💥امرأة متنكرة في عالم الرجال💥
بقلمي: Hanane Zh
الجزء ٣
نرجعو للماضي
قبل سنتين
كانت لابسة بيجامة غليظة دالبرد ومونطو من فوقهاا والشتا خييط من السما.. مشات طايرة لعند باها
الاب: حلي داك الگاراج وخرجي البوطات الخاوين يالاه سربي راهم جايين فالطريق
لاحليها السوارت وهزاتهم ماجاوباتوش
مشات حلات الگاراج وبدات تخرج فالبوطات الصغار وحدة مور وحدة.. شافوها شي براهش وجاو عندها : سارة سارة انعاونوك وعطينا حلوة حلوة
سارة شافت ياكما باها تايطل من الحانوت لقاتها عامرة عليه وملهي شافت فيهم هي قادة تهز داكشي بوحدها ولكن جراري صغار باغيين الحلوة: يالاه جيو عاونوني خرجو معايا الصغار
شيرات لواحد وهضرات ببرودة: نتا نعطيك البوطة وعطيها لهاداك يستفهم .ستفوهم مزيان
الدراري فرحانين : وااخااا
بقاو تايخدمو تاخرجوهم كاملين: يالاه سيرو لهيه غي نسالي ونعطيكم الحلوة (ماشي ديك لي على بالكم)
جا الكاميون وخرجات البوطات الكبار عمروهم ودخلاتهم كامليين بوحدها
غي شافوها الدراري سالات جاو تايجريو لعندها: بغيناا الحلوة ديالنا
سارة خنزرات: شووت سكتونااا هاني انجيبها ليكم
شافوها مخنزرة سكتو
سدات عليهم الكاراج ودخلات مالداخل للحانوت كان باها تماك
سارة: بابا را كملت سير خلصهم 120 بوطة صغيرة و 80 متوسطة و 50 كبيرة
الاب: حضي نتي هنا نمشي نتفاهم معاهم
غي مشى خطفات جوج حلوات وعيطات للدراري من برا جاو لعندها ومداتهم ليهم بالخف ومشاو فرحانين كمل باها شغالو وبقات مقابلة معاه الحانوت تاوصل الغدا وطلعو يتغداو
الاب دخل للدوش يغسل حالتو وسارة مشات نيشان قاصدة الطبلة
الام غوتات من الكوزيينة: سااارة سيري غسلي حالتك المعفوونة الروييجل شهاد الحالة شوفي يديييك كيعامرين بلاكريس دالبوطات
سارة شافت فمها ببرودة وماتسوقاتش ليها
الام: معااامن كنهضر انا ناري غاتسطيني هاد البنت علاش كندوي معاك ومكتجاوبينيش
سارة: هاكا انا دايرة
هزات مها الشطابة كانت حداها وبقات كضرب فيها: كتردي عليا صافي كبرتي وطواليتي وتقادو الكتاف سارة بحالا كتهرها مها خاصة انها لابسة مونطو غليض ولكن خاصها تبين بلي تقسحات باش تحبس مها
سارة كتحاول تمثل:اي قسحتيني احح صافي حبسي
خرج باها من الطواليط وسلتات دخلاتليها غسلات راسها مزيان ومشات تغداوو فجو لايخلو من النگير
سالات سارة ماكلتها شوية سمعات البنات تايعيطو
امال: سااااارة وااسارة سربي را قل قسمين هادي او تعطلتي
ناضت سارة بالشوية عليها:هاني جاية
الام: ناري كتفقسني بهاد البرود ديالها
الاب شاف فيها وتنهد كمل ماكلتو
الام : كتشبه ليك نيت
مشات لبسات سروال دجين واسع فوق سروال البيجامة وسدات المونطو على البيجامة مالفوق مع طويل مابايناش
بانت غليظة بالكم الهائل دالحوايج لي لابسة وهي لاشفتيها عريانة دايرة تماك كي سفود العواشر
هزات شكارتها وخشات رجليها فبوط..
خرجات من بيتها لقات مها حاطة الديسير طيرات تفاحة بالخف لاتسيفطليها مها شي بوط للراس
خرجات عند صاحبتها
امال: ويلي على حالة ماماشطاش شعرك تاني الكلبة على الاقل جمعيه بعدا مزيان..
جمعاتولها سفنجة مزيرة وسارة مامسوقاش تاتاكل فتفاحتها
شافت امال فالمونطو ديالها: ويلي على شوهة ماتقوليليش جاو البوطات تاني اتمشي تبدلي هاد المونطو ولا والله لامشيت معاك
سارة كتاكل فتفاحتها مشات قدامها بلامبالاة زعما بغيتي تبعيني تبعني مابغيتيش سيفحالاتك
امال تبعاتها : اووف غاتحمقني هاد البغلة ياربييي
مشاو لليسي قرااو حصصهم وخرجوو.
تعرض ليهم واحد الدري طايح فامال لي كانت بنت طويلة ولكن سارة طول منها غا امال عامرة شوية على سارة
#يتيع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
