امرأة متنكرة في عالم الرجال 💙💪
الجزء 171
بقلم حنان زهراوي اريا ستارك
عند ياسين
خارج من مكتب العميد معصب.... مابغاش يعطيه اذن للخروج..
دخل نيشان لبيتو وردخ الباب بالجهد تاقفز ماسين من بلاصتو
ماسين شاف فيه: تاهرسوو نتاا احسن... كون غا بقيتيي كيكنتي وماتبدلتيش.. كنتي احسن فاش كنتي جماد
ياسين خنزر فيه وجلس بلاصتو تايفكر شنو يدير.. هز التيلي طل فيه يشوف واش جاوباتو.. مالقى والو
ماسين حل عينييه وناض جلس حدااه: اوااااه عندك تيليفون كيدرتيلها
ياسين بعدم صبر وقف ووقق معاه ماسين شدو ياسين من يدو وهو معصب... شافيه ماسين متعجب...
جرو تالباب.. دفعو لبرا وسد عليه
ماسين تايضرب فالباب : واحل اصاحبي بركة من التبرهييش حل
ياسين: سير حيبليك شي دورة تانسالي واحد لابيل
ماسين دار راسو مشى ورحع تكى على الباب تايتصنت عليه...
دوز ياسين الرقم واتصل بيه
عند سارة كانت راجعة مع منير يوصلها للسبيطار مور ماسالاو مراسيم الدفن وعزااتهم...
صوناليها التيلي وهزات الكيت حاوبات..
منير شافليها فالتيلي كانت شي نمرة مامسجلاهاش
سارة: الو شكون معايا
ياسين تايهضر ببروود ولكن داخلو إعصار يخرج يهدم ديك الأكاديمية : فين مشيتي مع داك خونا...
سارة : شتك بحالا ضسرتي شوية لاا.. شكون نتا باش تقولي فين مشيتي
ياسين زير على يدوو وسنانوو : را قلتليك براا خطر عليك... والمدرسة هي البلاصة الوحيدة لي مأمنة... قوليلي فين راك دابا نسيفطليك الرجال
سارة: ماشي شغلك.. ماتدخلش فحياتي.. كيما تانتا ماكتبغيش لي يتدخليك فحياتك وسااد علييك ..
ياسين بالغواات صافي خرجاتو على طوعوو : سااااارة ماشي وقت الضد هاداا دة... براا را خطر علييك.. هادوك الناس ماكنتييقش فيهمم.. قوليلي فين راك؟؟؟
سارة ببرود: ماغانقولكش. وبركة ماتدخل فحيااتي...
قطعاات عليه بالكيت وهي معصبة
منير شاف فيها تردد يهضر
سارة : غي قول شنو بغيتي تقول
منير: هاد السيد هو ديال ديك المرة ياك؟؟
سارة مركااات فاش تفكرات بلي شافهم نهار اول بوسة قالت بالشوية : اه
منير: كتبغييه؟؟
سارة صدمهاا سؤالو يالاه بغات تجاوب قاطعها
منير: ماتكدبييش... تايلا كنتي غا تكذبي عليا ماتكدبيش على راسك حيت كولشي باين
سارة حدرات راسها وبلعات ريقها... قلبها تايضرب بالجهد
منير: علاش مابغيتيش تقوليليه فين راك. خفتيه يتقلق لاعرفك معايا
سارة بنفي: لا لااا لاااا... ماشي داكشي
منير: ومالك!! ؟ شنو المشكل.. تقدري تعاوديلي ربما نعاونك راك ختيي غي رتاحي
سارة شافت فيه: ماعرفتش شغانقولك.. هو فشكل كل مرة بوجه جديد. شي مراات بااارد ومامسوقش.... شي مراات الشر المطلق تشوفو تقول ولد ابليس.... وبعد المراات القليييلة والنادرة تايكون حنيين لدرجة انو كاينسيك فالاوجه لاخرى ديالو.. . تايبعد كااع الناس علييه وماتايحمل تاشي حد يقرب لييه او يحادييه... تايخبي كولشي فقلبو وساد علييه.... كاع الناس لي تايبغيوه وقراب لييه تايرتاح فانو يبعدهم علييه ويعدبهم... ماعرفتش شنو عاش فصغروو...تاولا هاكا وحتى هو ماتايقوليش... (سهات للحظة وبحالا عاد اكتشفات شي حاجة) ماكنعرف عليه والو؟ هادشي لي قلتليك غا ملاحظاتي... اما هو ماكنعرف عليه تاحاجة شنو تايبغي شنو كايعجبو من غير راسو و شنو كايكره؟ شي حاجة اخرى من غير الناس طبعا.. ماكنعرف علييه تاحاجة
ردات البال لواسها بلي طولات وقالت: احم . مهم هو انسان اناني تايبغي غي راسو وبارد..وماتااتهمو تاحاجة اخرى
منير شافيها كيكتهضر عليه والطريقة باش كتوصف شخصيتو ... حس بخاطرو ضرو ولكن مابينش.... تنهد وقال: نهار شفتو ماكانش باين فيه هادشي كامل.. بالعكس تايبان عاادي.. وكاع ضارب معايا على قبلك.. . من خلال معرفتي كنظن باش شخص بحال هادا ماكايتسوق لحد وتايهمو غي راسو باش يدافع عليك ويضارب على قبلك فراك غاتكوني شخص مهم ف حياتو
سارة تفكراات كاع الاحدااث كيكان خايف عليها وفاش وقف معاهاا وعنقهاا.. كيفاش كان خايف عليها نهار تيرات فلويس....
منير حط يدو على يدها : سارة... لي نقوليك نتي انساانة لي عانات بزااف فحيااتها... يلا كان هاد السيد غايفرحك و يعوض ليك داكشي لي فاات غي زعمي نتي وبادري تقربي منو وعاونيه عرفي شنو المشكل لي عندو وعاونيه باش يتجاوزو... انا متأكد تقدري ديريها... نتي انسانة ذكيك وكتعرفي كيفاش تعاملي.. ويلا كان غي غايزيد يآذيك ويضرك بعدي منوو احسن
سارة ابتسمت لييه:شكراا منمن
منير ضحك: واش مابغيتيش تنساي علييك هاد السمية خلاااص 😂
سارة ضحكاات عليه: غانبقى نقولهالييك تاتشرف ولا نشرف انا ويجيني الزهايمر😂😂😂
نرجعو لياسين 🙄
#يتبع ولا مايتبعش صافي نعستو؟؟؟
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
