امرأة متنكرة في عالم الرجال 💪
الجزء 110
بقلم:hanane zh/ اريا ستارك
سارة للبنات: علاش كتبكييو ياك درتو علاش؟ غي باش نكونو واضحيين هنا ماكاينش فرق بين البنات والدراري و داكشي دالبكا و النواح والتخربيق دالدراري الصغار خلييوه فديوركم هنا نتوماا متدرباات وغايخصكم تكونو قاسحاات وتقبلو باي عقااب كما بغا يكوون وماتعطيوهاش غي للبكا.. بقاو هنا هاني غانرجع َمابغيتش نلقاكم كتدمعوو علياا حيتاش اولا ماغاتبقاوش فيا واخا تبكيو بالعكس عاد غانزيد نكرهكم حيتاش تاتبيينو ضعفكم هاكاك.. خلييو البكا لحاجاات اخرى هنا كزين غا التطبييق و الصبر.
مشات لجهة الادارة و خلاتهم
دقات على العميد مالقاتوش فالبيرو يالاه بغلت تمشي وهو يبانليها جاي..
العميد: ااه سمير احم بغييت نقول سارة دخل نهضر.. اعود بالله من الشيطان الرجيم.. دخليي نيت كنت باغي نهضر معاك
سارة حابسة الضحكة الداخل مازال تايقوليها سمير وتايهضر معاها بصفة دري.. : واخا اشاف
دخلو للبيرو َسارة جلسات مقابلة معاه فالكرسي
العميد : مهم بالنسبة للمهام ديالك غادي نعطيك لومبلوا ديالك باش تعرفس شنو خصك ديري.. الصلاحيات ديالك بحال الصلاحيات ديالي تقدري تعاقبي وطردي اي طالبة عندك وحتى طالب..
انا انعطيك لاليسط ديال الطالبات لي عندك فالدورطوار.. كاين تقريبا شي 20 طالبة.. من بين اهم المهام عندك انك غاتبقاي ديري دوريات ليلية
سارة مافهماتش: وعلاش هاد الدوريات.. ماكنتوش كديروهم لينا حنا
العميد: عندك الحق ولكن الدراري ماشي بحال البنات.. البنات غايخصنا نزيرو معاهم ونحضييو وخاصة من ورا هادشي لي شفنا اليوم .. بانولي زايغات شوية ومفششات اغلبهم بنات صحابي الجنرال مستعد والوزير الفاسي و اعز صديق عندي اليازيد.. وكيما شفت فالكاميرات راهم ضاربو علي دري.. الزميل لي كان معاك فنفس الغرفة ياسين
سارة غي سمعات سميتو صحتها تشوكاات (بينها وبين راسها: مزيناتو يضاربو علييه مالقاو علامن يضاربو غا علي داك المعقد) قالت للعميد : اه تفكرتو...
العميد: مع العلم هما لي مشاو عندو بزوحات يعني غايخصك تردي معاهم البال كتر
سارة: اهاه ممكن تعطيني فكرة على الدوريات لي غانولي ندير
العميد :صعيبة شوية ولكن تايق فيك تقدري ديريها.. ويلا بغيتي تساعدك ايمان واللستاذة داليوغا سهام. عندك 3 دالاوقات غادوزي عليهم غرفة بغرفة وتأكدي بلي راهم فيها.. مع 22 ومع 00 ومع 4 دالصباح..
سارة بلعات ريقها وقالت فنفسها: ايوا ومانعسوش اسي العميد ولا كيفاش خفااش انا..
جاوبها العميد بحالا سمعها: غاتجيك صعيبة شوية علي حساب المعاس داكشي باش اقترحت عليك تتعاوني مع ايمان وسهام وتنسقو وقتكم مجموعين ...
سارة :داكوغ انا انشوف كينديرليها
العميد مدليها ضوسيي: هاكي لاليسط ديال الطالبات.. بغييتك تعاملييهم سواسية وماتكونش عندك وحدة مفضلة ولاخرى لا لي غلطاات عاقبيها
والعميد تايدوي سارة حلات الضوسي ضربات فأول سمية وصورة حداها
رميساء العلمي تصدماات
العميد: سارة!!
سارة : ااه وي سمعتك صافيي غانطبق هادشي لي قلتي..
العميد: بالتوفيق
خرجات سارة وهي كتحقق فالورقة ديال رميساء: واش رميساء رميساء لي كنعرف هادي. ببففف مشكلة تانيي منين خرجاتلي هاد الخرية... لاعرفاتني مشكييلة ماغاتصبرش تمشي توصلهاليهم.. (شوية تفكرات بلي ممنوع التيلي هنا ومتغايخرجو منهنا لشهر) اممم هادا بلان مزياان.. غانعدبهاا فهاد الشهر مزيان نفديلها القديم والجديد...
دخلات روميساء للملحق دالبنات بانولها البنات واقفين كل وحدة تاتنخسس
بوحدها
مريم : اهئ هئ هئ دابا انا فخر يامي غانولي نصبن حوايج موسخيين
ليلي: ووغسلو ماعن و طوالييطاات يععع تفو ندمت تاجيت لهاد المدرسة
زينب غي كتبكي وساكتة مادارت لابيديها لا برجليها مسكينة
رميساء غادية قاصداهم تاوقفات عليهم: هههههه بكايات منين ماقادين علي والو لاش كتنقزو وكطيرو
شافت فيها ليلي وبغاات تطير عليها تاني تاشداتها زينب ومريم
زينب: ولاا ليلي واش بغيتي المدربة تزيد ضوبلينا العقاب بركة غي هادشي لي عطاتنا
مريم خنزرات فرميساء: ماكنبكيوش حيتاش خايفين منك، ولكن حيتاش تعاقبنا عقاب مانستاهلوهش بسباب قمقومة بحالك
رميساء قرباات منها: شناهو؟؟ عاوديي شنوو قلتيييي ؟؟! شكوناهي القمقومة ؟!!!
بونويي البنات نتلاقاو غدااا.. قريب غايتلاقاا ياسين بسارة واش غايعرفها فنظركم ولا لا؟!!
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
