امراة متنكرة في عالم الرجال 💪
الجزء 67
بقلم: حنان زهراوي / اريا ستارك
خرجات من عندهم وهي مخنزرة... شوف كيفاش مجمع مع ايمان وتايلعب معاها.. باينة عزاز علييه البنات وتايتعامل معاهم مزياان..
دخلات لبيت فيها موت ديال نعاس ولكن الجوع كتر حيدات تيشورت لقاتو سارد بالعرق دخلات ديريكت للحمام تخشات تحت الدوش كتحس بسخونية على عضامها كتريحها... خاصها عطلة ترجع فيها لياقة لبدنية ديالها جسمها كوجعها بحال كانت كتهز فلحجر، ولكن مغتستسلمش حتى تخرج من هنا بديبلوم لي غايضمن ليها مستقبلها...
سلات دوش وخرجات شافت فالأرض ديال حمام كاين غير سروالها أما لفوق حيداتو برا ونسات مدخلاتش حوايجها معاها...حلات باب لحمام بشوية طلات بان ليها مكاين تاحد وهي تخرج بزربة مشات ديريكت لحوايجها لي مطوين فوق سريرها هزات فاصمة لي كطوي على صدرها وحيدات لفوطة لواتها على خصرها وياله غاتبدا تلوي فيها حتى دخل ماسين ضارت بلعرض البطيئ وهي داير ايدها على صدرها وجاب الله عاطياه بضهرها جنب .
ماسين داخل ضاحك وكيشوف فصينية لي هاز: سمير أجي راه خونت ليهم ماكلة ديال ربعة دالناس ههه
سارة هبطات عينيها كتشوف فراسها ملوية غير فلفوطة من خصرها لحد ركبتها بصدمة صوتها مبغاش يخرج...
ماسين هز راسو بالعرض لبطيئ شاف فيها وعينيه طلعوها وهبطوها سرط ريقو وعينيه خارجين كيشوف فضهرها لي كيبان بيض ورطب غير من شوفة ولكن دغيا دار عطاها بضهرو.
ماسين كتمتم: احم أنخرج حتى تلبسي ونرجع..
سارة مفهمت والو بقات حالة فمها وبزز أخيرا نطقات:ك كنتي عاااارف؟؟!
ماسين عاطيها بضهر: احم اه عارف
سارة نسات راسها عريانة من إمتى؟؟
ماسين: ماشي بزاف
سارة بصوتها الأنثوي: فااااك
ماسين سمع صوتها ودار شاف فيها بلامايشعر.
سارة: وازبل دور حتى نلبس
ماسين طلعات معاه السخونية: احم سمحي ليا صوتك لي فاجئني
سارة بصوت سمير: عمرك دوي معايا بلا بنت واخا نكونو بوحدنا، وعمرك تقول هادشي لي عرفتي لشي حد سيرتو ياسين
ماسين: واش انا دري صغير؟ ياسين إلا عرف غدا تكون فراس لعميد راه باغي لينا غير سبة
ماسين سمع باب لحمام تخبط دار بشوية لقاها ماكيناش حط صينية دغيا فوق طابلة وبدا كاينش بيديه على راسو وخاصة وجهو لي ولا حمر بالسخونية...
ماسين: كاين صهد هنا دنيا مزموتة واقلة اووووف
حط لماكلة فوق طبلة وقادها ليها وحط فورشيط ومعلقة حداها وهو دماغو كلو غير معاها، كتعاود قدام عينيه اللحظة لي شافها فيها... كان
شعرها باقي شوية سارد ومخربق كيبان بحال ديال بنت غي هو قصيير... وايديها لي مغطية قنت من صدرها لي كيبان حيت واقفة جنب.
ماسين شاف فحجرو: راااايح لرض ماتشوهنااااش
برك فطابلة وهز مخدة دارها فوق حجرو وبقا كيتسناها خرجات بحال سمير لي كيعرف نيت بتاسم ليها وشاف تزنيكة لي طلعاتها زاد بتاسم.
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
