امراة متنكرة في عالم الرجال 💪
الحزء 59
بقلم:حنان زهراوي / اريا ستارك
كلام سمير ضرب لياسين على وتر حساس تفكر راسو صغير فداك لبيت وخالتو كتعدبو ومكانش تاشي حد فجنبو زاد خطوة قرب لسمير وشد ليه دراعو بجهد ورك عليه وهضر وسنانو مكروزين بالأعصاب.
ياسين: مرة الجاية دخل سوق راسك ماشكييييتش علك
سمير شاف فيدو وشافيه وهز حاجبو: طلق من يدي
ياسين زاد كرز على سمير: واش فهمتي ولا نفهمك؟؟
سمير نتر يدو: خاصك تفهم هادشي لي كندير ماكيعني تاحاجة أي واحد فيه شوية ديال الإنسانية غادي يدير بحالي
ياسين عاود شد فيديه بزوج وورك عليه: سمع نقولك انا مامحتاج تاشي حد ومن أحسن ديها غير فراسك انا بيخير
سمير بغا ينتر يدو وياسين بقا شادها كارز عليها وعينيه فعينين ياسين ومخنزر،
سمير طلع ليه دم ونتر يدو بجهد ياسين حس بالألام مقدرش يجر يدو ومع سمير جر بجهد تلاح عليه ياسين ديريكت طيحو لرض وطاح فوق منو..
سارة كترمش عينيها وكتشووف فعينين ياسين لي خارجين وهادي ماشي لموصيبة لمشكل هو فمو لي على فمها....
سارة تزنكات ودورات وجهها وكدفع فياسين لي خشا وجههو فعنقها وتقلو كلو فوق منها دفعاتو بجهد لجنب وبركات فلرض كاتمسح ففمها..
سمير: واش مريض نتا مال ديمك على هاد لحالة
ياسيين ريحتها باقية فنيفو ومداف شفاهها ففموو ماجاوبهاش
سارة:ماقادر تاتوقف وتشدراسك وبارك كاتقلبح معايا
سارة كتسنى فيه يجاوبها متحركش دوراتو لقات دم خارج ليه من جرحة وعينيه نغمضين حطات يدها على جبهتو لقاتو سخون بزاف تتهدات على زهرها لعوج حياتها كاملة عوجة تاحاجة مكتجيها مقادة..
سارة كتصرفق وجهو بشوية: ياسين ياسين!! (والو مفاقش ليها) واحد يخلي مك هنا
وقفات معصبة وكتشوف فيه فلرض وتنهدات: تفو تفو علاش كيبقى فيا بنادم يخ
حاولات تهزو وتكايس على جرحة كتفكر اقرب بلاصة ليها هي لانفيرمري ونيت خاصها مضاد حيوي وشي حاجة للألم...دخلات كتسلت حطاتو فوق لباياص..
سارة: واااع شحال تقيل يخزيت مالي على حالتي تفو صكوعية هادي والله
طبيبة خرجات من ورا واحد لخامية: اش كدير هنا؟؟
سارة تضعقات رجعات صوتها لغليض بحال رجال: ها لا والو عرفتي اشنو حنا غانمشيو..
طبيبة:نتا لي خونتي ليا لمعدات ديك نهار
سمير: ها لا معرفتش علاش كدوي
طبيبة هزات حاجبها ومشات لياسين هزات تيشورط لفين كاينة ضربة وحيدات لفاصمة ونعتات لسمير: هادشي لفاصمة لخيط دوا..كتصحبني مغنعرفش؟؟ راه هادشي كيما كنحسبو ديما عارفة اشنو عندي وشنو خاصني ..ماعلينا أرا ليا دوك ليكات ولبس تانتا وحدين وجي وقف حدايا .
سمير: هااا واخة!! سمحي ليا مقصدتش نشفرهم غير خفت نوقعو فمشاكل لاساق لعميد لخبار ولا شي حد من المسؤولين قلت غايجريو علينا
طبيبة قطعات لياسين تيشورط بخطرة وشدات ليكات دارتهم وشافت فسمير..
طبيبة: حل ديك بلاصة وهز منها لالكول ... نتا لي خيطتي ليه؟؟
سمير هاز لالكول وجاي:احم لااا اه اه
طبيبة ضحكات: ههه غير تبت معايا ...اجي عقم ليه جرح وانا غانمشي نقاد لبرا لي غاندق ليه
سمير: ديالاش لبرا؟؟
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
