امراة متنكرة في عالم الرجال 💪
الحزء 85
بقلم : حنان زهراوي /اريا ستارك
في مكان بعيد أخر بضبط دوار نواجي 6 صباح كولشي فايق بكري كل واحد اشنو خدمتو رجال
شي خارج يسرح بهايمو لي مشا يفلح ارضو ولي مشا لسوق الأسبوعية.
عيالات خدمهتهم بين دار ولكوري تحلب البكر تشقا وتخبز باش لي جا يلقا ماكلة واجدة هادا اهم حاجة عندهم ماكلة خدمة ونعاس.
ام سارة جالسة وسط دار شمس ضاربة فيها لابسة بيجامة طويلة حمرا عاقدة زيف على راسها تتصبن حياويج راجلها في بانيو وداوية: انا حياتي كلها ضاعت معاك اشنو طلع ليا كاع غير تمارة
قهرة نتا كول شرب وتكسل قدامي انا نخرج نترس عند لي يسوا ميسواش. كنا عايشين بيخير بعتي لي وراك وقدامك وجبتينا لهاد جايحة لكحلة
اب سارة متكي فوق واحد سداري لابس قميجة في زرق سرول في كحل مخنزر بحال عادتو يما فصراع داخلي غير مع راسو مناقصش مراتو تزيد عليه.
الأب:واكلينك جنابك؟ كتقلبي عليا؟
الأم: نوض اش كتسنى أصلا هادشي لي تتعرف دير من لي بنتك لوحيدة طججتيها ونتا كي بان لك غير انا تبرد فيا غدايدك مبقيتيش لقيتي شكون ضرب
الأب باقي كيحاول يتمالك أعصابو: انا لي قلت ليها تهرب ولا تربيتك لي لاروب وتانتي كنتي ضربيها متحاوليش تردي لومة ليا
الأم: نتا لي بغيتي تزوجها وتاخد ليا كبيدتي فينها دابة غير نشوف وجهها نعرفها غير واش واكلة ولا اربة
الأب مصبرش على غواتها ونواحها ناض جرها من قفال ديال شعرها: دابة ولات كبدتك من لي كنتي تشعلي فيا نخلي عشتها مكانتش بنتك حبيبتك (كيضرب وكيغوت عليها) ها دوي ملي كنتي تعمري ليا فراسي بنت غاتخرج طريق زيرها دير لها فعل ليها دويييي دابة باركة تبوحطي علاااامن؟ دوييي
كتغوت على حر جهدها بالألام ديال ضريبو ليها لحمها كلو ولا زرق ندمات على نهار لي تزوجات بيه وولدات معاه توحشت بنتها وندمات على تعاملها معاها ولكن الأب وتقول واش بقات فيه سارة ولا فين وصلات، من غير شمتة وحرقة بنتو لي هربت وحنات ليه راسو فالأرض.
ناس لي دازو يسمع غواتهم مع ديور مفتوحين من لفوق فسطوان كيتسمع صدى لغوت وصداع دخل خوه يجري
دغيا دفع باب ديال قصدير برجلو ودخل لقاه تيضرب مرتو دغيا مشا دخل وسطهم يدفع في خوه باش يطلقها بزز باش فكها من بين يديه، ومع مبر ديالو فالسن ومرضو لمبكر دغيا بدا كنهج كيشوف فالأم لي فالأرض
حالتها حالة كلها دميات تتبكي طاحت ارض بقات تبكي ضرب في راسها، دخلات مرات لعم تاهي كتشد فالأم تهدنها تعونات مع بنتها وجروها لبيت أخر بزز خلاو الأب مع خوه
عبد الخالق الأخ ديالو وقف غير تيشوف فيهم بجوج هو عارف اشنو دوزو على بنتهم من عذاب ضرب تمارة وقهرة. دكشي بدا من صغر ماشي تال دابة تحسر من حالهم وهو كيسترجع أنفاسو
#يتبع
حطيت قصة قصيرة جديدة 🌱الفقيرة المحظوظة🌱
أنت تقرأ
امرأة متنكرة في عالم الرجال 🤠مكتملة🤠
Romantizm💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
