امراة متنكرة في عالم الرجال 💪
الجزء 52
بقلم: حنان زهراوي/ اريا ستارك
كماال: اه اااااه هرستي ليا سناني اه
سارة مشات شنقات عليه وهو شاد فمو لي كولو عامر دمايات غلضات صوتها بحال ديما: غانهرس لديمك عضامك كلهم إلا ماحبستيش هاد تق**** ديالك
دفعاتو بجهد ورجعت خنزرات فدراري لي هزو يدهم بمعنى صافي صافي رجعات عند ياسين ولوات يدها مورا ضهرو وتحت باطو باش تقدر توقفو كلا لعصا سيرتو فكرشو وضهرو..
ياسين كيحاول مايكاليش عليه ووقف بوحدو ساعة فعلا كيحس بالألام فعضامو كلهم..
سمير كيشوف فيه بنص عين: غير تسند عليا اصحبي
ياسين بكل غرور: مكنتش محتاجك أصلا
سمير: لا باينة شوية كانو يردوك كفتة اولد لعبد ومزال كتخرج عينيك
ياسين: باش عرفتيهم اصلا جاو تبعوني
سمير: غير صدفة كنت كنتريني
ياسين عارفهم كانو فساحة حيت كان حاضيهم قبل مايتبعو كمال وصحابو.. ويغفلووه ماللور يضربوه
سمير: هاد لمرة حدو لك عياقتك
ياسين: ماو والو هداك راه جبن يجيوني على غفلة ممممم
سارة سمعات صوتو فلخر عرفات شي حاجة كاينة شافت فين شاد جنبو لقات الدم خنزرات وكمشات يدها قبضة منادماش حيت ضاربات وبينات ليهم قوتها حيت هداك كان هو لحل الوحيد..
سارة حيدات ليه يدو وطلعات تيشورط لقات جرحة غارقة شوية.
سمير: ولاد**** ضربوك بموس؟
ياسين: عادي
سمير: اه عادي كل نهار كنتضاربو بلماس وجناوا وا تسطيتي غانديك لعند طبيبة..
ياسين: نتا لي تسطيتي باغي تخرج علينا إلا عرفونا ضاربنا غادين ينقصو لينا النقط وبحال والو يعطيونا شي عقوبة
سمير: بفف لمرض
وصلو للبيت حطات ياسين فوق سريرو مشات لصاكها جبدات منو اسعافات الأولية، ياسين بغا يحيد تيشورط يديه كيضروه مقدرش يطلعو هز مقص من فوق كوافوز وقطعو من لوسط حيدو، سارة ملي جات بركت حداه بقات كتشوف فصدرو لي كيبان مطراسي باين ديما كان كيتريني فيقها من سهوتها كلامو..
ياسين هاز حاجبو: شفتي شي حاجة عجباتك؟؟
سارة تفكرات معامن هي مغرور واخا يكون على شفير لموت: غادي نعقم لك الجرح ولكن ضروري يتخيط خاصني نتسنى التدريبات تبدا عاد نمشي نخون ليهم لخيط والتخربيق...
ياسين: لالا مامحتاجش..
سمير: ماخديتش رأيك راه ضروري ولا غايجيك شي تعفن
ياسين مخنزر فيه: جسمي وانا حر فيه
سمير تعصب زكا من دكشي لي كان كيدير: عرفتي اشنو شغلك هدا ..
خرجات سارة من لبيت معصبة من بعد ماغامرات وضاربات وعوناتو واخا هكاك باقي حيوان وردخات عليه لباب وغادة وكتنكر فخاطرها مكينش لمعيورة لي زكلاتو بيها..
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
