امراة متنكرة في عالم الرجال 💪
الحزء 69
بقلم:حنان زهراوي/ اريا ستارك
ماسين بغا يشدها من كتفها وخوات ليه ورجعات بلور: مقصدتش هاكاك اسمير...
سارة مخنزرة تمشات جيهة لباب: عرفتي اشنو يعجبني مايعجبنيش نتا مالك؟ شغلي هداك وحياتي هادي نتا ماليك حتى دخل
ماسين تعصب قرب ليها وحاوطها مع لباب: لا ألالة شغلي...انا لي بغيت نكون شاغل لك هنا (حط يدو على راسها بمعني عقلها) وساكن هنا (حط صبعو على صدرها جيهت قلبها) انا بوحدي تاحد أخر.
سارة حطات يدها على صدرو يالاه بغات دفعو بكل قوتها وهو يشد ليها يدها وحطها على قلبو سارة نزلات عينيهاديريكت كتشوف فصدرو حيت حسات بقلبو كيضرب بسرعة خيالية ،
قرنات حجبانها من تصرف ديال ماسين واش دغيا دراري كيبغيو يديرو فيها رجل لكهف وانا انثى ديالي مايقيصها تاحد؟؟
واش دغيا كيبغيو لبنات بهاد سرعة بلا مايعرفو عليهم والو؟ واش دغيا كياخدو منهم حاجتهم ويلوحوهم؟
ماسين قاطع تفكيرها : سمعتي؟!
سارة بصوت قاصح وخالي من المشاعر: طلقني نمشي
ماسين قرب ليها كتر: ويلا مبغيتش
سارة غمضات عينيها معصبة : ماسيين
ماسين : إلا بغيتيني نطلقك متقوليش سميتي بداك صوت راه عاد غانحبسك هنا
سارة كتحاول تنتر منو : طلق البشار دابا يجي شي حد
ماسين: ماكيهمنيش دابا مزال فلول ملي كيصحبني راك دري كنت غانتسطى أما دابا مكرهتش نقولليهم كلهم بلا راك ديالي وتاحد معندو لحق يشوفك ولا يقيسك.
سارة دفعاتو بالجهد وخنزرات وهاد لمرة غلضات صوتها: سمعني مزيان أنا ماديال حد وعمرني نكون ديال شي حد... بغيتيني نبقا فهاد الأكادمية خاصنا نديرو حدود
ماسين تقاد فلوقفة: اشمن نوع ديال الحدود
سمير: حدود بيني وبينك ...أول حاجة (دارت دائرة بصباعها على راسها) مساحة خاصة ديالي ماتقربش ليا بزاف
سرحات يديها قدامها: ديما على أقل تكون هاد مسافة بيناتنا.. تانيا عمرك تهضر معايا على أساس سارة
ماسين قاطعها: سميتك سارة؟؟
سارة تنهدات مكانتش ناوية تقول ليه سميتها غير زلقات ليها.
سارة بصوت رجولي: واش سمعتي شي لاخر ولا غير سميتي
ماسين هز يدو على شكل تحية: وي شاف سمعت
سمير: تالتا نهار تقول لشي حد السر ديالي عمرك تحلم ندوي معاك عوتاني حيت غاتكون خربتي ليا حياتي
سمير: رابعا فينما نكون ندوش خوي لبيت نتا
سمير بتاسم بشر: منضمنش لك
سمير: ماسين متعصبنيش
ماسين: اوكي اوكي باقي شي حاجة خرا؟؟
سمير: غير.هادشي وحضي راسك قدام ياسين
ماسين: على دكر ياسين تانا عندي شرط...متبقايش تعامليه زوين وطيبي ليه مكرهتش متبقايش تهضري معاه كاااع...
سارة تعصبات: شوف الله يخليك فهم واحد لحاجة انا ونتا مكاين والو باش تحكم فيا كون بغيت شي حد يتحكم فيا كون بقيت فد..
ياله غاتقول كون بقيت فدار ومهربتش حبسات راسها فآخر لحضة وهزات عينها فماسين لي مقابلها وهاز حاجبو واخا فهمها حاول مايبين ليها والو.
ماسين: اوكي صافي تافقنا (ياله غادور تخرج وهو يعيط ليها) سارة
سارة خرجات عينيها: واش تسطيتي ياله كنوصي فك باغي تخرج عليا
ماسين كايضحك : صافي صافي غير كان خاصني نجربها ففمي صافي أصاحبي منعاودهاش
# يتيع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
