امرأة متنكرة في عالم الرجال 💙💪
الجزء 178
بقلم حنان زهراوي /اريا ستارك
فالاكاديمية..
ماسين بقى النهار كااامل فالبييت طلعليه فراسو
خاف يخرج ويتلاقا بالغنيد ولا شي مدرب.....
ماسين تايفكر بالجهد: بففف النهار كامل وانا ناعس ظهري فرعني.. كون غاخرجت انا نييت بلاصة داك الكلب..ونضبر فالتيلي على ذوقي. (توكض ووقف بالزربة مشى جهة الباب) انمشي للانفيرمري نكمل الخدمة لي بقاتلي من شحال هادي ونتلهى تمااك تايجيني النعاس...(تم راجع تاني لبلاصتو) .. لا لا كاين داك الكانبو تماك... (شوية رجع تاني للباب) اللهم داك عوج السنسور ولا نموت بالقنط فهاد البيت
مشى خرج تايتسلت فاتجاه لانفيرمري وفينما بانليه شي حد من الدراري تايتخبى ويقلب الطريق ولا يغطي وجهو...
دخلات والابتسامة مرسومة فوجهها.. كتبتسم وتسلم على الطلبة لي تادوزو من حداها..
دخلات لبيتها لافاليز و خرجات فالبلاصة.. مشات كتسول على سارة مالقاتهاش..
مشات لانفيرموري تسلم على الصديق والاكس ديالها
ايمان لقات الباب مفتوح طلات علييه وهي كدق : دكتوور
دار شاف فيها بذهول: ايمااااان
ايمان: مالك تصدمتي ماتوقعتينيش نحي دابا
الدكتور كريم: ياك عاد مشيتي يوماين هادي اش جابك لهنا... دخلي دخلي بعدا جلسي تفضلي
ايمان: هاي هاي كتعرضني فالبيرو ديالي ماحشمتيش. تانوض تكعد بالاك من الكرسي ديالي قالاك دخلي تفضلي.. هادي هي دخلناه ياكل الفريك ، صبح معانا شريك .
😂
ضحك كريم من نيتو: ههههههههههههههههه ايمان هي ايمان 😂😂 الحمقة.. صراحة حماقك هو لي حمقني فييك فاللول😍
ايمااان بداات كضحك
مع قال هاد الجملة مع دخل ماسين كي الزلزال.. كان واقف قدام الباب وسمع اخير جملة شاف فايمان كيكضحك تعصب
ماسين مخنزر فالدكتور وتايهضر : حم احم السلام... ياكما قاطعتك على شي حاجة ا استاذ
ايمان سمعات صوتو تبدل فيها اللون... مور ماعيط ليها العميد ترجع حيتاش محتاجينها... غايجيبو عندهم للمدرسة شي عساكرية يقابلوهم
رجعات غي بالزز وواعدات راسها انها غاتبدل تعاملها مع ماسين.. وغاتتفادااه اكبر قدر ممكن وتحاول ماتلاقاش بيه
دارت حادرة راسها ماشافتش فيه: بسلامة كريم.. تانرجع عندك مور ماتسالي الخدمة..
خرجات من الباب بلا ماتسوق لماسين لي شوفاتو كون كانو قرطاس كون تقبو الدكتور ردوه غربال وحتا هو مبادلو التخنزير حيتاش قاطعو
دك. كريم: ياك لاباس.. ضاراك شي حاجة
الدكتور قصد ياكما ضاراه شي حاحة فصحتو وماسين فهمها زعما واش شغلك
ماسين: ااه ضارااني ومن بعد
الدكتور : مهم را ولا خاصك تشد رونديفو وعاد تجي عندي... غايحيو العسكر اليوم...
ماسين عرفو مافهمووش طلع معاه ونزل
ماكرهتش يطير عليه يشتتليه لافيشور تاع وجهو ولكن كاينين قواانين مانعينوو...
ماداهاش فيه ومشى خرج تبع ايمان
ايمان غادية بالزربة فالكولوار وصل لعندها تايلهت جرها منريدها
ماسين: مااالك مسخرة للقاسد
ايمان يالاه بغااات تجاوبو هزات راسها شافت فيه وهي تصدم.. هزات يديها حطاتهم على وجهو: اويلييي مالك؟؟؟ شكون دارلييك هاكا لوجهك
ماسين عجبو الحال : اي ايي قصحتيينيي
حيدات يديها ومعبسة وججها وقارنة حجبانها: يالااه معاياا... نشوفلك شي بوماض نديروولك لوجهك
ماسين : لا لا را مشيت عند اداك خيينا عطاني دواا اخر قالي نديرو دغياا تايمشيو لي طراس وماكنبقاش نحس بالالم.. ولكن مالقيتوش هنا
ايمان: اشمن دواا هادااا واش شي كالمون؟ ؟؟ واصلا ماخصوش يعطيك شي دوا ماكاينش هنا فالمدرسة.. ماسين حابس الضحكة : لا را ماكامش البارح ولكن اليوم جابوه
ايمان : ايوااا سير خوودوو شكاتساين.
ماسين: كنتسنااك نتي تجي تعطيه لي
ايمان خنزرات فيه: شووف وجهك كي خمااج وكتسنى فيا انا؟؟ سيير عند كريم يعطيهلك..
ماسين قرب ليهاا وقال : مايمكنش نطلبو للطبيب انا ماشي مثلي
ايمان توترات من قربو ليها. وعاد زاد كمل عليها بديك الهضرة... تزنكات وحنيكاتها حمارو
حشمهاا ولد الهم..
شافت فيه كتلف الموضوع : احم شكتقصد زعما اش جاب هادشي للموضوع
ماسين يالاه بغي يجاوبها هز عينو ضرب فالعميد جاي فالكوروار
دار عطاها بالظهر باش يمشي للجهة لاخرى بانليه المدرب ديالو تاهو جاي..
.. دار ليسر ذيالو كان غا الحيط وعلي اليمين الكولوار دالبنات باش دخل للملحق ديالهم ممنوع علي الدراري مالقى مايدير جر ايماان ذورها تاجات عاطياه بالظهر.. حنى من وراها يحالا مغطي بيها و شدها من كتافهاتايرجع بخطوات اللور جارها معاه
ايمان: شكادييير
ماسين: شوووت ماخصش يشوفني المدير والمدرب.. شوووت
بقى غادي تابانليه واحد الباب.. دفعو برجليه ودخلو بزوج تماك وسد عليهم..
كان الباب ديال واحد البيت صغير بحال شي خزانة تايخبيو فيها لي فام دميناج المستلزمات ديال التنظيف صغييرة ومضيقة.. وكانت عامرة.... حاو ملاصقيين مع بعضياتهم..
ايمان حشماات وقالت فنفسها: هادي هي غاتبعدي علييه عاد مازدتي تلاصقتي معاه تر يا ترر
ماسين بقى تايتصنت للصوت دالعمير كايهضر تابدا تايتلاشا بالشوية بالشوية..
شاف فايمان كي حشماانة ومخشية فييه وابتسم... هاد البنت كتعجبوو شخصيتها ماعرفش علاش مابغااهاش .. ولكت حس ببلاصتها خوات فهاد الوقيتة..
ماسين دور يدو على خصرها وزاد جرها لعندو اكترر
قرب فمو لوذنها وقال : هي غا غاتعطيني الدوا دابا...
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
