امراة متنكرة في عالم الرجال 💪
الجزء 58
بقلم: حنان زهراوي / اريا ستارك
ماسين عنق سمير بلفرحة ملي رد لبال طلقو بزربة حتى كان غايجيب ربحة..
سمير: تامال ديمك وليتي هاكا هاد ليامات بحال عندك انفصام فشخصية
ماسين:احم بغيت غير نقولك شكرا على الماكلة مع تعاقبت بسبابكم ملي ساليت مالقيت تاشي حاجة تكال فديك الكافيتيريا
ياسين غير كيسمع وكيتسنى فيهم يغبرو ولا ينعسو باش ياكل حيت فعلا فيه لموت ديال جوع..
💫💫💫
ضرباتها لفيقة مع تلاتة صباح جسمها ولف لفياق فهاد لوقت...
ساهية فالسقف كاتفكر كيفاش بدات هاد لمشوار وفين وصلات هاد شهراين لي دازت هنا بحالا دازت فرمشة عين محساتش بالوقت، ضورات وجهها جيهة ماسين تشوفو واش فاق يتريني لقاتو حال فمو وناعس مكينش فهاد العالم بتاسمات وبقات ساهية فيه وحطات يدها على قلبها هاد لمرة مكايضربش بزربة.. مفهماتش هاد الأحاسيس لي كدوز منهم فينما كليقول ليها شي كلمة زوينة كتحركها قلبها كيبدى يضرب بزربة وكتزنك... مشكيلة هي معمرها تزنكات معرفتش واش حياتها متنكرة بهاد طريقة خلاتها حساسة كتر من لقياس... بحكم مؤخرا ربعة وعشرين ساعة وهي دايرة راسها دري، دورات راسها عوتاني كتشوف فيه وهو يتحرك تهز تيشورط على كرشو هرو وهو يتحرك حك كرشو بقات كتشوف وكتقارن مع ليزابدو لي شافتهم عند ياسين باين من شحال هادا وهو كيتريني.. تفكراات ياسين لي كان مضروب دورات عينيها تشوفو كيولا ملقاتوش ناضت بزربة وقفات ومشات لحمام دقات ودخلات ملقاتوش، خرجات بزربة مشات لساحة فين كيترينيو ملقات والو مشات لمكتابة دنيا مقطوعة بقات غادة وصلات كفيتيريا مكين تاحد دارت غاترجع للبيت...
وهي تسمع تخرشيش فكوزينة رجعات كتسلت وطلات لقات ياسين واقف متكي على بوطاجي وهاز كوكوط لي طيبات فيها شربة كياكل دكشي لي بقا منها وكايتبنن... حبسات الضحكة وبقات كتشوف فيه كياكل ..
سمير تمشى وقف حداه: عجباتك الشوربة؟؟ كون قلتي ليا نزيدك
ياسين حط دكشي من يدو وبكل برود دار عندو: الجوع كيخليك تاكل لي جا فطريقك
سمير خنزر فيه: زعما متقدرش تقول شي حاجة زوينة؟؟
ياسين هز كتفو بإهمال: ماكاينش سبب مقنع
سمير زاد جوج خطوات وربع يديه: زعما عاوناك وخيطنالك الجرحة ودرنا لك ماكلة وفلخر مكاتحاولش تكون مأدب... قول غا شكراا واخا غي بالزز هانية...
ياسين بتاسم باستهزاء: وتاحد مقالك دير شي حاجة نتا بوحدك كترطا
سمير تعصب وجا وقف قدامو: شتي نتا شي نهار غاتحتاج بنادم ولا عائلتك اي حد يوقف معاك فشي موقف ولا يعتقك من شي موقف ومغتلقى تاحد غاتبقا بوحدك كتألم وحاصل ومكاينش لي غايجي منك ويكون فجنبك
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
