امرأة متنكرة في عالم الرجال 💪
الجزء 120
بقلم : حنان زهراوي/آريا ستارك
سارة: فاش تبغيو ديرو معاينة علي الاقل خليو واحد هنا
بغات تمشي هو يوقفها واحد منهم: بلاتي هاد الدري بغى يهضر مع شي ريسبونصابل
دارت سارة شافت فييه عينييها تحلووو تاللطرف....
ياسين تيقن خاصة من ردة فعلها فاش شافتووو عرفها هي بينو وبين راسو : جيتي تال بين يدي 🙂🙂
سارة حنات راسها للارض ودارت يديها فوق جبهتها بحالا كتغطي وجهها وحشماات وغمضات عينيها كتتسناه يفرشها
ياسين دار ابتسامة جانبية : نتي هي الغيسبونصابل على البنات ياك؟
سارك هزات راسها وشات فيه بصدمة: فنفسها: اويلي واش هادا ماعرفنيش؟!ياسين تايتسناها تجاوبو ولكن محال واش تقدر تهضر: بغيت غانقولك هاد البنت بنت عمي وباسلة بزااف كنتمنى انكم تكونطروليوها شوية باش ماتبقاش تعرضيلياا لا فالريفيكطوار لا هناا.. وهي من النوع لي ماكايحشمش واخا تعاقب يعني من الاحسن طردوها من هناا ونتهناو كاملين.. (ياسين تعمد يقوليها بنت عمو ربما تعرف بلي بييييه كانو باغيين يزوجوها واليديها )
سارة هزات حاجب وشافت فيه: واش باغي توريني خدمتي!؟
ياسين شافها تسيفات عليه وتفكر التسييفات دسمير كاملين قال فنفسو: دابا شدييتك من عنقك غانشووفو شغاديريي قاليها : سمحيلي نسولك وجهك جاني مألوف فايتلينا تلاقينا لا؟
سارة بعد ماكانت فموضع قوة فشلهاا بهاد الجواب وخربقها: اااا احم لاا ماكنظنش.. ماعمري شفتك يمكن غي تخالطت لييك.. ولا يقدر شكون شي شخص تايشبهليي.. مهم را ماشي انا نفسوو فهمتي. يعني انا ماكنعرفكش ماعمري شفت وجهك فشي بلاصة ولا تلاقيت بيك . ...
بقات كتخربق فالهضرة وياسين غي تايشوف فيها وصل لشنو بغى قاطعها: وي وي صافي فهمتك غي تخايلت يمكن.. مهم نتمنى انك تعاقبي ديك البنت مزيان وتكونطروليها مانبغيهاش تعاود تخرج قدامي...
غمزها ومشى
سارة بقات واقفة لتواني كتحاول تستوعب شنو طراا دابا وكتحل عينيها وتسدهم: واش هاد الكلب تايأمرني ولا غي جابلي الله...
بففف بقيتيلي غا نتا تآمرني نييت...
سارة بالجهد : هيييه ياسيين
ياسين حبس ودار عندها.. هز حاجبو وشاف فيها: باش عرفتي سميتي ا استاذة
سارة تفكراات وغمضاات عينييهااا : احم(كتفكر) ااا قالهالي السيكيريطي دابا
ياسين قرب ليها اكتر : وهضر بالشوية: ولكن السيكيريطي ماتايعرفش سميتي
سارة هزات راسها دغيا فيها: كداااب تايعرفها من اول نهار فاش ضاربتي مع...
حساات براسها غي غاتزيد تزبلها اكتر وهي تسكت..
ياسين حط يدو على ودنو : اول نهار ضاربت معامن؟؟ ؟
سارة: قالي السيكيريطي كاضارب بزااف وعارف سميتك
ياسين زاد قرب ليها حيتاش حس بيها تاتسطريساا اكتر : ممم عاودليك السيكيريطي قصة حياتو كاملة لااا
سارة حسات بيه تايلعب بيها وهي دفعو: هيييه نتاا احترم المدربة ديالك ولاا غانضطر نعاقبك.. راني هنا مشرفة على كولشي وعندي الصلاحية نعاقب دراري وبنات
ياسين طاحت ليه فكرة فراسو: ههه مشرفة؟! منيتك.. منين جاتك.. باش تكون مشرف خص تكون متخرج من هاد المدرسة بعدا.. انا دابا را كنتعتبر اكتر سلطة منك غا كطالب هنا
سارة فعلاا استفزهااا وعصبها: مزياان اسيدي... تسنى شوية وغانشوفو شكون فينا اكتر سلطة...
دارت معصبة وخلااتو مبتسم وصل لمبتغاه كان باغي يستفززها اكتر باش يقدر يشوفها اكتر
سارة فالطريق معصبة كتفكر كيفاش استفزها: تفوو ياسيين هو ياسيين عمرو مايتبدل
تفكرات روميساء ومشات عندها لادير شي زبلة تاني يالاه وصلات للباب لاخر دالملحق وهي تجمد بلاصتها :كيفاش رميساء بنت عمو!؟ تفكرات الصورة وجبداتها شافت فيها... اممم فهمت وتانقول منين وارتة داك البسالات ديالها..
خبات الصورة تاني ومشات قاصدة رميسااء وهي كتحلف فيها وكتفكر فشنو العقاااب لي تعااقبها تاني...
دخلات مالقاتهاش فبيتها ولا فالكولوار... مشات كتقلب عليها لقاتها فالطواليطات بداات الخدمة من قبييلة..
سارة فنفسها (امم ياللفعى انا انورييك:) : انسة باربي! هيييه معاك كندوي
وقفات روميساء :عاافاااك ماتدينيش للانفراادي عافااااك مانقدرش نبقى بوحدي فشي بلااصة وتسدي علياا عندي رهااب
سارة فنفسها(نتي هي الرهااب برااسو قاللك عندي رهااب) ابتاسمات بشر : ماتخافيش ماغانسجنكش بالعكس
رميسااء تخلعاات: اويلييي غاتجريي عليااا... لاا عاافااك ماتجرييش عليااا عافاااك بغيت نبقى هنا انديير لي بغيتيي.. خاصني نبقى حداا ياسييين
سارة ضحكااات (امم فكرة واعرة هاادي احنا انشوفو اسي ياسين العياقة ديالك دابا.. لا ماحديتهمش ليك ماكنتسماش سمير.. ااا أ سااارة... #شافت فروميساء# اول مرة تنفعني هاد اللفعى فشي حاجة) : غاديريي لي بغيييت!! ؟؟
#يتبع
فاش كتفكر ساارة 😂😂😂😂😂
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
