امراة متنكرة في عالم الرجال 💪
الحزء 82
بقلم: حنان زهراوي / اريا ستارك
ياسين فاق على ضو ديال شميشة كيضرب ليه فعينيه عرف مو كانت داخلة لبيتو وهي لي حيدات لخوامي ومع دوا لي كيشرب مكيحسش بيهم عكس لعادة ديالو لي فيها نعاسو خفيف وأصلا قليل فاش كايجيه.
تحرك بشوية عليه وقاد لمخدة باش يبرك عرف فطورو غايكون محطوط على يمينو بحال هاد خمس ايام لي دازو واخة هكاك مفهمش علاش تاحد.مكيبرزطو مخلين ليه راحة وقليل فاش كيجي خوه يشوفو ولا باه.
فطر وحرك رجليه هبطهم من فوق سرير ووقف كل نهار كيحاول يتحرك غير شوية باش جسمو مايولفش على عدم لحركة وقدر ياخد وقت باش يتعافى بدا كيتحرك حس براسو شوية بيخير عل أقل داك لآلام لي كان كيجيه تنقص بزاف وليوم مكحسش بيه خرج من بيت لي كانو موجدين ليه لتحت باش مايتعدبش مع دروج وداز على بيت لي فيه خوه مهدي لي تبرع ليه وقف قدامو ودق.
حميد حل باب وحل معاه فمو: ياسين؟
ياسين: احم كيبقا مهدي
حميد باقي مامستوعبش كيفاش ياسين كيسول على مهدي وهوما من بكري عندهم خلافات كتيرة زعما يكون تبدل؟
حميد حل لباب: دخل دخل شوفو
ياسين: لا بلاش غير بغيت نسول عليه غانخرج لجردة
حميد مبغاش يجبرو غير لمجية ديالو راه تقدم ملموس.
حميد: راه لباس عليه باغي ينوض دغيا حابسينو غير بزز (شاف فياسين لي بتاسم ابتسامة غريبة بحال مكعرفش يضحك شداتو ضحكة وحبسها.
حميد: احم هاني نجي موراك ونجيب شي قهيوة
ياسين كيتحرك بشوية: لي بان لك
خرج للجردة وخدا نفس عميق حتى بعد على الأكادمية عاد عرف بلا بسبابهم ولا كيبغي الطبيعة والهواء الطلق هاد خمس يام كيحس براسو بحال فالحبس برك فالكرسي بشوية واخا هكاك حس بالألام هز راسو فسما وتفكر الأكادمية طاح فبالو سمير كيضحك وهو يبتاسم بلا مايشعر وعاد جمعها وخنزر.
ياسين: أش هاد ل***** هادشي لي بقا ليا نفكر فدري متلا
حميد كان موراه سمعو وعرفو علامن بتاسم بخبث وحبس الضحكة.
حميد بان قدامو فيدو بلاطو ديال قهوة : كيفاش؟؟ شكون هاد دري
ياسين محيدش عينو من سما حدو قرن حجبانو ومجاوبوش.
حميد حط ليه قهوة قدامو وبرك حداه: اااه كتهضر على ماسين صاحبك؟!
ياسين: ماسين ماشي صاحبي
حميد: نتا لي كنتي كتقول عليه عشيرك
ياسين: لوقت كتبدل بنادم
حميد: واش من داكشي لي وقع سنين هادي
ياسين تعصب وبانت فيه من عروق عنقو: ميغيتش ندوي فهاد لموضوع
حميد: راك عارف بلي ديما كان كيفكر فك نتا لول كانت من نيتو باغي يعاونك
ياسين بغا يحاول يوقف وهو يحط يديه حميد عليه: سنين دازو باقي مكبرتيش فعقلك متكونش راسك قاصح
ناض هو لي مشا وخلا ياسين بارك
#فلاش باك نرجعو بخمس سنين لور
ياسين خارج وكيتفادا مكالمات من عند مو وخوتو مباغيش يسمع ديك لهضرة ديالهم معندوش خاطرهم ليوم عارض عليه ماسين يجي عندو ويدوز عشية عندو فالدار.
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
