امرأة متنكرة في عالم الرجال 🤠مكتملة🤠

الجزء 63 🤠

امراة متنكرة في عالم الرجال 💪

الحزء 63

بقلم:حنان زهراوي/ اريا ستارك

دوز نهارو فلمدرسة ومن موراها هرب من ماسين... خدا طاكسي ومشا لقلب حي شعبي وقف قدام شي داار و دق خمسة لمرات بطريقة محفوطة لي هي بحال كلمة السر باش دخل تم..

تحل لباب ودخل وقف قدام دري ماطة ليه 200dh بلاما يهضرو...
دخل ديريكت لفين كيكونو لكومبات ولكن ماشي ديال بنادم هادو كومبات من نوع أخر ديال حيوانات كيدقو ليهم إبرا بحال ديال الجعر وكايبقاو يضاربو حتى يطيح لاخر ولا شي مرات تال لموت..

تكى على لحيط كيتسنى لكومبا يبدا حتى وقف حداه راجل فتلاتينات من عمرو ماطا ليه يدو: سفيان

ياسين شاف فيدو ورجع شاف فراجل عرفو هو مول هاد لبلاصة رجع عينو على لكلاب: ياسين
سفيان: ديما كتجي هنا وليوم كنظن خاصك تراهن على شي كومبا

ياسين ماجوبوش عينيه على لكومبا إمتى تبدا وفعلا تعلن على الإنطلاقة وبحال كل مرة كيلقى راسو كتلدد من مشهد لقتيلة ودمايات كتجيه واحد ااراحة نفسية وكتبرد شوية ديك نار لي كيحس بيها ديما لداخل.

سفيان حط يدو على كتف ياسين وورك: لمرة الجاية لمكنتيش غادير رهان متجيش...

سكت وهو كيشوف فهاد لولد لي صغير وعندو هيبة كيخليك تحتارمو وتسنى شي ردة فعل منو

سفيان: ولا ولي تخدم معايا حسن!! مهم فكر ورد عليا مرة جاية ملي تجي

ياسين بقا حتى حضر لكومبات أخرين وخرج ملي داز من حدا زنقة مظلمة سمع غوات شي بنت كطلب شي حد يعاونها، قرب ليها لقاها شادينها دراري شي ربعة وواحد كيقطع ليها فحوايجها...
بيما واحد كايبقشش ليها صاك وكياخد منو كلشي، تكى على لحيط وبقا كيتفرج فيها كتغوت وتبكي من لخلعة وفبحال هاد لحظات كيجيه شعور زوين بحال توحش هاد الأحاسيس..

لبنت كتغوت: حيوانات بعدو مني ههههه حيوانات وا عتقو روووح اعباد الله (ملي بان ليها ياسين متكي على لحيط فرحات) شوف عفاك عتقني شوووف خويا عفاااااك

ياسين متحركش من بلاصتو وهو كيتفرج فدراري لي كيعاملوها بوحشية وملي تلاح واحد فيهم على صدرها بوحشية وغوتات من حر الألم ياسين بتاسم جنب..

واحد من دراري شاف فياسين وضحك: بغيتي شوية؟؟ دوق هههه (باين فدري مقرقب لاهو لاصحابو)
البنت كتغوت وتبكب:خويا عتقني من هاد الحيوانات.
الدري: ههههه بغيتيه يعتقك شوفي راه عاجبو لحال كيتفرج تاهو حيوان بحالنا....

ياسين بقات كتردد فودنو غير حيوان الدنيا ولات بلحمر فعينيه كيبان ليه غير الضو...
لاح شكارتو ومشا لدري لي قال حيوان هو لول تلاح عليه بلعصا بواحد لهيستيريا ومع ديما كيتريني هادي وحدة من الطرق لي كيخرج بيها لعنف لي فلداخل ديالو ولغضب، فلوقت مابين مابدا كيضربو وبينما صحاب شمكار جاو يعاونوه كان صاحبهم فلأرض وكلو دمايات وياسين واقف حدا راسو كاينهج..
ياسين وهو كارز على سنانو: انا ماشي حيوان
دار لصحابو تاهوما وعينيه فيهم الشر ديك لعافية لي شعلاتها كلمة حيوان مطفاتش...
كيضارب معاهم وواخا كيضربوه فديك اللحظة مكايحسش... الأدرينالين طالعة وجسمو سخن فكرة وحدة لي فدماغو كتردد ومكرهش يديرها *قتلهم* *قتلهم كلهم* ..

ياسين كايضرب ونفس لهضرة على لسانو: انا ماشي حيواااان

#يتبع