امراة متنكرة في عالم الرجال 💪
الجزء 71
بقلم: حنان زهراوي / اريا ستارك
إيمان: ههههه مكتعرفوش ضحكو بفف ملل ههههه نمشي نقلب على شي حد نشد فيه باي باي عصافير لحب ههه
قالتها وهربات خلات لجو مكهرب بزوجهم كيتفاداو يشوفو فبعضياتهم ومعارفينش اش يقولو كل واحد كيتسنى فلاخر يهرس هاد سكوت.
ياسين تايحاول يبدل الموضوع : احم بغيتي شي حاجة علاش جيتي
سمير: جيت نشوفك كيبقيتي
. صدقت دابا بغيت غير قهوتي لي كتشرب فيها
ياسين كيشرب فالقهوة: فين ما تصيب لراسك قهوة جيب ليا وحدة
سمير:خفيفة ولا قاصحة؟ بغيتي شي كرواصة معاها
ياسين هز فيه حاجبو: كتمركن عليا
سمير حط يديه على جنابو: واش خدام عندك انا؟؟ ويلا بغيتي طلبني على شي حاجة عل أقل كون مأدب
ياسين كيشرب فلقهوة وكيشوف فيه طلع معاه من التحت للفوق وشاف فيديه تايجيه كي شي ولية.. هز عينيه فعينين سمير: فين ماسين
سمير تزنك تفكر لبوسة فلخد ياسين لاحظها
وهز حاجبو باستغراب: مالك تزنكتي
سمير تايطنز عليه: هداك غير السر طلعني
ياسين: فايت فك بنت ولا منعرف كاين شي راجل يقول بحال هاد لهضرة؟؟
سمير ياله غايجاوبو تسمع صوت كيزعزع ماشي بلخوف ولكن بلهيبة والإحترام.
العميد: انتباه
سمير رجع بلور وشاف فياسين لي تاهو باين على وجهو بلا مكانش متوقعو حاول يبرك وهو يحط لعميد يدو على كتفو باش يبقى متكي، من مورا لعميد بانت إيمان لي داخلة بكل تقة غمزات سمير ووقفات حدى لعميد.
إيمان: يقدر يخرج ليوم لاحتاجيتيه ولكن ممنوع تدريبات
لعميد شاف فياسين وهو قارن حجبانو ودار خنزر فسمير تاهو: علاش تاحد معلمني بلي واقع؟؟
إيمان: دراري معرفوش اشنو دكشي وخافو لاتجري عليهم من مدرسة
سمير شاف فإيمان مفاهم والو وياسين وجهو مكيعطي والو لي شاف فيه كيبان ليه عادي ومبرد.
ياسين: كنعتدر حيت خبيت لمشكيلة سمير ماعندو تاشي ذنب
سمير شاف فياسين مصدوم
يالا بغى يدوي
إيمان جات بينو وبين لعميد: سي لعميد خاصنا ندير مضاد لبحال هاد لحشرات حيت مسمومين بحال لي ضرباتو كتخلي نصها لداخل فلحمو وكتموت....
وملي جا عندي كان ديجا فيه سخانة والأعراض ديالها مهم دابا درت ليه جرح صغير باش حيدت لبقايا ديالها وخيطتو ليه خاصو مزال واحد عشر يام راحة على قبل لغراز.
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
