكأنها مستنياني اكمل كلامي، سكت وبصيت لصحابي الي واقفين بغرور
رجعت ضهري لورا ونزلت العصاية على جمب_ بس انتي شكلك ملكيش فيها
_ اكيد مش هبقى أسوء منكحركت راسي وانا بستعد، مديت ايدي وسحبت عصاية وحدفتها ناحيتها
_ الكورة دي لو دخلت الترابيزة ليكي
والمرادي الي حركت راسها واخذت وضعها
عنينا كلنا ركزت معاها، رفعت كوعها بزاوية وفضلت مركزة لثانيتين وسمعنا كلنا صوت الكورة وهي بتدخل البوكيت_ تمام
حطيت العصاية ورفعت ايدي بـ استسلام
_ التربيزة ليكي
قربت خطوتين وهي بتبص على باقي الكور ومن غير ما ترفع عنيها ناحيتي
_ والكورة الي هناك ؟
_ صعبة عليكي ديابتسمت بثقة وكررت الجملة الي قولتها من دقايق
_ watch and learn
استعدت وكلنا بدأنا نركز معاها مرة تانية ومعانا ناس تانيين كانوا خدوا بالهم من الكهربا الي حصلت بينا.
_ لكن لحظة واحدة
حطت العصاية جمبها مرة تانية وهي بتبص في عيني بثبات
_ الكورة دي بشروطي
_ بمعنى ؟
_ لو دخلت الترابيزة ليا لآخر الشهروشددت على الجملة الي بعدها
_ ومش هتيجي جمبها لا أنت ولا أي حد تبعك
قرب مؤمن صاحبي مني
_ لا طبعاً ايه الهطل دا !
وقفته مكانه بحركة من ايدي وانا لسه باصصلها بتحدي
_ تمام .. اتفقنا
_ ياسين!
_ مش هتدخلها
_ أنت الظاهر أنك مش واخد بالك .... دي تقيلة جامد
_ مش للدرجادي
_ انا بقو....