امرأة متنكرة في عالم الرجال 💪
الجزء 144
بقلم حنان زهراوي /اريا ستارك
منير ناض من نعاس كيسول مع راسو معرت غين سارة واش رجعات لأكادمية لبارح ولاشنو، مشافهاش قبل ماينعي ناض كيتمشى بشوية باقي ضارينو ضلوعو، وصل عند تيليفونو هزو وبقا كيشوف واش يعيط ولا لا تنهد ودور نمرة وحط تيليفون على ودنو...
امال: سلام منير فين راك ياك لباس جيت عندك وملقيتكش
منير: ههه غير بشوية علك وقع لياواحد مشكل
امال كتقاطعو: ياك لباس؟؟ امنير مالك؟؟
منير: واخليني نهضر بعدا هههههه وقع لي واحد لحادث انا دابة فسبيطار (******)
امال: ناري ياربي سسلامة اش وقع مالك ياكما حالة خطيرة
منير تنهد انزعاج: وا امال خليني نكمل كلامي عفاك راني عيان والله هاد ليوماين دازت....ماعلينا شوفي بغيتك تمشي للداري وعرفتي داك محبق لي كاين فدروج هزيه تحت من كاينة ديك طابية هزيها قلبيها غتلقاي ساروت ملصقة فيها بسكوتش، مهم خوديه ودخلي سيري لبيتي وجيبي ليا حوايج عفاك ولا كان ممكن تجيبي ليا شارجوري معاك...وخيرك منساهش والله
امال: واخة واخة لي بغيتي نديرو مرحبا غير قوليا ياك لباس علك كيبقيتي؟؟
منير: لباس عليا غاتجي وتشوفيني
امال: صتفي واخة انا نلبس ونخرج دابة نيت سيفط ليا فمسج نمرة شومبر ديالك غانجيب لك معايا شي حاجة تاكلها ديك ماكلة ديال سبيطارات بحال دوا
منير بتاسم من عفوتها: واخة ألالة ههه
امال تزنكات: ياله بسلامة
قطعات وهي كتنش على راسها بسخونية واخة عارفاه مكيبادلهاش شعور ولكن لقلب ومايريد، كتعرفو من زمان وديما كانت كتعجبها رزانتو وكلامو..
بسرعة امال مشات للدارو ودخلات هزات صاكادو صغير عمراتو حوايج ياله كتقلب على تقاشر فواحد لمجر بانت ليها صندوقة خارجين منها شي تصاور فضولها خلاها تجر غير صورة ودغيا عينيها دمعو حطات يدها علة صورة: صاجبتي توحشتك كنتمنى تطوني باقة حية وعايشة حياتك
مسحات دموعها ورجعات تصويرة طيما لقاتها وهزات صاك خرجات بزربة سيرات للطاكسس دسريطا لسبيطار...
بلهفة كثيرة طلعات كتجري فدروج وبلاما دق دخلات لقات منير متكي فسريرو بلبس ديال سبيطار وهاز تيليفونو مركز معاه...
امال خرجات عينيها لاحت صاك لأرض وقربات ليه بزربة كتشوف ليه فوجهو لي حالتو: شطون دار فك هاد لحالة شكون هاد لحيوان؟؟
منير بتاسم: اهلا آنسة امال
امال: ههه غير امال بلا ديك آنسة
منير: ههه غير ضاربت مع واحد.خونا متخافيش وجهو كفس مني
امال بتاسمات عرفاتو زاد فيه شوية مفراسهاش راه زاد فيه بزاف ههه شافتو حرك رجليه لحاشية سرير وغمض عينو ملي تحرك يعني كيتألم بقا فيها شداتو من دراعو: بلاتي نعاونك تلبس حوايجك! (شافت فيه ومن ملاميحو عرفاتو معجبوش لإقتراح) ولا عرفتي شنو نعيط لك لشي فرملية تعاونك وانا غانتسنى برا...
دغيا خرجات قبل مايدوي سيفطات ليه لممرضة ووقفات كتسنى غير حلو لباب قالو ليها دخل، هاد لمرة معاتخليهش يبدل لموضوع هاد لمرة غاتسولو وبغات تعرف اشنو وقع وفين كان غابر...
امال سدات لباب موراها وربعات يديها: دابة قوليا اشمو وقع
منير تنهد: قصة طويلة وماشي مهم اش وقع
امال: عفاك غير قوليا باش منبقاش مشطونة علك
منير بتاسم ليخا بحزن وكترجع بيه داكرة للحضة لي شاف سارة فديك لقطة وماصبرش وبدا كيضارب مع داك لي كان معاها حس براسة بدا كيتعصب، شاف فامال لقاها مقابلاه وعينيها مغرغرين عارف راسو ماكيبغيهاش ولكن اهتمامها ليه ومن بعد ماشاف سارة عايشة حياتها بدا كيفقد لأمل فشي علاقة تكون بينو وبينها..
منير: احم عندي لك خبر زوين لقيت سارة!!
امال خرجات عينيها ومشات تجري شدات يديه: بصح بصح؟؟ سارة صحبتي مايمكنش؟؟ فين لقيتيها وكيفاش
منير: قصة طويلة فحقيقة حاصك تسمعيها هي لولة ولكن معرفتش فيناهيا مجاتش عندي من بارح
ياله طمل كلامو تحل لباب وبانت سارة لي باقة بحوايج سمير من بارح ولقبية فوق من راسها: منييير صباح لخير
امال خرجات عينيها عرفات صوت لي كانت ديما كتحلم بيه عشيرتها أخيرا قدامها ضارت بلعرض لبطيئ صورة لي قدامها مكتمطابقش مع صوت لي سمعات قرنات حجبانها وعودات خرجات عينيها: سارة؟؟
سارة هزات راسها بزربة شافت امال وهي تبتاسم: امااال؟؟
امال طلعاتها وهبطاتها مفهماتش كيقاش كتبان بحال دري ولكن مكهمش مهم صحبتها قدامها حية ولباس عليها..
امال جرات عندها عنقاتها وكتبكي: ساااارة صحبتي هى هئ هئ سمحي لياسمحي ليا هئ هئ هى سارة سمحي ليا
سارة بتاسمات بحزن: انا لي سمحي ليا من أخر حوار
امال رجعات بلور وشافت فيها: حتى سمعت خبار راك هربتي عاد عرفت علاش درتي معايا هكاك كان هداك هو لحل لوحيد سمحي ليا حيت محاولتش نعاونك ومكنتش حاسة بك
سارة حركات راسها: لا لا نتي حاجة من لحوايج لي كانو مصبريني على هاد لعيشة
#يتيع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
