امراة متنكرة في عالم الرجال 💪💙
الجزء 199
بقلم حنان زهراوي / اريا ستارك
دخل ياسين..
بانليه باب الدوش مفتوح مابغاش يدخل ليه.. حن حن وخرحات عندو سارة
سارة : اشنو لي جابك لهنا..
ياسين جرها لعندو وطبع قبلة ففمها: جيت نشوف مراتي توحشتها
سارة نغزاتو زعما را نادين كاينة وراها
خرجات نادين وشعرها كولو كايتلصق بالشكلاط..
قربات لباباها وعنقاتو شافت فيه مخنزرة : توحشتي غي مراتك
ياسين عنقها وباسليها راسها: توحشت مراتي ولكن بنتيي توحشتها اكتر..
سارة مبتسمة: هاد البنت عندك شي نهار اتحمقني.. سحابليك ماشفتكش شنو درتي للبنت الجديدة فالكافتيريا
ياسين عنق نادين: بنتي ماكتجبد حد..
نادين قنطها باها بتعنيقتو كتهضر مزيرة : را هي لي جبداتني وعطيتها علاش تقلب
سارة كتشوف فهاد الجوج لي ديما محاميين عليها: تبارك الله دايرينلي اتحاد بيناتكم..ايوا نخليكم بزوج.. ونتا (اشارت لياسين) راك داخل الملحق دالبنات.. مامنحقش توصل لهنا
ياسين جرها لعندو وقاليها فودنها..: امم دابا مامنحقيش ومنين كنتي كتقري هنا وانا كنقرا كنتي ديما كتخلي الباب محلول باش ندخل عندك اا
سارة ضرباتو بالشوية: طلق مني.. بقي معنق غا بنتك
نادين : لا لاا عنقهاا هي.. صافي اباب طلق مني را خنقتيني
ياسين تايشوف فيها
سارة بدات ضحك عليه: الله... جابلييك الله لي يردليك داكشي لي كنتي كادير للناس... سحابليك غاتسلك منها بلاعقاب ولا شنو
ياسين طلق من نادين... فكراتو فصغرو ماكانش تايحمل يعنقوه واليديه.. عاد بدا تايفهم شي حوايج كان تايغلط فيهمم دابا منين جربهم فبنتو نادين..هو رباها مزيان ومتخلاها مخصوصة من والو.. ولكن يمكن كانت كتشوفو كيكاتعامل من صغرها وولات تقلدو.. تاولا طبعها بحال طبعو.. تايقولو البنت كتتبع لباها..
دخلات بنت اخرى عليهم.. سلمات عليها سارة كانت بنت ماسين وايمان الصغيرة.. صغر من نادين ب عاماين وفنفس الوقت هي صديقتها المقربة... كايتفاهمو بزوج...
تمات سارة خارجة هي وياسين مخلياهم على راحتهم...
ياسين غادي معاها للادارة ومعنقها..تلاقاو فااطريق بماسين
لي غي شافو ابتسم: افيين اولد عمي غابر.. كنشوفوك من العام للعام
ياسين : انا كنشوفكم ديما.. (اشارليه بعينيه للكاميرات لي كلهم من شركة ياسين لي مابقاتش واخيرا شركة وهمية وولا بناليها مقر وبداو تايصنعو فيها كاع الاجهزة المتطورة وداكشي دالالكترونيات الخ... ويبيعهم او يصدرهم لبرا)
سارة جاتها ابيل مشات خلاتهم
ماسين فهم القصد ديالو: باقي شاد فالقديم اصاحبي.. تزوجنا وولدنا وشرفنا وباقي كتغيير علي سارة مني.. راها صديقتي بغيتي ولا كرهتي
ياسين تايخنزر فيه: سير قولها لايمان.. ولا عرفتي انا نيت غادي نقولهالها
ماسين شدو من يدوو: واصافي اصاحبي غي كنضحكوو معاك مالك كتاخد كولشي بجدية...
رجعات سارة وجرها ياسين لعندو عنقها : لاساليتي خذمتك نمشيو للدار؟
ماسين: احم انمشي تانا عند مراتي...
سارة خنزرات فماسين: را عندك حصص خصك تدرسهم نسيتي..(دفعات ياسين) واصلا هادشي ممنوع هناااا
ماسين قاد الوقفة: ويي شاف سمير..
مشى تايضحك خلاها كتغدد علييه..
ياسين تابع ماسين بعينيه تايتحلف عليه..
داز ماسين لانفيرموري قبل مايدخل لحصتو.. لقى ولدو امين تماك وايمان كتمسح ليه فوجهو
ماسين ضربو لورا راسو: ضربااتك تاني.. تالين غاتبقي تابع فنادين
امين تايحك فبلاصة الدقة وهو مبتسم : حتى نتزوج بيها
ماسين ضربو لكتفو :هاداا هو ولدي 😂
ايمان خنزرات فماسين ودارت عند امين كتمسح ليه بالجهد: اميييين ولدي.. نادين مابغاتكش كتهرب منك.. صافي بعد منها تانتا عطيها بالتيساع..
ماسين: امم كتعلمييه التكتيكات ديالك...
قرب ليها باسها فحنكها وامين غمض عينيه : واا الوااليد احترمني
تم امين خارج خلا باه تايتعنب على مو كما العادة... وتايخطف ليها بوسات
قاطعهم التيليفون لي صونا لماسين
ماسين: وي؟؟ اصااحبيي وااش لداباا باقي كتصونيليااا.. شوف روميساء را تموت وماتحكمش ليها.. اللهم برد تشوفها معصبة برد نتا.. ويلا بدات ضارب مع شي حد غا هزها وهرب بيها.. صافي 2 قواعد..
منيير: تاشمن جوج قواعد واش باغي تهبلني را ختك تسطاات صاافي...
كان هاز بنتو فيدو كتبكي وتايهضر فالتيلي تاجات رميساء شافتو هاز التيلي طيراتوليه كتسمع : معاامن كتضهر معاها ياااك
رميساء فالتيلي:اديييك ال*حبة الشاارفة الخانزة المطوطة... والله وماتبعدي على راجلي.. يا دية المدرسة لي حالاهالك تانريبها عليييك.... قالك استاذة مربية الاجيال وكدور لي براجلي .. سيري يا الباطرونة خلييك غا فالتق*بيين َبعدي علي التعليم وهااا هووو لاقفلتي شي حاجة منيي.. راجلي كايبغيني ماغايشووف فخانزة مطوطة بحاالك..
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
