امرأة متنكرة في عالم الرجال 💪
الجزء 143
بقلم:حنان زهراوي /اريا ستارك
سارة وقفات مور ماعرفاتو عاق بيها هزات حجبانها باستغراب كيفاش شافها؟ عاد بانت ليها جاجة لي يقدر يكون شافها فلإنعكاس ديالها. دار عندها ياسين خشا تيليفونو فجيبو وقرب ليها. كان لابس غا شورط فالابيض مزوق بالاسود..
سارة هزات راسها فصدرو واخة كانت مولفة تشوفو فلأكاديمة ملي كانت معاه فبيت واحد ولكن دابة شي حاجة تبدلات: من ايمتا ونتا عارف؟
ياسين: ماكيهمش
سارة عقدات حجبانها عارفة طريقتو ديال تفكير وهضراتو مدوزوش قليل فلأكادمية: اوكي وعلاش كنتي فديك لفيلا؟؟
ياسين داز من حداها ومشى لجهة البار هز قرعة دالويسكي خوا لراسو : ماتايهمش دابا
هز الكاس تايشرب وسولها: علاش مشيتي لديك الفيلا
سارة خربقات شعرها بأعصاب كاحاول متبينش ليه ولكن لاحضات كيفاش عينيه مقابلينها ومقابلين حركاتها.
سارة: ماكيهمش دابة
ياسين قرب ليها تاني شرب الكاس فدقة وحدة وحطو: كتقلبي على الصدااع؟... كون مجبتش فديك وقيتة تقدري تكوني ميتة
سارة كتحاول تعاملو ببرود ديالو باش يحس كيفاش كيحسو ناس من طريقتو: كون كان وقتي كون مت صوا جيتي صوا ماجيتيش
ياسين شدها من دراعها وزير عليها: علاش كتحدايني
سارة بسهولة ضورات يدها بزربة وخرجات من قبضة ديالو: علاش كتسول أصلا وكون مت اشنو لي كيهمك فحياتي؟؟
ياسين ضحك باستهزاء: مكيهمنيش موتك ... مشكل هو كون تزوجنا ومهربتيش كنت دابة غانكون أرمل
سارة هزات فيه عينيها بتعب معندهاش خاطر لهاد نقاشات: حمد لله هربت ادن
ياسين لأول مرة كلام وطريقة شي حد كتهليه يحس باحساس فشكل بحال باغي يهرس شي حاجة يضرب شي حد معرفش اشنو يدير واقلة خاصو يرجع ياخد دواه هادشي ماشي عادي عمرو حس بهادشي خربق شعرو ورجع ملاميحو باردين..
ياسين: علاش هربتي داك نهار؟
سارة باغة تستافزو بغات تشوف أي حاجة فملاميحو: غير لملل
ياسين تمشا وقف قدامها وشدها من دراعو قربها ليه ومخنزر فيها: من لأحسن لك متلعبيش معايا وديك فيلا وديك ناس خليهم بعاد علك لاكنتي باغة تعيشي اما لطنتي باغة تموتي نعاونك انا نيت
سارة عرفاتو تاهو كيستفزها باش تعصب: كون مكنتيش باغيني نبقا حية كون محليتش عينيا ولمن نتا لي حبستيهم
ياسين: مكيهمنيش موتك كيهمني غير اسمي مايتدكرش مع شي جريمة...
سارة بقات كتشوف فيه وقررات تجرب تقول أفكار لي كدور فراسها وتشوف ردة فعلو: مممم بصاااح؟؟ كيما قتلتي داك شمكار لي كان مع بابا؟؟ برافو زعمة مخليتيش لأثر
ياسين بطل برود: عندك شي دليل على هادشي لي كتقولي؟
سارة: واحد من رجالك كان مراقبني وتبعتو لهنا.. ولفيلا لي جيتي ليها
ياسين هز كتفو: رجالي كانو غير مراقبينك
سارة: تيقتك!! وهاد رجالك علاش مقابليني؟؟
ياسين كب لراسو كاس أخر: مكنتيقش فك!! وحدة دخلات اكادمية ديال دراري ودارت راسها دري وملي تخرجات رجعات لنفس لأكادمية تولي مدربة شي حاجة هنا ماي نورمال وهي نتي... ودخلتي للدماغي نعرف شنو تحت راسك
سارة ضحكات وصفقات: براااافو تسلسل احدات وأفكار زوينة تقدر تكون كاتب مشهور
ياسين شرب لكاس وزير عليه قبضة ديال يدو كيحاول مايخليش كلامها واستهزائها يخليه يدير شي حاجة غايندم عليها: شرحي ليا نني علاش رجعتي للأكادية عوتاني؟؟ كنتي باغة تهربي قبل منعرفك ياك؟؟ اشنو سبب لي خلاك ترجعي
سارة بتاسمات باستفزاز وهزات كتافها: توحشت ماسين
ياسين شير بلكاس داز من حداها وتخبط مع لحيط، سارة بقات تشوف اول مرة شافت ردة فعل متوقعة اول مرة شافتو معصب وعروقو باينين، تفكرات نهار قاليها ماسين بلا لي داز على ياسين فصغر كان سباب هاد لحالة لي فيها هو وكيفاش كيتعامل..
