امرأة متنكرة في عالم الرجال 🤠مكتملة🤠

الجزء 33 🤠

امراة متنكرة في عالم الرجال 💪

الجزء 33

بقلم حنان زهراوي/ arya stark

كمال مشا يقلب عليهم على صخابو وهو معصب....
وسمير ياسين وماسين تاجهو لفين غايتلاقاو مع جميع المجموعات..

ماسين: ياسين مكنتش كنصحابك ضعيف لدرجة تعطيه راية بكل سهولة

ياسين شاف فيه: كنتي كتفرج؟؟ مالك ما جيتي تورينا قوتك هههه ولا خايف من كمال يخلي ضاربوك عوتاني؟؟

ماسين: هههه معرت شكون فينا لي مبوقل فهاد اللحظة، جميلنا فتخراج لعينين

سمير حابس ضحكة :تحركو لدراري راه قربات خمسة صباح خاصنا نكونو تما..

وصلو لساحة كبيرة داير بيهاا الشجر واقفين لورقات كلهم مجموعين كيبان ليهم كمال واقف كيغوت على صحابو وكيعاير فيهن ماسين دار عند سمير غمزو وبتاسم.

ماسين: عرفتي والله ديك فالكرة ديالك باش قولبناهم كتستحق جائزة ههههه بارك كتجري وهوما تابعيني وانا كنتفرقع بضحك كان غايهرب ليا..

سمير: تاهوما مكلخين دغيا سمحو فكلشي

ياسين شاف كمال جاي عندهم زاد وخلاهم مباغيش يوقف حدا كمال لايدير شي جريمة...
ماسين: هيهو فين غادي

كمال من موراهم: كوراه غادي عند ختك ههههه

ماسين دار عينيه حمرين: تجبد ختي على فمك نقتل ديمك

كمال بستهزاء: تو تو مال زين كعا نتا لي جبدتي ختك أما انا عمرني كنت نعرف عندك ختك، موشكيلة دابا بغيت ختك نقضي بيها واحد لغرض منلقاش عندك شي تصويرة ديالها تونسني بليل هههه

ماسين تحرك غايمشي يضربو وكمال هاز حاجبو زعمة من نيتك سمير شدو بزز وخنزر فمنال : سير تلعب بشي قنت أخر اكمال خت ماسين خاصها راجل ماشي دريري

كمال تعصب ولكن اصطنع ابتسامة: اوووه شو شكون كيهدر لخنثى هههه ونتا اش كتعرف على الرجولة

سمير: كنعرف بلي بينك وبينها 100 كيلومتر دالسفر

كمال ولا حمر وتعصب : تجرب الخنثى؟؟؟

ياله غايجاوبو ماسين وهوما يسمعو صوت أستاد لي واقف وسط ساحة وعينيه كيدورو على ساحة كاملة.

أستاد: إنتباه.... جميع لفرق تقدم الرايات لي جمعو

تحرك ياسين لوسط فين حاطين طابلو كبير فيه أسماء المجموعات وفين يعلقو راية وصل ياسين علق راية ورجع لور وقف حدا لممتلين لكل فرقة.

أستاد وقف قدام طابلة وكل مجموعة كيحط ليهم نقط على حساب رايات وصل لمجموعة سارة لي قبل من ديال كمال وهز راياتهم وحطهم فبلاصة مجموعة كمال..
ماسين بصوت شوية مسموع حتى شاف فيه الأستاد: اش هاد لق****

سمير: شووو هاحنا غانفهمو

استاد حط لمجموعة كمال 20 نقطة: بالنسبة لي مفهموش هاد الإمتحان هو مفروض تنجحو فيه كمجموعة ولكن للاسف سي ياسين تخلى على مجموعتو وسلم راية إراديا لمجموعة كمال، واخة سمير وماسين بدكائهم رجعو رايات بزوج ولكن لعمل إلا مكانش عمل جماعي فهو فشل ونتوما فشلتو فهاد لمهمة لدلك تنقيطكم هو صفر..

ياسين: ولكن علاش تعطيهم رايتنا؟؟

أستاد خنزر فياسين: هاد الإمتحان ديال الدماء وقلت ليكم ممنوع المشادات ولا ضرب نتا ضربتي كمال إدن رايتكم غاتمشي لفرقة ديالو كعقاب ليكم (ياسين بلا يعتارض) عارف اش غا تقول كمال مقاسكش إدن ماعليه حتى شي دنب نتا لي ضربتي نتا لي تعاقب، القانون لايحمي المغفلين...كاين شي اعتراض اخر؟؟

سمير: استاد ممكن نغيرو فريقنا؟؟

ماسين شاف فيها مصدوم: اش هاد لق**** أسمير؟؟

أستاد: لا مايمكنش وحاجة خرى كلام نابي ممنوع وعندو عقوبة وبما أننا فمسابقة وكيبان ليا فريقكم ماباغيش يفهم، غادي تنقص ليكم جوج نقط على الكلام النابي زيدو شي حاجة خرا نسيفطكم لديوركم..

كلشي ضربها بصقلة ياسين شاف فسمير لقاه كيخنزر فيه وهو يبتاسم باش يفقصو وهز كتافو بلامبالاة..

#يتيع