امرأة متنكرة في عالم الرجال 🤠مكتملة🤠

الجزء 100 🤠

إمرأة متنكرة في عالم الرجال 💪

الجزء 100

بقلم: حنان زهراوي/اريا ستارك

من بعد   استقرار منير عيا مع امال متبقاش تحاول معاه حيت فعلا دماغو مشغول بسارة ولكن مستسلماتش كل مرة طيب ليه وتعرض عليه...برك فكوزينة فين عندو طابلة وكراسة قال مع راسو: مرا ديال دار كون مكانش بالي مع لي هربانة كون حاولت نستقر هنا
بقا كيشوف فماكلة محطوطة قدامو وتفكر مو وطيابها ديالها هز تيليفون وعيط لباه:
منير: سلااام عليكم!! با لباس عليك
عبد الخالق كينهج: عليكم السلام ورحمة الله
منير خنزر: ياك لباس أبا؟
عبد لخالق برك فكرسي: اولدي ياله خرجت من عند عمك شي نهار غايقتلني بلأعصاب وقصوحية راس لي فيه كاع ناس ولدو لبنات وماداروش هاد لحالة كون مكنتش متأكد خويا نشك فيه.
منير كيحاول يسمع ولكن عرف باه معصب وعاد كيسمع صوت ماماه: هداك واش كان فنفس لكرش لي خرجتي منها؟ لا حول الله غادي يقتل ديك مخلوقة بلفقصة دابة
منير: والواليد راه مفهمت والو اش دار تاني؟؟ سلخ خالتي عوتاني ولا شنو؟
عبد الخالق: اولدي مزيان عيطتي دابة نيت محتاجك... أشوف راه ناوي على خزيت راه طلع لمدينة ياله خليتو غادي يقلب على سارة.
منير جمع لوقفة: ياك عرفني غانقلب ليه عليها اش جابو لهنا؟؟ علاش دابة؟
ماماه كتسمعو من فتيليفون: اولدي انا مفرشاك برضا ومغطياك برضا لما بعد منو ومن بنتو هالعار لما قيلوهم راني نخاف علك اوليدي.
عبد لخالق خنزر فمرتو: سكتينا نتي ونعلي شيطان هادي هضرة تقال هاداك راه خويا وبنتو.
منير طلع ليه دم: واااااباا!!!
عبد الخالق: سمعني اولدي مزيان شوف عمك ناوي يقتلها لشافها لالقيتيها ولاسمعتي عليها شي خبار ماتقوليا ماتقوليه شي حاجة
منير رجع برك وتنهد: لواليد ونتا مالك علاش نخبي علك
عبد الخالق شاف فمرتو: راه عندنا واحد باباغايو لي كانت يعاودها
منير ضحك من نيتو وفنفسو كيحمد الله على باه لي مكيشبهش لعمو وعلى علاقتو بماماه لي كل نعار كيشد فيها وضحك معاها وعاشو عمرهم مع بعض على لحلوة ولمرة..

قطع تيليفون مع باه ومشا هز واحد صاكادو كيقلب على نمرة لي فبالو هاد ليوماين لقاها وعيط كيتسنى..