سارة بتاسمات: تعصبتي؟؟ واو يوم تاريخي
ياسين مخنزر: انا مكنتعصبش
سارة: وعلاش ضربتي كاس مع لحيط بغيتي دوقو من شراب ولا؟؟
ياسين دار عطاها بضهر: سيري لسبيطار باباك فاق
سارة خرجات عينيها وعقدات حجبانها: ونتا لاش مراقبو؟؟
ياسين : بانلي هادا لي ضربو عبر عليه.. باش تعنقيني وتبكي را خاصو يكون دارليك شي حاجة نيييت
سارة تفكراات بلي عنقاتو وتباوسو كااع.. واخا ماطولوش وجا منير ولكن را باسها... تزنكات وبداا قلبها كايضرب فالتسعين
ياسين كايتسناها تجاوبو ووالو قال بنفاد صبر: تايجيني هاد المخلوق دالانسان فشكال... شخص اذاه وواخا هاكاك باقي تايخاف عليه ويبقى فيه
سارة شافت ودارت ابتسامة استهزاء : ههه من ديما كنت كنقول نتا ماتكون نيت غا شي فضائي دابا اكدتيهالي
ياسين تايلعب عليها بالهضرة..بدا تايقرب لييها وهي كتبعد وهو تايقرب وهي تبعد تاضربات ظهرها بشي حاجة قاسحة دارت لقات الحيط من وراها.. ياسين هز يديه.. وتكى على الحيط حدا راسها..
شافت سارة فيدو الموشومة.. وشافت فيه كتحاول تجبد شي موضوع: ا داير وشام.. ايمتا درتيه..
ياسين قرب وجهو لوجهها:هاد الكائن الفضائي البارح كنتي......
سارة دغياا قاطعاتو: ااا انا غايخصني نمشي للسبيطاار..
دفعاتو دغياا و ضربات فيه.... حلات لباب خرجات..
ياسين لبس سروالو دغيا و تيشورت هز سوارت البرطمة والطوموبيل وخرج..
سارة ملي وصلات شانطي وهي واقفة شحاااال كتسنى تبانليها شي طاكسي، والو...
وقف ياسين قدامها بطوموبيلة رانج روفر: طلعي!! لا بغيتي ضربيها على رجليك فازي..
سارة بلعيا لي فيها ركبات معاه ولكن مقالتش كلمة وحدة حتى حطها قدام سبيطار: شكرا
خلات ياسين مقابلها كيفاش كتعامل معاه هكاك اشنو لي خلاها تقول شكرا ويلا عرفات بلي هو لي سيفط باها للسبيطار واش غاتشكرو واحد كان هو سباب باش دخلات فالدار دنيكول وباها نيكولاص خاصو يفك حريرتهم فأقرب وقت كسيرا ديريكت للفيلا ديال باه وعيط فالطريق للعميد...
لعميد بصوت حاد: سي ياسين واش هادي دار باك دخل وتخرج كيما بغيتي فين راك وعلاش مرجعتيش؟؟
ياسين بلا مبالاة: طبيب قاليا عندي مضاعفات وخاصني نرتاح غانسيفط لك مالادي فيها يوماين
لعميد: واخا ولكن مبقيتيش غاتخرج فشهر كيما بغيتي غادوز معانا لمدة لكاملة وغاتبدا فالبروغرام الجديد باش تتخرج فشهر
ياسين:لا مابقيتش باغي نخرج فشهر غانكمل عاادي تالامتحانات..
العميد: تاتجي ونشوفو .
. قطع معاه وكيفكر اشنو الإجراءات لي خاصو يدير باش يسالي مشكل نيكولاص وديك نيكول... ماخاصوش يسهلهوم
يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
