امراة متنكرة في عالم الرجال 💪
الحزء 92
بقلم: حنان زهراوي / اريا ستارك
داخل لمدرسة وهو كيشوف فأنحائها ومبتاسم حتى وقفات عليه وحدة هو عارفها مزيان ولكن هي واقلة معرفاتوش.
رميساء (اه هي خت ماسين نفسها):شكون نتا؟
منير مد يدو كيسلم عليها: آنسة رميساء
منير مد يدو لرميساء لي متحركاتش وباقة كطلع وتهبط فيه.
منير: آنسة رميساء واقلة؟ مشرفين انا لمعلم جديد
رميساء مطات يدها: تعطلتي واقلة؟
منير خنزر:واقلة كونطرا ديالي مغاتبدا على سيمانة؟!!
رميساء:اهتمامك بخدمتك مكتحددش وقتما بغيناك خاصنا نلقاوك
لحقات على منير امال وملي شافت رميساء معاه كانت غاترجع منين جات ساعة شافتها وقالت ليها تجي تبعهم.
منير معجبوش كلامها: كيما غادي نحتارم خدمتي والقوانين كنتمنى خصوصيتي تحتارم كدلك وقت لفراغ ديالي مكنخدمش فيه، جيت ليوما احتراما لأب ديالك ومكانتو عندي أما مرة خرا عيطي ليا فأوقات العمل. وصلات اماال حداهم وبدات كتمشى معاهم منير وقف ودار عند رميساء: ومرة خرا عيطي ليا فتيليفون لي كتبت ملي عمرت معلوماتي مكاين لاش تسيفطي ليا شي حد كنضن غير قانوني أنك تستغلي الخدامة هنا خارج نطاق المدرسة أو لالا؟
رميساء تزنكات وتعصبات: ضاهر ليا مغانتفاهموش انا وياك مزيان مكنشوفوش من نفس المنضور.
منير: مكيهمش واش نتفاهمو لمهم هو كل واحد يدير خدمتو مقادة.
رميساء خنزرات فيه وتزنكات خبطات طالونها مع لأرض بحال شي درية صغيورة وزادت وخلاتهم واقفين وصلات نص طريق وضارت عند امال.
رميساء: ونتي سيري قابلي خدمتك ولا صيبي ليا قهوة ولا نضفي شي قاعة.
امال تزيرات شحال من مرة كتبغي تجاوبها ومكتبغيش ضيع فرصتها فهاد لمدرسة لخاصة وهي لحالة لمادية ديال عائلتها مكتوفرش ليها شي حاجة ماحسن.
منير وقف قدام امال درق عليها رميساء: بلا متجوبيها بتاسمي ليها وسكتي.
فعلا دكشي لي دارت حتى مشات رميساء عاد حدرات راسها ودموع فعينيها، منير هز ليها راسها وبتاسم هز يدو مسح ليها دمعة لي درفات من عينها.
منير قاليها متل بالفرنسي: تاحد ماكستاهل دموعك ولي فعلا غايكون يستاهلهم عمرو ماغادي يبكيك.
امال تزنكات وحسات بسخونية طلعاتها ديما كيعجبها منير من لي كانت كتلاقا بيه قليل فاش كان كيزور دار سارة ومن زمان وهي ديما كتحلم بيه هو فارس أحلامها، ودابة عاد مكتزيد تعلق بشخصيتو لقوية رجولتو وشهامتو لي كتبان فأي حاجة كيديرها.
امال: شكرا بعض لمرات كتوصل فيا لعضم كنقول غادي نخلي كلشي ونمشي لدارنا معززة مكرمة.
منير جبد كارط فيزيت: هانتي دويت مع صاحبي عندو مدرسة ابتدائية خاصة وصغير ولكن حسن من وضعك هنا فهاد مدرسة. وافق يقدم لك عرض عمل مع لعلم أنه معندكش خبرة وغايكون يتسناك نعار تنين مع تمنية.
امال تلاحت عليه عنقاتو بلا متشعر: شكرا بزاف هادا أحسن خبر سمعتو فحياتي.
#يتبع
أنت تقرأ
امرأة متنكرة في عالم الرجال 🤠مكتملة🤠
Romantizm💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
