امرأة متنكرة في عالم الرجال 🤠مكتملة🤠

الجزء 56 🤠

امراة متنكرة في عالم الرجال 💪

الجزء 56

بقلم: حنان زهراوي/ اريا ستارك

الخالة دارت للخدامة تاهي صرفقاتها: سكتي سكتي كدافعي عليه وهو خنقها بنتي ماتت بسبابو حيوان قتال
عودات صرفقاتو وهو كيتنخصص ووجهو كلو حمر والدم خرج ليه من نيفو: انا مدرت والو هئ هئ هئ
لخالة دارت عند لخدامة: ديه لبيت لقديم ديال خدامات وسدي عليه
لخدامة خرجات عينيها: ولكن الالة
لخالة بعصبية : سربي يالااااه
مشات تجري لطوموبيلتها حطات بنتها اللور وهي عارفاها ماتت غير مابغاتش تستوعبها..

من بعد مانعسات اميرة وهي فيدين ياسين تاهو داه نعاس وفوسط النعاس طلقها لفوق السرير وتقلب فوق منها بلا مايحس... ملي فاقت لخالة وطلعت لقات وجه اميرة تحت من صدر ياسين... كان مول امانة دا أمانتو وتوفات وفعلا ملي وصلات لكلينيك قالو ليها نفس لع
هضرة جاتها هيستيرية كتبكيي وتغوت لييهم فالسبيطاار... راجلها كان عاد مات بسباب حادثة سير ودبا بنتها فلذة كبدتها الذكرى الوحيدة لي بقاتليها من راجلها تاهي تبعاتو...

رجعات للدار بلا أميرة حيت سبيطار شدوها تايكتبو اسباب لموت وحققو بلا ماشي مها لي قتلاتها خاصهم ضروري يدخلو بوليس لي فعلا جا وستجوب كلشي... الدري صغسير ماعندهم مايديروليه.. لاموها هي لي خلاتو بوحدو معاها...

غير مشاو البوليس تسيفات هزات سمطة ومشات لياسين دخلات لبيت لخدامات لي مافيه تاشي اتات غير ربعة لحيوط والأرض، سداتو من موراها وتمت جاية عند.ياسين لي عرف من شوفاتها بلي غادير ليه شي حاجة خايبة..
ياسين مكمش كان خايف من الظلام شافيها وتايبكي النص فاهمو والنص مافاهموش : خالتي عفاك مدرت والو والله وكلتها ونعسنا ولباب سديتت والله ماشي انا لي خليتو محلول
لخالة شداتو من وجهو وكتكرز عليه وعينيها حمرين: قتليتيها خنقتيها وهي ناعسة وقتلتيها الحيوان قتلتيييهااا الوحش.. نتا قتاال من صغرك قتاال من داباا غاطلع قتال خاصني نهني البشرية منك...
ياسين مخلووع ديال بالصح تايبكي : لالا والله..
خالتو مخالاتوش يكمل لهضرة لاحتو لرض وبدات كتعطيه بالسمطة وهو كيغوت ولخدامات سمعو لغوات جاو كيدقو فلباب والو محلاتش ليهم كيسمعوها كتقوليه نتا حيوان نتا مريض وحش فهمها خاصك تقهمها....
وحدة من لخدامات لي مشات عيطات عيطات لواليدين ياسين ماجاوبوش
وعاودات عيطات ليهم والوو خارج التغطية.. هما راهم فالخارج..
ملي خرحات لخالة وصات لخدامات مايوصلوش ليه وسدات لباب بساروت..
لغد ليه كيفيق ياسين بالألام فلحمو كولو كيعكرو ناض بزز مشا لباب وبدا كيدق..
ياسين: خالتي عفاك حلي فيا جوع عفاك
ياسين: خالتي هاد لبيت كيخلع عفاك..
بقا كيغوت شحال شوية تحل لباب بجهد هو شاف خالتو رجع لور بلخلعة جات بركات حداه فالأرض وهزات بريكة كتحمي لقطيب بيها وكتهضر: بغيتي تخرج؟؟
ياسين: اه
لخالة: غادي تعتارف بلا راك وحش وحيوان وقتال ومريض كلشي هادشي لي نقول .
ياسين مخلوع كيقفقف وكيشوف فيها وكيحرك راسو: عفاك اما مدرت والو
خنزرات فيه: مبغيتيش تفهم ياك
كتحمي لقطيب وتحطو على لحمو وهو كيغوت ربي لي خلقو وكيقوليها.
ياسين: اه اه انا كاع دكشي لي قلتي عفاك اخالتي عفاك هئ هئ هئ
عنقاتو وهي كتبكي: شو انا عارفاك باغي دير لخاطر لخالتك لالا بحال هاك غالط خاصك تعتارف خاصك تيق بلا لداخل ديال حيوان لداخل ديالك وحش.
كتعاود تحرقو وغواتو كيقطع قلب لخدامات
مدة سيمانة وهي كتعدب فيه وتحرق فيه لدرجة ولا غي تايسمع صوت صباطها الطالون قريب الباب تايسخف بالخلعة قبل مادخل عندو وكتلقاه مغيب..
. تايصونيوليها عائلتو يسولو فيه كتقوليهم لاباس علييه... وقررو يزيدو يجلسو تماك مع ولدهم حميد تايخرجو النتائج
واحد النهار شداتو بالعصاا تاقربات تقتلو وغوااتو حامي الدنياا.. ناضت وحدة من الخدامات غامرات وعيطات لبوليس ملي جاو داوه ديريكت لسبيطار كان غيب بكترة لآلام والحراق.

#يتبع