امرأة متنكرة في عالم الرجال 💙💪
الجزء 173
بقلم حنان زهراوي /اريا ستارك
مع دخل كمال للفيلا شنقات علييه مو كتعنق وتبوس..
لالة جميلة: الله الله اوليديي مال حالتك دايرة هاكا ضعاافيتيي بزاااف وكتبان صفر واش راك مريض!؟؟ بيك شي حاجة
كمال مبتسم: لا الواليدة مامريضش.. راني بيخير
دارت لالة جميلة شافت فالحاج: الحاااج واش هاداك كان فلندن ولاا فالحبس اويلي ميمتيي علي وليدي كمال
كمال والحاج غي سمعو الحبس تزنكوو ... وخنزرو بزوج فالرجال لي معاهم ياكما شي حد خرج شي هضرة ولا قاليها شي حاجة
الرجال تفافو فبلايصهم عارفين ااحاج مامعاهش اللعب...
لالة جميلة تعنق فولدها وتبوس: لب شافك يقول كنتي فالسبيطر ماشي فلندن.. غي قولي اولدي واش بالصح ماكتحس بوالو ماضارك والو
كمال رتااح منين سمعها قالت ااسبيطار يعني ماعارفة والو.. شاف فباه لي رتاح تاهو بدورو
. جراتو لداخل الفيلا وحطاتليه الماكلة توكل فيه كيشي دري صغيير...
بالزز باش قدر يتهرب منها هو الحاج ويبقاو بوحدهم
كمال: با شنو درتي فالقضية
الحاج بشر : لقيتهم واحد باان ولاخرين كنتسناهم يخرجو من الجحر ديالهم
كمال: مزياااان.. يلا تهنينا من هادو.. الباقي ساهل حالوو
الحاج تايشوف بعيد مركز فنقطة وحدة وهاز سيكاتو كاينتر منو مرة مرة : لا لا انا عندي خطة اخرى...
كمال تايشوف فيه : ماتايهمنيش مهم عندي انو دوك التلاتة انا نتكلف بيهم ونتهلا فيهم شوية من ديما كنت كنحلم بهادشي
ااحاج تايضحك : مايكون غي خاطرك اولدي.. يالاه سير عند مك جلس معاها شوية راه توحشااتك (خنزر) ووياك تبينلييها شي حاجة
كمال: صافي ماتخافش الوالييد غي قضي الغرض...
عند سارة
خارجة من السبيطار مخززة خاصها غي معامن.. خاصة بعد الحواار لي دار بينها وبين عائلتها..
فلاش باك
سارة معنقة مها: شوفي لابغيتي تقدري تجي معايا انا خدامة دابا وساكنة فالمدرسة ولكن عندي الحق نخرج نكري ماتديها فتاشي حد
الام شتفت فباهاا بقلة حيل.. هي بالصح جبداتلييه الطلاق ولكن دااحلها ماتقدرش طلق منو.. عاشو اكتر من 30 سنة بزوج واخا عيشها فالقهرة مور ماولدات سارة ولكن العشرك والولف صعييب بنادم يتخلي عليهم فلحظة وحدة
الاب قالب وجهو على سارة: ايييه سيرو كريييو تبعييهااا... وخرجووو للطرييق بزووج مييت ديرو مابغييتوو... تانتي فطعي الشعر بحالهاا ولبسي حوايج الرجال نيييت
سارة ماداتهاش فييه كيما هو مدور وجهو وقالبو عليها تاهي نفس الحاجة... قالبة وجهها علييه وماكتشوفش لجيهتو ابداا
قرباات وجهها لوجه مها وحطات يديها فوق كتاف مها: شوفي يالاه خرجي معاياا داباا.. بغى يطلقك مرحبا مابغاش مرحبتين.. بلا ماتبقاي تعيشي فداك الذل والقهرة
مها غي كتسمع وكتبكي وحانية راسها..
شافت جيهك والجها واخا هاكاك بقى فيهاا.. تحطاات بين نارين وخصها تختار..
راحلها من حهة يلا مشات معاه غايعيشها تاني المرار...
وبنتها لامشات معاها غي ماتعاودش تحلم ترحع للدوار ولا لعائلتها لي مبريين من بنتها... وغاتشوه فقبيلتهم وفبلادهم..
الام شافت فبنتها حيدات ليها يديها بالشوية وقررات انها تختار النار لي فنظرها اقل شدة... قررات انها تكمل مع رجلها
الام شافت فسارة : صبرت تلاتين عام انزيد نصبر هادشي لي بقاليا من عمري
سارة تعصباات كتوف فمها: شوووفي لاكنتي خايفة منوو.. َاتخافيش را كايين القانون اعلى منو ومني ومنك... اناا غانحمسيك منو. غي تعبينيي ويالاه معايااا
الام بعدات منها: اللهم نعيش معاه.. وناكل الحلال كيمولفة ولا نمشي لشي بلاصة انا ماعارفاهاش... سيري ابنتي نتي من نهار هربتي صافي خليتينا ومابقيتيش مناا..
سارك ضربات واحد الكرسي برجلها: واااش نتومااا مراااض؟؟؟ شهااد التفكييير عندكمم وشهااد الجهل والتخلف....
العم حط يدو علي كتفها: تهدني ابنتي صافي.
سارة حيداتليه يدو من كتفها وشافت فيه: عميي نتا شااااهد... درت لي عليااا
عمهاا حرك راسو بمعني اه
سارة: الله يعاونكم...
خرجات معصبة وزدحاات الباب من وراها
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
