امراة متنكرة في عالم الرجال 💪
الجزء 62
بقلم:حنان زهراوي /اريا ستارك
فبيت مظلم كيحل عينيه بحالا ماتايحلهمش.. ظلام ظلام سوا حلهم سوا سدهم...
الأرض باردة كيحس بالبرودة كطلع معاه... كيحاول يشوف يدو قدامو مكتبانش ليه بكترة الظلام....
جمع رجليه قدامو وعنقهم ودموعو سايلين على خدودو...
صوتو باح بكترة لبكا ولغوات، كيتنخصص وكيحاول مايديرش الصوت باش ماتتفكروش...
تسمع صوت الساروت فلباب وهو يبدا يترعد دفع برجليه لقنت ديال لبيت وتكمش..
تاسمع صوت طالون كيقرب ليه و دقاات قلبوو تايزيدوو يطلعوو...
حتى حس بالألم فشعرو مبقاش كيحاول يدافع على راسو ولا يطلبها واخا دري صغير فهم بلا هادي هي حياتو غايبقا ديما سجين وكل مرة حاجة غاتجي تعدبو..
خالة ياسين جاراه من شعرو فلأرض: حيوان فيه جوع؟! ها؟؟
ياسين حادر راسو ودار ليها اشارة اه معقلش أخر مرة كلا واش يوماين هادي ولا كتر،
خوات طبسيل ديال ليباط فلأرض وعفطات عليه برجليها شحال من مرة وهو متحركش كيتسناها تعطيه الإدن.
لخالة: كول الحيوان
حط يديه لرض ونزل بوجهو لعند لماكلة كياكلها من الأرض وهي كل مرة ضربو لضهرو ولا لجنبو وكيعاود يرجع لبلاصتو ياكل..
لخالة: شتي حتى الحيوانات كتربى ولكن هادشي مغايرجعش ليا بنتي...حيوان قتال مريض للخر
حل عينيه على نفس لحلمة ديال كل ليلة... كولوو عرقاان وشعرو سرد...
لبس حوايجو ونزل لقا لعائلة مجموعة كيفطرو داز من حداهم.
الأم: ياسين أجي تفطر
ياسين ماشافش فيها دخل ديريكت لكوزينة للتلاجة هز قرعة صغيرة ديال عصير لاحها فشكارتو هي وتفاحة وبنانة وخرج
محمد: راه دوات معاك ماماك.
خرج ياسين من الدار وهو بحال ماسمعهمش بالأحرى ماشافهمش كاااع لقا طوموبيل كتسناه حل لباب وطلع..
ماسين: أخيرا أصحبي ديما كتعطلنا
ياسين دار ليزيكوتور فودنيه عض فتفاحة وشاف فشرجم.
ماسين: واقول غير صباح لخير
ياسين مدارش شاف فيه: شحال من مرة كنقولك متبقاش تجي عندي
ماسين: ومن بعد؟! ديما كتقول نفس لهضرة وانا مكنسمعش منك زعما..ليوم عاد غانسمع لك؟ بلاما ضيع لحجرة انا بت نبت لاسق فيك..
ماسين من النوع لي كيقدس الصداقة ديما كيلقا لوقت ولينيرجي بقا ديما مع ياسين واخا طبعو لخايب برودو وقلة كلامو عمرو فقد الأمل بلا شي نهار غايشوف ابتسامة داك طفل صغير لي تسلبات منو طفولتو...
لي فعلا قصو ليه جناوحو وولا عايش فحرب نفسية مع راسو كل يوم. ..
#يتبع
أنت تقرأ
امرأة متنكرة في عالم الرجال 🤠مكتملة🤠
Romantizm💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
