امرأة متنكرة في عالم الرجال 💙 💪
الجزء 165
بقلم حنان زهراوي /اريا ستارك
ماسين باستغراب هز حاجبو: حيد من قدامي... ماللك باغي تبدا الكومبا هنا ولاكيفاش
ياسين : اش بان لك؟... جا وقت تخلص الكريدي لي عليك لا؟؟.
سارة عارفاه علاش تايهضر: ياسيين.... انا لي قلتلييه مايقولها لتاواحد..وخاصة نتا!! حيت ديك الساعة ماكانش عندك معايا وكنتي باغي تلقى غي السبة تخرجني نسيتي؟ وعاد مكنتش كنتيق فيك
ماسين تايطل من ورا ياسين على سارة تاهو خنزر: واش عرفك نتي شكون؟.. قلتييهالييه؟؟؟
ياسين مخنزر فماسين ماحملش انهم يتشاركو شي حاجة ولا شي سر عليه وخاصة كيفاش استغباوه
سارة حطات يدها على كتفو: ياسييين تقدر تحيد من قداامي 🙂
ياسين سمعها ولكن مجاوبش دار راسو ماسمعتهاش كاع، حدو هز يدو حيد ليها يدها من فوق كتفو
ماسين: ياسين بغيت نهضر معاها لكان شي حساب بيني وبينك من بعد ونكملوه
ياسين تحرك بخطوات واثقة قدام ياسين: كنظن ماشي غير مشكل لالة سمير لي عندنا كاين مشكل اكبر ودازو أعوام عليه وبانلي هادا وقتو نيت باش نفكوه...
ماسين شاف فعينين ياسين لي هازين غضب كيخلع وتفكر نهار جا عندو ياسين للدار وحبسو مع خالتو فبيت واحد حاول يصالحهم حاول يسترجع صاحبو بغى غير يشوف الضحكة لي كان كيشوف وهوما فعمرهم خمس سنين... ولكن غلط حيتاش ماكانش عارف كمية المعاناة ديالو فديك الوقت وشحال خالتو مأترة فييه...
سارة حسات بلقضية توترات وقفات وسط منهم: الدراري مكاين لاش ديرو استعراض لتيستيرون ديالكم هنا عرفناكم رجال وعندكم عضلات..
ياسين جرها بالجهد وقابلها مع عينيه: عمرني نسمعك كتهضري بحال سمير ولا بمصطلحات الدراري نساي ديك دوبل لايف لي كنتي عايشة
سارة تعصبات منو فالأول من لي حيد يدها من كتفو ودابا ملي كرز عليها فدراعها كتشوف فيدو ومن بعد فعروقو لي خارجين، عرفات مشكل هادا غايتحل بيناتهم بطريقتهم ولكن بغاتو يعرف ماشي هي لي يهضر معاها بهاد طريقة..
لوات ليه يدو وكرزات سنانها معصبة: شتك ضسرتي نتا ومسيتي معامن راك.... أول وآخر مرة تعصب عليا وتقوليا اش ندير نكون سمير ولا سعاد ماشي شغلك، وماسين صديقي وعندو لحق يعرف
ياسين هز حاجبو وبتاسم بمكر وهضر بصوت مرتفع: نقولو ليه على الدوش؟ حيت صديقك خاصو يعرف ياك؟؟
سارة تزنكات وماكرهاتش الارض تشق وتبلعها فديك اللقطة....
وقفها من أفكارها صوت ماسين لي قال وهو مخرج عينيه: تانتا شتيها كدوش؟؟ هادشي باش عرفتي؟؟؟؟
ياسين ضار بزربة عروقو خارجين بصوت كيخلع: أشنو؟كيفاش ؟؟؟ شفتيها...؟؟؟
سارة عجبها الحال من ردة فعل ياسين بتاسمات...
شافت فماسين لي خرج عينيه: واش كعيتي وتعصبتي ولا غير جاب ليا الله؟؟ عمرني شفتك وريتي احاسيسك بهاد السهولة من داك المرة ودابا تاني مرة..(شاف فسارة وتفكر بلي راه تعصب على قبلها.. َحل عينيه َعاود سدهم بطريقة كضحك غوبش وحرك راسو يمين وشمال بالزربة ) تخربقت دابا معرفتش واش نكعى ولا نفرح
سكتو ياسين و شنق عليه وعروق يديه خارجين(انا كنتخايل عروقو خارجين اححححح) :شفتيها كدوش؟؟ هنا فلأكادمية؟؟:
ماسين حط يدو عليه وخنزر فيه : مافهمتش مالك دابااا ياك تانتا شفتيها هاكا عرفتي؟؟ كالم أساط بغيتيي نتفاريوها نفاريوها بيناتنتا
ياسين طلق منو: انا ونتا دااااباللل فساحة تداريب
سارة بقات كتشوف فياسين تحرك وماسين تابعو كيحرك فيديه تايديرليهم تسخينات: من نيتكم غاضارربو
ماسين دار عندها: كاين شي حوايج درتهم فصغر وندمت عليهم ودابا جا لوقت نكفر فيه على ذنوبي... وحتي هو دارلي شي حوايج خاصو يحلص علييهم.. مهم تصفية حسابات وصا ماتخافي والو
ياسين :من الاحسن ماتبعيناش نتي
سارة ماحملاتش كيفاش تبدل وكيفاش بدا كايطلع تاني فدوك الحيوط لي كان مدور على راسو حتى كيسحابليها خلاها دخل ساعة تصرفاتو دابا بحال دفعها وسد لباب،عاد قبيلة كاان معاهاا فشكل وخايف عليها....
واحد راس كيقوليها بلعكس راه معصب على قبلك ولكن الشكوك حياتها كاملة وهي عايشة فيهم ماشي ساهل دغيا تيق، وخاصة شي شخص بحال ياسيين صعييب تيق فييه وهو كاينبدل اكتر من الحرباء.... دكشي علاش قررات مغاترتاح حتى تريب دوك لحيوط هزات راسها فيه لقاتو دار شاف فيها بنص عين
، دوات باستهزاء: شاف وي شاف...
تبعاتهم: كنظن غانحتاجو شي حكم.. وبما انني مدربة ديالكم... فغادي نرشح راسي حكم.. كنشكركم
مشات سبقاتهم
الطريق كاملة وهوما ساكتين ملي وصلو للساحة ياسين نصل التيشورط ديالوبحركة وحدة بروفيسيونيل...
سارة حلات فمها مقابلاه ومقابلة حركاتو وعاد وشام لي كيعجبها...... شافت فصدرو الموشوم وتفكران فاش تلمساتو بصباعها فالدوش
ملي شافتو قرب لماسين هزات راسها فوجههم لقات ياسين شاد ماسين ماسين من دقنو دورليه راسو كيشوف فيها...
ياسين بابتسامة ساخرة: بان لك فين من كتشوف؟ ولا خاصك دلائل كتر؟؟
ماسين تعصب دفعو وحيد تاهو تيشورط... صافي سخنووو
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
