_ باقي ربع ساعة ونلم الورق
على سرعة مش مسموح بيها على طريق عام الساعة اتناشر الضهر.
_ بقولك ايه يا خالد لو قلبك خفيف كدا انزل
_ زياد الطريق دا عليه مارة .. دا غير ان في مدرسة هناك اهي
شاور عليها وهو بيكمل كلامه.
_ تقريباً مدرسة بنات والامتحان خلص
_ امتحان ايه!
_ ثانوية عامة
كنت ببص بالجنب ناحية نظره ومش مركز اوي في الطريق قبل ما اسمعه هو بيزعق
_ حاسب يا زياد !
وقفت العربية بعد صوت الارتطام.
مش فاكر بعدها الا وانا شايلها وداخل بيها المستشفى
أهلها وهم داخلين بسرعة رهيبة وصاحباتها والي مشوفتهمش بعد اول يوم
_ منك لله يا أخي دي عليها امتحانات
بصيت لصاحبة الصوت والي عرفت من خالد انها صاحبتها
= حسبي الله ونعم الوكيل فيك وفي الي سمحوا لأشكالك يموتوا فينا كدا
بصيت لخالد عشان يسكتها اما قرب منها بعدته بقوة
= ايه انت كمان ؟ هتلمسني ولا ايه!!!!!!!
= مقصدش انا اسف
= طب وسع انت وهو
مشيت خطوتين ورجعت بصيتلنا بقوة
= انتوا الاتنين الظابط هيجي ياخد اقوالكوا لو اتحركتوا رقم العربية بتاعتك معايا .. انت فاهم ؟
بصيت لخالد تاني عشان يهدي صاحبتها الي دخلت فينا شمال
والتفت براسي ناحية مامتها الي كانت ماسكة اديها
الدكتور طمنا انها كويسة .. كسر في الرجل وارتطام بسيط أدي لجروح سطحية لكن ادوها مسكن عشان تهدى.
_ ممكن أدخل ؟
على الساعة تمانية المغرب كانت بدأت تستعيد وعيها، كانت مامتها سابت المكان ونزلت تصلي
كانت صاحبتها هي الي جمبها
= لا مش ممكن .. ايه البجاحة بتاعتكوا دي!
خالد ادخل وهو واقف على باب الاوضة = الله! انا عملت ايه!
بصيتله من تحت لفوق اما انا مهتمتش لكلام صاحبتها
قربت منها هي
كانت بتبصلي بتركيز
_ عاوز اتكلم معاكي شوية .. دا لو مش هتعبك
_ اتفضل
= أسيل!!!!!!!!
طبطبت على ايد صاحبتها
وخالد قرب ياخد البومة الي كانت جمبنا لكنها متحركتش معاه
= اطلع انت وانا هطلع
= طب ما نطلع سوا
= انت فاكر نفسك ابن خالتي ولا ايه
وطلعوا أخيراً
بصبت في عنيها، كانت ملامحها لذيذة، تحسسك بألفة اول ما عينك تبص في وشها
ملامح معتادة .. بسيطة .. عادية جداً .. لكن رغم الاعتياد الي كانت فيه الا انها مؤثرة على الاقل في قلبي!
