امرأة متنكرة في عالم الرجال 🤠مكتملة🤠

الجزء 13 🤠

🌀امراة متنكرة في عالم الرجال🌀

بقلمي:hanane zh

الجزء 13

رجع الاب دياسين وقلبو الموضوع وهما بزوج ناشطين...
اليازيد حيتاش غادي يعاون ياسين باش يخرج من ديك الاكاديمية اولا المقبرة كيكايسمييها واخا غايضحي بولدو ويدخلو ليها ولكن ماعليش
وسي رشيد حيتاش يمكن عرف المشكل النفسي لي عند ياسين وغايقد يعاونووو الاب دياسين لي سمع كولشي وبلعاني دار راسو مشى يهضر باش يخليهم يدويو فخاطرهم ويسمعهم وياخد أخبار على ولدو..
لي سيفطزو للاكاديمية عقابا لييه .
هو كايتعمد يجمعهم فدارو من سيمانة لسيمانة باش يشوف التطورات ولكن هاد المرة فرح حيتاش حس بلي لقاو الحل لولدووو يتقاد سارة لي كانت ناعسة هي ةسعيدة معانقاات فنفس الناموسية. ماشي حيتاش كايتخابو ولكن حيتاش الناموسية صغييرة من طبيعة الحال شدو شومبر وحدة حيتاش اوطيل عادي ماشي سانك ايطوال وحيتاش حازقاات.. شوية بدات سارة كتفيق ... شافت فسعيدة لايحة عليها يدها ورجلها وهزاتهم دفعاتعم... طلات على الساعة فالتيلي لقات 9.30
شافت فالتاريخ لقات اليوم لاربع بغات ترحع تكا شوية وهي تتفكر وناضت طاااايرة

سارة : ناري ناري غانتعطل تفووو...
دغيا لبسات حوايجها غسلات وجهها وفيقات سعيدة لي مابغاتش تنوض ليها
سارة: شوفيي انا غادة للخدمة.. سعيييدة شوفي فياااا ندوي معاك(بقات كتزعزعها)
تاهزات سعيدة راسها بالزز وحلات عيين وحدة: اممم شنووو
سارة كتلبس الكاط وهي واقفة وكتهضر فنفس الوقت: شوفي واياااااااك تقولي لشي احد من العائلة بلي شفتيني راا نقتلك كتسمعي؟: را كتبت ليك نمرتي فالورقة فوق الكوافوز هزيها وسولي فيا ضروري نتلاقاو مرة اخرى..

وهاني كنوصيك تقوليها لشي حد نفرع مك
سعيدة: لا صافي ماتخافيش اممم طفي عليا داك الضو خرجات سارة طايرة وتدعي فقلبها : ياربي مانلقاش المعلم وصل ياربي ياربييي تفو تالنهار لي غايزور فيه لاصال عاد غانتعطل انا يخخخخخخ
خرجات باش تشد طاكسي شوية تفكرات بلي عندها طوموبيل المدرب سارة .
سارة: العزززززز نسيت انا بلي عندي طوموبيلتو اوف الحمد لله انوصل فالوقت بعدا

ركبات الطوموبيل ووركااات عليها كسيراات بالجهد.. ماخلات تاواحد ماضوبلاتو كاع الضواو حرقاتهم باش توصل فالوقت... وكون صابت طيارة طيرهاااا تحطها فالصال.. كيف لا والمعلم ديالها لي علمها البوكسينغ ودخلها للصال تخدم فييه جاي اليوم... واصلا هو تايكره لي ماتايحترمش الوقت.. تحطات سارة مع 9.56 قدام لاصاال وضربات واحد الفران صيك تاتشمات ريحة الشياط فالروايض.. نزلات طايرة ودخلات لقاتووو بانليها صف ديال المتدربين والمدربين واقفين تماك ... وشخص واقف مقابل معاهم ومعكز على عكاااز دالخشب رفيع من نوعو سارة لي بصفتها سمير دخلات عادي والقات التحية وشدات الصف معاهم المعلم شاف فسمير شوفة حادة ماموالفاش ليه يتعطل واخا تادابا ماتعطلش ولكن ديما تايجي قبل من الوقت ماتسوقش ليه واخا هز الافضضل فتلاميذو .. بقى حاضيهم واحد بواحد ومخنزر ونايدوز عليهم..
غفل واحد ضربز بالعكاز لرجلو طااح المتدرب : اااااي
المعلم ضربو بعكازو للراس: تبقى توقف وشد التوازن ديالك .. كابقاتش فتربي العضلات والصحة بقات ف اش واقف على الصح ولا لا .. لا كانو عظامك مرخيين راك والووو ودوك العضلات مانافعينكش ..