امرأة متنكرة في عالم الرجال 🤠مكتملة🤠

الجزء 192 🤠

امراة متنكرة في عالم الرجال 💙💪

الجزء 192

بقلم حنان زهراوي / اريا ستارك

حمييد مخلووع : خويااا نتا بيخيير يااك
سي احمد بات ياسين جر ولدو لعندو وعنقو تاهو وكايبكي : ياسيين ولديييي
ياسين عينيه غي على سارة.. تايتسنى غا ايمتا يطلقوه
ياسين دفع باه بالشويية : انا بيخير مزياان
باه شفنا لبخبر فالتلفزة جينا طايرين.. ماماك وخوك فالدار بالزز باش حبستهم مايجيوش..
حميد شاف فخوه ودار شاف فسارة قرب ليها:ختي سارة نتي بيخير
سارة كانت جالسة هزات عينيها الذابلين فيه ودارت شبه ابتسامة: بيخير خويا شكرا..
الاب شافيها وتفكرها قرب ليها تايتأكد: نتي هيي... ؟
حميد قاطعو: اه هي.. نخليوهم دابا يرتاحو..
الاب تاشوف فيها ويشوف فياسين كي قرب ليها جلس حداها ورجع عنقها وحط راسها علي كتفو.. باشها فراسها وتايهضر معاها بخوف تايطمئن عليها
جاااه عجب هادشي لي تايشوف.. حس براسو بحالا تايحلم.. نزلو جوج دمعات حاراات من عينييه..
حمييد لهمو وتاهو نفس الحاجة داكشي جاه عجب.. جر بااه لعندو
حميد: من بعذ ونشرحليك
الاب: مابغييت لا شرح لاوالو مابقيت بباغيي والو من هاد الدنياا... داكشي لي كنت كنحلم بيه تحقق واخيرا..
ياسين تايسمعهم وهضرة باه حركات فيه شي حاجة ولكن عينيه باقيين على سارة... مابين والو ليهم
دار الاب عند العميد بانليه واقف وتايشوف فالمدرسة ساهي فيها
الاب حط يدو علي كتف العميد تايواسيه.. عارف قيمة المدرسة عندوو هو لي فنا حياتو علي قبلها.. ماتزوج بامراة ماولد ولااد.. حياتو كاملة عاشها علي قبل المدرسة
الاب : سي رشيد.... البركة فراسك.. الحمد لله مامات تاحد المدرسة مع بعض التعديلات غاترجعها احسن من قبل.. واناا معااك ماتخممش للباقي غانتعاونو علييها نوقفوها كيكانت واحسن
العميد شاف فيه وحط يديه علي يدو لي فوق كتفو واكتفى بابتسامة شكر..
حمييد  تايهضر فالتيليفون تايطمأن عائلتو على ياسيين..

عند ماسين وصلو للمستشفى دخلو ايمان للمستعجلات لغرفة الانعاش يديرولهااكسيجين حيت مخنوقة بالخاان
هو وااقف على العافية. كل مرة يسول شي طبيب ولا فرمليية مرضهم بالاسئلة..

الطبيب خرج من غرفة الانعاش
ماسين وقف علييه: شنووو قوليي كيولات
الطبيب : ماتخافش مراتك بيخيير.. من غير يدها لي تحرقاات حريق من الدرجة التاتلة....
ماسين بخوف :وااش غاتعيييش
الطبيب شاف فماسين ومبتسم باش يطمأنو : غاتعييش ان شاء الله.. غي تفيق يمكنليك دخل تشوفها غدا .. من بعد يجي الطبيب اختصاصي فامراض الجلد ونهضرو على الحريق لي فيدهاا  كاينين امكاانياات كتيرة باش نعوضوليها داك الجلد لي تحرق ليها ان شاء الله
ماسين عنق الطبيب بالفرحة: الحمد لله.. الحمد لله
الطبيب مولف حالات بحال هاكا ابتسم وبقي واقف مخليه علي راحتو تاكمل وطلقو
ماسين جلس فقاعة الانتظار وشاف فالتلفزة باديين الاخبار تايهضرو على المدرسة.. قرا التحت بانليه 0 موتى وجرحى قلاال ارتاااح نسبيااا...

حميد قف على ياسين: خاصنا نمشيو اخويا
ياسين شاف فسارة َ: سارة! ؟ نوضي يالاه نمشيو..
سارة هزات راسها من علي كتفو وشافت فيه: غي سيرو نتوما.. انا غانمشي للسبيطار نتبع ماسين.. نشوف ايماان كيولات..
ياسين تايسايس معاها وحميد غي تايشوف فخوه متعجب فيه تقول هزيتي ياسين وحطيتي واحد اخر
ياسين: لا غاتمشي معايا للدار ترتاحي شوية وانا غانمشي عند ماسين ونشوف حالة ايمان ونطمأنك(باسها فجبهتها) صافي؟؟
سارة عياات وحلقها كايضرها سوق مبحوح بحالا بايتة  فعرس.. اومأت ليه براسها بمعنى اه وحاوط يدو علي خصرها عاونها وقفات.. وبقى غادي جارها لطوموبيلة خوه حميد..
حميد ركب هو وباه القدام وياسين وسارة اللور.. تكات علي الزاج وغمضات عينيها داها النعاس..
ياسين شافها مرخية عرفها نعسات.. دار للجهة لاخرى تايفكر فهادشي لي طرا اليوم... كيفاش تعامل مع الموضوع وشحاال رتاح ملي عاود لسارة .. تفكر شحال هعدي فاش كانت كتقوليه بصفتها سمير.. * لابقيتي كتعامل هاكا... غايجي واحد النهار وماغاتلقى تاشي حد معاك وواقف فجنبك*.ياسين داك النهار لي فعلا محتاج فيه لشي حد.. بالصح مالقى تاشي حد واقف معاه وفجنبو.. ولكن هادشي كان قبل مايتعرف على سارة وقبل حتي مايوعى ويكبر.. كان نهار كان مربوط فداك البيت المظلم.. مالقى تاشي حد حداه.. ولكن من نهار عرف سارة.. وواخا بصفتها سمير وكان تايعاملها خايب بزااف.. وتاهي نفس الشيء فداك اللول كانت كتكرهو... ولكن عمرها حسات بيه محتاجها وماوقفاتش معاه.. من نهار تضرب بموس تال اليوم فاش وقفات معااه فاكتر الحالات الصعاب بالنسبة ليه..

#يتبع