🌀امراة متنكرة في عالم الرجال🌀
بقلمي:hanane zh
الجزء 9
عند سارة
كانت كتهز السلعة وكتحطها فالطوموبيل دباها وهو مقابل الحانوت .. كانت فيها ليغيكل وفرعها الوجع .. بغات غا ايمتى تسالي .. بقات كتهز فالكرااطن وشي بوطات تحطهم فالكوفر.. واخيرااا كملات وعيطاتليه ..
الاب: صافي كملتي ..
سارة: اه
مشات لجهة الحانوت تقابلهاليه علامايرجع
الاب: لا لا غاتمشي معايا نتي... هاهي ماماك را نزلات تقابلها
ركبات سارة فالطوموبيل معاه بلاماتقول والو وغي صابرة على داك الوجع لي تايقطع فيها .. نص ساعة تقريبا وصلو للفيرمة دسي اليازيد
كلاكصونا باها قدام الباب و حلو ليه العساس
الاب: وامباارك ايس ثهنى( واكيدااير لاباس)
العساس لي سميتو مبارك: ثگا المان ابوصطيف (بيخير اسي مصطفى)
دخل الاب بسيارتو للداخل و ووقفها ماللور ديال الدار حدا الباب الكوزينة باش يدخل ليها السلعة نيشان..
هز التيلي صونا على اليازيد باش يجي لعندو مور الدار .. وفعلا جا عندو ..
خرج الاب من الطوموبيل وخلا سارة الداخل
مشى يسلم على سي اليازيد لي غي سمع الكلاكصون خلا خوه وجااا لورا الدار يشوف صاحبووو : كنشووفووك غا من الويكاند الويكاند
الاب دسارة: اودي راك عارف مكنسااليش كااع.. دابا واللهيلا غا المرأة لي مخلي فالحانوت
اليازيد: نتا شي نهار نلقاوك متي فديك الحانوت
الاب : ههههههههههههههههههههه وأييه وقبروني فيها نييت
اليازيد: الله يستر اخوياا اللينجييك ويطول فعمرك..
واااا زيد معايا نعرفك على خويا وتشرب معانا شي كويس داتاي
الاب: اه جااا .. شحاال هادي نيت ماشتو منين كنا صغار يالاه اسيدي
اليازيد : يالله اسيدي تشوفو دابا نيت
مشااو اليازيد ماشافش سارة واش كاينة فالطوموبيل ماردش ليها البال اما كون قاليها دخل
سارة حمدات الله وشكراتو فاش ماشفهاش كون بزز عليها دخل هو عزيز عليها ولكن ماعندهاش مع بنتوو .. كتجيها شريرة ومكتحملهاااش....
بقات فالطوموبيل حاضاهم من المرايا تامشاو.كان فيها الوجع بزاااف بغات غا ايمتىىىى تمشي الدار عياات تسناه وتصبر. شوية نزلات منها و حلات الكوفر تهز السلعة للكوزينة يلقاها سالات ويمشيو دغيا..
هزات واحد الكريطينة ومشات حلات الباب الورائي
بانتليها مرات سي اليازيد واقفة مع شي واحد كانت عاطاها بالظهر وهو مقابل معاها.. حاولت ما أمكن ماديرش الصوت حيتاش عارفة لشاافتها خديجة غاتشدهاا بالزز وتجلس معاها وهي ماقاداش تستحمل الوجع وطالعليها الدم ماراشقاليهاش نهائيا .. فاش كتجيها كتفضل تكمش وتجلس لوحدها...
ومع الكوزينة كبيرة بقات كتحط السلعة غا فواحد الجهة
هز ياسين راسو شاف سارة كدخل بالحس وكتحط فالكراطن.. ماحققش مزيان فوجهها . شاف غا المونطو ومع دايرة القب وهازة الكراطن بانتليه بحال شي دري ماتسوقش سحابليه شي خدام ..
بغا يصدر مرت عمو لي صدعاتو باسئلتها وشير لجهة سارة
ياسين: تكلمي لداك الدري
دارت لآلة خديجة تشوف شكون وهو يزرب ياسين مشى خرج من الباب لآخر للصالون
خديجة شافت سارة لي مااحملااتش ياسييين
سارة عزيزة عليها لآلة خديجة ولكن فهاد تلفترة مكتحمل دوي مع احد
بقات كتخنزر فياسين لي خااارج زربااان
لآلة خديجة: ويلي ابنتي سارة غا علميني نعااونك ولا نعيط الدراري يعاونوك
سارة سلمات عليها: ماعليش اخالتي
#اراءكن
من هنا للقداام غادي نبداااو فالمعقووول وقريب غاتعرفو كيفاش سارة ردات راسها دري...
وماتنساوش اراءكم تايهموني وتانقؤاهم وكنجاوب علييهم
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