أب ياسين: الو؟!
منير: السلام عليكم اسيدي
أب ياسين:عليكم السلام ورحمة الله وبركاته! شكون معايا؟؟
منير: كنت دويت معاك من بلاد انا ولد عم سارة إلا باقي عاقل عليها
ياسين هز راسو فباباه لي من قبيلة وهو بارك حداه فجردة ولكن مقالش كلمة وحدة، عارف بلا هاد لوقت لي برك معاهم مكاينش لي برزطو وحتى ماماه كتجي طل وتحط ليه ماكلة ومكطولش، لي كيبقى مبرزطو فدماغو هوما عينيها لي كيشوفو فيه بشي مشاعر معرفهمش اش كيعنيو او بالأحرى مهامينوش حيت دكشي لي كيقلبو عليه فعينيه مكاينش وعمرو كان.
ملي صونا لباباه تيلي وجاوب وعقد حجبانو انتابه لكلامو..
الأب: اه سارة الله ياودي ديما فبالي ومزال راحنا كنقلبو معاكم...
الأب: منير أولدي مكاين تامشكل الله ياودي... هو فحقيقة عمرنا لقينا شي دليل ولا شي حاجة على واش بقات فنفس لمنطقة ولا راها بدلات لمدينة كاع
حميد جاي فطريق وكيشوف فياسين كيفاش متبع مع كلام باه ومهتم وعقد حجبانو معرفش واش فعلا خوه بدا كيتفاعل مع ناس ولا غير ملل وقلة مايدار خلاتو هاكة ملي وصل حداهم سمع اخر كلام ديال باه وعرف منير لي كيدوي عليه حيت عاود ليه باه عليه ملي هضر معاه اول مرة.
الأب: ياربي سلامة علاش هادشي أولدي منير......يكون خير....صافي ان شاء الله ....سلام عليكم
ياسين تسنى غير سلاو لهضرة وشاف فباه بنضرة صارمة وياله غايهضر ولكن قاطعو حميد: لواليد واحد لواليدة قالبة دنيا علك
الأب: ماحنا بفال الله يخرج هادشي على خير
ياسين هز راسو فحميد خوه وبكل برود قاليه: عرفتيني كنت غاندوي!
حميد: شوف انا فاهمك وحتى فديك وقيتة كنت ضد زواج ولكن بالنسبة ليهم حاولو يجربو كلشي معاك
ياسين بنفس لبرود والإستهزاء: وفنضرهم مرا هي لي كانت غادي تقادني ليهم كيما بغاو؟
حميد تنهد وبرك فلأرض حدا كرسي ديالو كيفكر حتى بتاسم: فراسك دابة ملي قلتي بحال هاكة واقلة خطتهم كانت غاتنجح هعهعهعهعهعهع  مهن مديش عليا... لي بغيتك تفهم هو أنه الأباء مكيفكروش شي مرات بعقلانية الأحاسيس لي كتحركهم ملي ماكعرفو مايديرو كيضورو لزواج بحال هو لحل لمتالي.
ياسين مافهمش ومبغاش يفهم : ممممم
حميد: مهم هاداك منير ولد عمها جا يقلب عليها
ياسين: بفف بنادم ماعندو مايدار، تلقاها عايشة حياتها وبنادم باقي كيقلب
حميد هز فيه عينيه وبتاسم: مسكينة ديك لبنت كانت كتعاني مع داك باها كان كيعاملها بحال دري حيت ماولدش دراري كتبان لك كتهز بوطة كبيرة بوحدها

ياسين هز راسو فخوه كيفاش مبتاسم وكيهضر عليها بقا كيشوف فيه وكيحاول يقرا الأحاسيس لي دايزين على وجهو مفهمش علاش كتبان عليه فرحان وحزين فنفس لوقت
حميد: تاملي كان كيسلخها كان كيعطيها عصى لي كتعطى لدراري
ياسين بلامبالات: واخة عصاها تاعيا هربات إدن كانت كتساهل دكشي كان عارفها اش كتسوا...
حميد خنزر فيه: لواليد مرباناش باش نتشفاو فبنادم متلا نتا ولي داز علك فصغر ولي وقع لبنت خالتي وماتت بين يديك كان قضاء الله وقدره ولكن لعقول مريضة كتاخد هاد لمواقف لصالحها متكونش نتا عقل مريض بحالهم..
ياسين فهمو اش بغا يقول ولكن مع دلك كفضل اللامبالات ديالو: ممم بحال خوك مهدي عقل مريض من صغر
ماتوقعش من حميد جواب لي عطاه: هو من عقول لمريضة ولكن دكشي علاش الله ابتلاه باش يربيه ويقدر يخرج من هاد لمحنة انسان أخر.
ياسين وقف من كرسي ديالو وبدا كيتحرك بشوية بغا يعاونو حميد قاليه لا وبقا مضارب
مع راسو كانت اول مرة يتمشى من جردة للدار وهكاك بدات رحلة الشفاء بالنسبة ليه، هز راسو فبيت خوه مهدي لقاه بارك فلبالكو وحداه ماماه ولكن عينو عليهم ملي شاف فياسين كيشوف فيه ضور وجهو بزربة ومرجعش شاف وعمرو حاول يشوفو ولا يدوي معاه بتاسم باستهزاء وقال فخاطرو(مممم لا باينة غايتبدل ههه)...

#يتبع
عذرا عن التأخير 🙏😟