امرأة متنكرة في عالم الرجال 🤠مكتملة🤠

الجزء 141 🤠

امرأة متنكرة في عالم الرجال 💪

الجزء 141

سمير حاني راسو وباقي دايخ بالضربة لي ضربو داك الحارس... هز راسو بالشوية وشاف فالبنت ماكتبانليهش مزياان الضبابة  دار و شاف واحد الشخص يالاه داخل من الباب
سارة بقات كتحقق فييه وقالت : ياااسييين؟؟ ؟!.. شرية بدا راسها تايدور وغيبات
ياسين تصدم فاش هز سميير راسو 
دار شاف فنيكول هازة السلاح تيري فييه نقز من بلاصتو وغوت بااجهد بالالمانية: نيكوووووول؟؟وقفيييييي؟!!
ياسين بقا كيشوف فسارة لي مغيبة وكيشوف لبسها خلاتو يتفكر أيامها معاهم فلاكادمية فشومبر وحدة وكيفاش كانت كضارب بقا ساهي.. حتى حس بيدين تلاحو عليه عنقوه
ياسين رجع لور وهز يديه فوق من يدين نيكول حطهم على يديها وحيدهم من عنقو طلقهم رجع خطوة لور وهز فيها راسو..
نيكول بتاسمات وضحكت جنب بألمانية:ماين ليييب (حبيبي)
#فلاش باك
ياسين ناض من سرير عريان تمشى بشوية عليه دخل للدوش ديريكتمو كيدوش وبحال كيغسل من جسمو ديك لإنسانة لي كانت ففراشو رجع لاوي عليه فوطة هز صاكادو ديالو مليوح فلرض جبد منو حوايجو، طيح فوطتو للأرض من بعد مانشف داتو، وشعرو سارد كيقطر على كتافو ووجهو...
نيكول عاضة على قنوفتها كتمعن فلاطاي ديالو ومتبعة كل خطواتو بألمانية: ياسييييين (ماين ليييب) بقا معايا هاد ليلة؟؟
ياسين مجوبهاش كيلبس سروال دجين ديالو ومامسوقش...نيكول بركات فوق سرير وخلات لملاية طيح ويبان صدرها واقف دارت يديها بزوج قدامها وزيرات على صدرها بدراعها حتى تلاصقو كتحاول تبين لمفاتن ديالها...
نفخات شفايفها: بقا معايا بخاطرك ولا غانلقا طريقة خرا غير هي مغتكونش بلخاطر هههه .... شوف عرفتك مكتنعسش فسرير لبنت لي عاشرتي ولكن انا غير وهوما مكسواو والو قدامي، كنضن بلا شك انا ونتا عارفين مزيان لفرق..
بتاسمات بكل تقة فنفس خلاتو هز عينو فيها وقال بلامبالات: مكنشوف تافرق كلكم كتقضيو لغرض...
عطاها بضهر وقفات عريانة بزربة ومشات عندو عنقاتو من ضهرو، نترها منو بجهد ودفعها: من لول قلت لك انا وياك والو غير **** لي جامعنا فهمتيني؟؟ هادي اخر مرة ليا معاك
نيكول غوتات: كيفاش تسطيتي عرفتي بابا اش يدير فك؟؟ ولا انا أشنو نقدر فيك؟؟ كتصحبني شخصية ضعيفة؟؟ غاندمك على هاد طريقة لي كتهضر بيها...ولكن (قربات ليه كتعوج وعضات على شفايفها) لابقيتي نتا غتاخد لي بغيتي وانا غناخد لي بغيت...
ياسين بلامبالات خرج من بيتها ونزل دروج لقا اب نيكول نيكولاص واقف بحال كان كيتسناه: ياسين بغيت ندوي معاك جيتي فوقت
نيكولاص معروف فسوق سوداء وفعصرنا لحالي فدارك ويب كيتاجر بأي حاجة كاينة فدنيا سلعة حيوانات بنادم كلشيي...
ياسين: مامساليش عندي طيارة ليوم
نيكولاص جمع لوقفة بزربة: كيفاش؟؟ اش كتخربق؟؟ راك مغادي فين اياسين نتا بذات كتعرفني كتر من اي واحد وعارف بلي لي كيدخل معانا ماكيخرجش وماكيسافرش بلا خبارنا ومع رجالنا...
ياسين وقف طلعو وهبطو وبتاسم جنب:اش غادير متلا؟؟
نيكولاص بدا كيدور عليه ورجالو دخلو لصالة واقفين ويدهم على سلاحهم: مممم نبدى بماماك واقلة موراها باباك ولا عرفتي نبدا بولد خوك صغير
ياسين هز حاجبو وبتاسم هز صاكو من ارض وحطو فوق كتافو: اوكي سير بدا اش كتسنى؟ (شاف استغراب نيكولاص وبتاسم باستهزاء) عائلتي كتشاركني فلكنية صافي معندي تاي علاقة بيهم ولا كنبغيهم ولا غانحزن عليهم ماكيهمونيش
نيكولاص شاد تيليفونو: باشارة وحدة يموتو واحد مورا لاخر
ياسين ماطا ليه يدو: ارا انا نعطيهم لإشارة ومضيعش ليا وقتي...
نيكولاص عرفو كيهضر بصح وأصلا عارف عليه كلشي وفعلا عارف بلا علاقتو شبه منعدمة بدارهم: ياسين متكونش مغرور وتقصح راسك هاد الشراكة ديالنا مغاتساليش
ياسين: اصلا عمرها كانت شراكة من نهار لي قالك راسك تضحك عليا وتخبي حقيقة لخدمة ديالك وانا مكشرفنيش نخدم مع بحالك نقطة وسالينا
نيكولاص هز سلاحو ووجهو لراس ياسين: إدن كتفضل لكفن!!
نيكول هابطة بشوية عليها ومبتاسمة من منضر لفردي على راس ياسين متأكدة بلي لي فدماغها غايوقع وغايكون ليها صحة ولا خاطر، طالونها مسموع فدروج لابسة كسوة مغطية ليها غير مناطق حساسة اما راه شوهة: بابا لا بليز خليه حي ههههه لالا غير كنضحك من أحسن يخرج فثابوت شكون كيصحاب راسو باش يتحدانا
نيكولاص دار شاف فبنتو وبتاسم فرحام من تربية يديه ياسين مدارش ردة فعل: اوكي تيري نشوف كيفاش غاتعيش حياتك فقير ههه
نيكولاص قرن حجبانو: اش كتخربق انا فلوسي تعيشني ملك
ياسين حرك راسو وبتاسم: نوووو معندك تاريال كلشي عندي ولا موصلتش للمطار ومشيت لبلادي معمرك تشوف أورو واحد
نيكولاص شاف فواخد من رجالو لي بارك مقابل بيسي وهو لي مكلف بالقرصنة وبالحماية الرقمية للمتلكاتو: هادشي بصح؟؟
شخص شاف فلبيسي خرج عينيه وشاف فنيكولاص: سيدي انا معرفتش كيفاش...
مخلاهش يكمل كلامو حتى جاتو رصاصة لراس: لوحو عليا داك وبل برا..
خشا سلاحو ورا ضهرو وشاف فياسين: برافو لعبتيها مزيان ولكن غادي تندم واخة ترجع ليا فلوسي كلهم غادي ندمك وغاتخدم معايا صحة ولا خاطر.
ياسين مشافش فيه مشا حل باب وخرج وهو كيسمع نيكول كتغوت عليه وكتبكي وباغا صوتو مسموع كيغوت على رجالو ةكيهرس فشي حوايج بلفقصة: غااااندمك الماروكانش (المغربي) غاندمك...