امراة متنكرة في عالم الرجال 💙 💪
الجزء 153
بقلم حنان زهراوي / اريا ستارك
سارة كتشوف فييه.. وكتهضر مع راسها فنفسها : اللهم هاكا نييت نشوف التحركات ديالو عن قرب والا نبقى برا
ونييت نحاول نقنعو يجاوبني... خاصني نعرف شنو مخبي
ياسين : امدرا قررتي؟؟
سارة دارت راسها بحالا ماباغياش ولكن غاتقبل بالزز : بففف واخاا
دفعاتو ومشات جلسات تاني فالصالة.. ياسين دار بقى حاضيها تاجلسات بعشوائية.. تايشوف فيها كيفاش مامسوقاش لييه وللوجود ديالو.. بحالا ماكاينش.. كتصرف بعفوية ومامسوقاش..
تفكر فاش كانت عايشة معاهم فنفس البيت كتباات ناعسة فالسرير لي حدااه معاه وتاكل معااه ويتدربوو ويضاربوو.. كيفاش تاماعاقش بيهاا من قبل واخا كانت ديما كتير شكوكو ولكن ماعمرو توقع انها تكوون بنت دايرة راسها دري...
ياسين قاطع تفكيرو التيليفون لي صونا ليه تاني..
غي سمعاتو سارة قفزات من بلاصتها ووقفات حدااه
ياسين رد البال لردة الفعل ديالها وابتسم...
سارة كتسناه يجاوب وهو بلعااني متقل
سارة: مالك ماكتجاوبش!!
ياسين: تيليفوني ونجاوب وقت مابغيت اولا لا؟؟
سارة خنزرات وعوجات فمها يالاه دارت باش تجلس تاني هو يجاوب ورجعات كتجري.. حط التيليف ن فودنو وسارة حطات ودنها على التيليفون كتصنط تاهي
ياسين شافيها بنص عيين وابتسم
ياسين بالالمانية وانا طبعا غانترجم🤗: شنو درتو...
سارة ماكتسمعش مزيان شنو تايقول الشخص لاخر ومع ياسين طويل عليها حاوطاات دراعو بيديها وقفات علي صباع رجليها وكتحاول تعلق فييه وتحط ودنيها على التيلي
ياسين مرضاتو وووتراتو فنفس الوقت.. دار خنزر فيها وتايحرك اليد باش شاد التيلي باش ترخي منها والوو مابغاتش معلقة فيهاا
ماداتهاش فييه عقلها كولو مع ااشخص لي تايهضر فالتليفون
الشخص: ولد خوك ختاطفووه دابا راحنا تابعيينهم
ياسيين تنهد: مزياان.. بقاو تابعينهم تاتعرفو فين كاينين... و(بغى يقول سميتها شوية وهو يعيق براسو) و ديك ال*hure* (العاهرة).. فين كاينة
الشخص: كتوجد شي حاجة لباها باغية تغتالوو
ياسين ابتسم: مزيااان نخليوها هي تهنى من باها وحناا نتكلفو بيها مو بعد... عينيكم عليها ماتخليوهاش تحس..
قطع ياسين وشاف فسارة.: عنقيني نتي احسن
سا رة طلقات منو: علاش كتهضرو بالالمانية
ياسين باستهزاء: حيت انا كنت فالمانياا. شنو الجديد؟ فهمتي شي حاجة
سارة فهمت كلمة وحدة ونقدر نستنتج منها بزااف
ياسين بتعجب: شنو فهمتي؟؟
سارة حشمات وقالتها بالشوية: hure
ياسيين شاف فيها و ماقدرش يحبس الضحكة الكلمة بالضبط لي قالها غي باش ماتعرفووش غايدوي علي نيكول هي الوحيييدة لي فهماات كون غي قال نييت نيكول :😂😂 نتوما المغاربة خاطار.. كتعرفو غا الكلمات الخاسرة بكاع اللغات..
سارة: الاخ كاوري؟؟!
ياسين قربليها تاجا وجهو مقابل مع وجهها: وشنو باانلك 😉
سارة حطات صبعها علي جببهتو ودفعاتو بالشوية تارجع اللور اللور: ديك الكلمة سمعتها فواحد المسلسل الماني وعقلت عليها.. وصاف.. شنو قالتيليهم علي ديك المرأة؟؟؟
ياسين لاجوااب
سارة:ماشي مشكل غانعرف غانعرف...
رجعات تاني تكات فوق الفوتوي وهزات تيليفونها كتخربق فيهه..
ياسين : انا غاندوش ونجي.. ديري عقلك وببلا ماتقلبي فالدار ماغاتلقاي والو غي غاترونيها وانا ماكتعجبنيش الروينة..
حيد التيشورط وعطاها بالظهر.. شافت السلاح خاشيه فالشورط وخلاتو تاسمعات صوت الما تطلق ودخلاات للبيت ديالو بالشوية...
لقاتو معلق الشورط الفوق وحداه شي فوطات معلقيين تاهما..حيدات صباطها بالخف وبقات كتمشي عللى صباع رجليها قلباات فالجيب دالشورط مالقات والو
شوية ماحساات براسها تاجرهاا ياسييين دغيااا لتحت الدووش وكلهااا سردااات بالما
ياسين شادها من خصرها وهو عريان.. لابس غي بوكسر والما تاينزل عليهم.. : علاياش كتقلبي؟؟!
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
