🌀امراة متنكرة في عالم الرجال🌀
بقلمي:hanane zh
الجزء 7
صبح الحال على ياسين
فاق ياسين على ضوء اشعة الشمس اللي دخلات من السراجم
دخل دوش وبدل حوايجو
طل على الساعة لقاها 9 باقي الحال بالنسبة ليه مازال ماباغي ينزل
بقى واقف حدا السرجم تايطل على الخدامة كل واحد وشتايدير كان واحد تايقطع الشجر ويسقي فالورد
بقى ياسين حاضيه ..كان رجل كبير بزاف فالعمر ظهرو مقوس ولباسو مجرتل باينة عليه فقير..
بقى ياسين تايفكر فنفسو : مافهمتش لاش خدام هاد الخدمة لي ماعندها تامعنى .. لاش غايسقي الورد النهار كاامل وتحت اشعة الشمس الحارقة مادام الشتا كطيح و واخا ماطيحش كاينين الات متخصصين لهادشي .واصلا الورد ماعندو تاشي دور فالحياة شي حاجة غا زايدة لاش غايديروه اصلا .. والشجر لاش يقطعهم متلا ويضيعهم ؟ ومن بعد ؟ شنو غانستفدو من هادشي .. بحال هاد النوع ماخصوش يكون خدام باينة فيه شارف بزاف تكون عندو ديك 70 سنة .. لاش باقي عايش؟ شنو الحاجة الزوينة فحياتو لي مخلياه متشبث بالحياة وتايخدم خدمة غبية بحال هادي ويتكرفس فيها... شاف فالسما وقال : كنتمنى نموت فعمري 35 يعني منهنا ل 7 سنوات هادشي لاماتزوجتش ويلا تزوجت نموت فالاربعين خمس سنين كافية ليا نشبع جنس مع شي وحدة ولا زوج بلا مايولدو مني مابغيتش نخلي دراري ولادي فهاد الحياة العبثية من الاحسن ليهم مايتولدوش ..
نزل مالقاش باه وخوتو كانت مرت خوه وولدها كتوكلو ..ومو جالسة فالفوتوي كتقاد فشي حاجة غي شافتو نقزات من بلاصتها وهي مبتسمة: ولدييي فقتي
شافت فيه مرت خوه وسهات فيه وهي كتفكر الهضرة لي قاليها رجلها بالليل بيناتهم وداكشي لي عاودليها على الماضي ديالهم وخاصة ديال ياسين ... شافت فيه شوفة حقد وكره وقلبات عينيها
هو من طبيعة الحال رد البال لهادشي ولكن ماحرك فيه والو ..
مشى جلس مقابل معاها ومو وصات الخدامة تحط ليه فطورو
قهراتو مو بالهضرة ولكن اغلبية ماسمعهاش شكانت كتقول .. كان باغي غي ياكل فيه الجوع بزااف ... كمل وابتسم ليهم بزوج ابتسامة مزيفة بلامايقول تاشي كلمة..وناض لبس حوايجو وخرج يتمشى شوية....
عند سارة
الاب فالحانوت تايهضر فالتيلي: افين غبورك اصاحبي هههههه
الشخص: غي مع الخدمة راك عاارف ماكنجلسوش الفيرمة مرونة هاد اليامات ..
الاب:اودي ديما نتوما مرونة عندكم... عقلت فاش كنا فالجامعة كنا تانقولو نخدمو ونرتاحو ساعة بانلي تمارة عاد مكتزيد ههههههه
الشخص : ايييه على يامات لافاك باش فكرتيني دوزناها انا وياك لديك فاس ههههه
الاب:باقي عاقل على احداث 1989 فاش ترونات
الشخص: وعلااه انا ننسى .. دازت علينا ديك الوقيتة اصاحبي .. خاصة بعد ممات عبد النبي صاحبنا
الاب تنهد تفكر صديق الطفولة ديالوو : اودي ...الدايم الله .. الليرحمو
الشخص: امين اربي. هم السابقون ونحن اللاحقون
الاب شاف فسارة لي عاد جات من الليسي وقاليها وهو باقي شاد التيلي: بنتي شوفي ديك البنت شنو بغات
سارة دارت ببرود عند البنت
الشخص فالتيليفون: فين واحد سارة كبرات شوية
الاب: هاهي را فاتتني فالطول
الشخص: باقة حشومية كيكانت
الاب: حشومية ؟هادي قول سكوتية وباردة هانتا والجواب متجاوباتنيش .. شي نهار اتخرج لمها العقل
الشخص: ماشي باردة ولكن كتخدم دماغها اكتر كتعجبني شخصيتها كتفكرني غا فولد خويا تاهو هاكا داير ولا اكتر من صغرو بارد.. فكرتيني نيت خاصني نسول فيهم نشوف ياكما يجيو عندي.. اخويا انا فهاد البلاد تاحد ماكايوصل عندي
الاب: ياك انا كنجي عندك تقريبا كل ويكاند
الشخص: كاتجي غا تجيبليا التقضية مالك كتجلس
الاب: هههههههههههههههههههه راك عارف الحانوت كيداير خاصو الخدمة من الصباح تالليل أما نجي عندك نحييو الدكريات
الشخص: وانتا لي مابغيتيش تخدم معاك شي واحد مكتيقش اصاحبي.. مهم ضروري تجي لعندي شي ويكاند نتا والفاميلة نشوف نيت سارة كيولات را تقريبا ٩ سنوات هادي ماشتها
الاب: ان شاء الله.. يا الله نخليك دابا جا الكاميو دالمونادا تال الويكاند ونتشاوفو
الشخص : ان شاء الله
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
