2.6.2023 ♥️
_ يمساء العبط الاكتروني
قفلت باب العربية وانا بقرب منه وهو قاعد على الكرسي مربوط
_ انت اهبل يالا! .. طب يا اخي احبكها صح .. اكتب ام الرسالة صح
بصلي بغرور وهو وشه متخرشم
_ مش فاهم الحقيقة قصدك ايه!
شاورت للرجالة حواليه فشدوه لقدام، اتنحنح
_ ايوا ايوا الرسالة
رفعت حاجبي وركزت في عنيه
_ انت مش فاكر رسالة ايه
_ معلش الذاكرة يدوبكطلعت الفون وقريتله الرسالة
_ نواجه بعض الاعطال في الحساب البتكي بتاعك يا ريت تبعتلنا الباسوورد عشان نعف نجعه
رفعت عيني ناحيته
_ انت ساقط املاء يالا
_ لا انا مدارس تجريبي
_ اه عايز ايه بردو ؟
_ انجلش .. كنت باخد مستوى رفيع
_وبعدين ايه باسوورد دي!!! في بنك هيبعت باسوورد ولا اسمها كلمة مرور
_ يااااه دا انتي قديمة .. دلوقتي بقت باسوورد
_ يا راجل! .. غيروها
_ اتس فاشون
_ !!!!!!!
_ تؤ .. انتي شكلك اعدادي بنات القديمة وهتقرفيني
_ فعلا
_ فرق الثقافات دا متعب الحقيقة
_ لا ربنا يعينك الصراحةبعدت عنه وركنت على كبوت العربية
_ جيبت رقمي منين ؟
_ طرقي الخاصةشاورت لواحد من الرجالة الي ضربه بالكوع في كتفه
صرخ من الالم_ وعهد الله عشوائي
_ بردو!
_ يستي وربنا عشوائي .. انا ببعت المسدج لأي حد والي تيجي معاه ربنا بيرزق
_ ما شاء الله على التقوى والهدى .. دي براعم الايمان دي يالا ولا ايه؟!
_ يعني بنتوكل على الله وربنا بيكرم
_ انت حرامي ولص ومتملق
_ التلاتة! .. لا حول ولا قوة الا بالله! .. اضرب كف بكف يا ...بص للراجل الي بيطحن فيه من الصبح
_ اسم الكريم ايه ؟
= عارف
_ لا الحقيقة مش عارف هههههعارف فضل باصصله من غير اي تعبير اما هو بصلي واتنحنح باحراج _ باين ان عارف مضايق من حاجة
_ اخلص .. الرقم جيبته منين
_ لا اله الا الله ! ... يا أمي هكدب ليه
_ عشان حرامي مثلاً
_ ماشي .. اقنعتينيرفع عينه وابتسام وهو بيحرك حواجبه
_ طب فكيني واقولك مين الي اداني الرقم
قربت منه وبصيت في عينه
_ انت هتقولي مين الي اداك الرقم وانت مربوط ومش بس كدا انا كلمت البوليس يجي ياخدك
_ كرم اخلاق سيادتك دا كتير عليا الحقيقة
_ لا سيد عيب متقولش كدا احنا اهل