امرأة متنكرة في عالم الرجال 💙 💪
الجزء 177
بقلم حنان زهراوي / اريا ستارك
الحاج كان جالس فالمكتب ديالو تايهضر فالتيليفون :صافي بلاماتسنااوه يخرج.. سيفطوو الميساج ليييه..
هو را عارف فين يلقاني لابغاني
دخل عليه كمال متحمس تسناه تاقطع :شنوو درتيي جبتييهم
الحاج: جلس بعدا مالك زرباان..
كمال جلس فالكرسي: فين كاينين؟؟
الحاج ديتهم للبلاصة لي قلتلييك راهم محيوسين دابا فالبيت... ولكن غي جوج. بنت ودري
كمال شاف فبااه بتعجب: اشمن بنت الحاااج ؟؟؟ را 3 دالدراري
الحاج ضحك علييه وعلى الملاخ ديالو : كانت معاكم بنت فالمدرسة الحمار وماعقتيش بييها
كمال طاحليه سميير فالبال: سميييير؟؟!!!!! : كنت ديمااا شاك فييه القليلة يكون *اامل
الحاج شير عليه بالتيليفون.. تعرض ليه كمال شدو لايطيح:مابقيتييش تحشم ولل تحترم كتخسر الهضرة قدامي.. نوض الله ينعل والدييك
ناض كمال حطليه التيلي غوق البيرو ومشى تاوصل للباب شوية رجع لعندو:ايمتا غاندخل لعندهم نديير خدمتي
الحاج :صبرر شوية مازال..
كمال :شكوون لي بقى ماجبتوهش
الحاج: مهم خطفنا البنت وداك الدري لي كنتي عاودتي لي علييه فالعام اللول ديالك
كمال ابتسم تابانتلييه الضرسة دالعقل: يااااسييييين... طحتي بيين يديي.
خرج من عند بااه وهو ناااشط.. واخييراا غايفرغ الحقد لي هااز من جيهة ياااسيين وحتى سمييير لي قولبو ولي كان سبابو باش دوز هاد المدة كاااملة فالحبس...
ياسين بصوت عيان: ساااارة
سارة قربات ليه اكتر وشداتليه وجهو بيديها: اااه هادي انا ساارة واش كتخس براسك مزيان
ياسين بحالاا سكران وفنفس الوقت بدا يوعى شوية بالشوية
تايهضر وتاتحس بيه تايخرج الحروف بالزز : سااارة... واش نتي هادي
سارة بدات تصرفقو برفق فحناكو: هادي انا سارة..
ياسيرن هز يدي ودوزهم ورا ظهرها جرهاا لعندو بالجهد وحط راسو دقنو على كتفها..
سارة كتحس بانفااسو سخوووونة كايضربوو فكتفهاا.. بادلااتو العناق
ياسين مرخي وعينيه معسليين حالهم غا بالزز: كنت باقي صغيير ماعارف والو... الحاجة الوحيدة لي عارف انني كنبغي بنتها وتايعحبني نلعب معاها ونسمع ضحكاتهاا... هي قالتلي غي ماتهليش الباب محلول.. وانا ماخليتوش محلول سديتو... نعستها حداياا وغلبني النعاس... فقت على الغوااات والبكااا فالدار... مافهمت والو...
شفت فيها كتحاول تفيقها كانت كلها زرقاا.. سادة عينيها ومعبسة... ماكضحكش.. (ياسين بدا يفييق بالشوية بالشوية يوعى على راسو)... عااقل عليعا كيكانت فديك اللحظة وماعمر صورتها وهي جسد بلا روح مافارقاتني... غي كنغمض عيني كتبانلياا بنت صغيييرة باقة تربية مازال تاماخلات عينيها علي الدنيا فارقاات الحياة معذبة ومخنوقة بسبابي..... عرفتي شناهو احساس تقتل اعز الناس لييك ونتا فعمرك خمس سنين.. تمسع كلمة قتاال وتعدب من طرف الناس القراب ليك
سارة كتسمع وعينيها كيدمعو.. خلاتو يهضر فراحتوو وهي حاضناه ومرة مرة تزير عليه..
ياسين خس بيها كتزير عليه وكتبكي. هز راسو من علي كتفها وشدليها وجهها بيديه. بقى يمسح دموعها من علي خدها بابهامو.. باسها فجبينها وحط حبعتو على جبهتها وكمل : نتي اول واحد يشوفني فهاد الحالة.. فاش كنت صغير داوني لبزاف دلي بيسيكياطخ.. حتى انني دوزت شي يامات فالمصحة .
وكنت شي مرات بالليل كنعيش نفس الحالة. ماكانوش قادريين يسكتو دري صغيير تايبكي وخاايف... كانو تايضربوليه مهدئات ويعلقوليه فالسيروم بلاصة مايديرو حركة بسيطة ولي هي يعنقوه ويحسسوه بلي هما معااه وبلي هو فأمان ماحدو قريب ليهم...
الام ديالي مالعباتش الدور ديالها مزيان واخا حاولات ماننكرش..
ولكن كانت حازنة اكتر على ختها لي مات ليها راجلها قبل ماتولد..
وتبعاتو بنتهم من بعد وعاد متهمة بتعذيب دري صغيير وسادين عليها فالمصحة العقلية كتعالج...
ماكانتش كتقدر دخل لبيتي ولا تشوف فيا.. حيت بطريقة او باخرى تاهي كامت كتشوف فيا داك القتال لي دمر حياة ختها...
سارة حطات يدها ورا عنقو وقالت بصوت باكي : نتا ماشي قتال...
هاديك حادثة وقعات بلا ارادتك وبدون علمك... هادي ماتايعنيش بلي قتلتيها...
نتا كانت نيتك صافية وكنتي باقي صغير...
مادزتي تاشي غلط ولو بسيييط...
هما لي غلطوو فحقك.. خالتك كان خصها تعرف بلي ماكانش عليها تخلى ولد صغيير مع بنتها...
وكان عليها ترد ليكم البال بزووج.. وحتى ولو كنتي سبب فموت بنتها مامنحقهاش تعذب دري صغير ماواعيش تا بشنو طاري.... هي لي غالطة
امك فاكتر الاوقات لي كان خصها توقف معاك وتحضنك.. بعدات عليك
هي لي غالطة.. ماشي نتا
ياسين عاود طبع قبلة سخوونة فجبينها هاد المرة طووول فيهاا...
زيرليها على وجهها بيدييه وقرب ليها اكترر كايحس بانفااسها تايضربو ليه فوجهوو...
قرب شفاهو لشفاهها تامابقى تايفرق بينهم والووو... تاحس بشفاهها تايترعدوو دوز صبعو عليهم وخطف قبلة خفييفة وحنيينة منهم
ياسين بصوت حنيييين: سارة...
سارة مغمضك عينيها وكتسنى غا ايمتا يتلاقاو شفاهو بشفاهها: اممم
ياسيين طبع قبلة اخرى فشفتيهاا هاد قبلة عطاها حقها بعد منها بالشوية وقاليها بهمس :كنبغيييك
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
