امراة متنكرة في عالم الرجال 💪
الجزء 72
بقلم:حنان زهراوي /اريا ستارك
لعميد باقي مخنزر مشا عند سمير: حنا أولدي هنا ماشي فحبس لوقعات شي حاجة خارج عن طاعتكم فراه صحتكم هي اللولة ولكن فالتدريبات واخا تموتو منحنوش فيكم....هادي أخر مرة تخبيو عليا شي حاجة واخا تكون أتفه حاجة نعرفها انا اللول مفهوم.
سمير واقف مقاد وقال بصوت حاد: واخا شااف
ياسين: ماشي لافوت ديالو كان غير متبع تعليمات ديالي
لعميد: عارفك نتا المسؤول ولكن من ليوم مهامك غاياخدهم سمير وتفاهم مع ماسين يقسموهم
ياسين صدق بارك فسرير وعينيه كلهم غضب: ولكن اسيدي..
لعميد هز يدو بمعنى حبس كلامك: ماكين لا ولكن لا والو...نتا اصلا معفي سيمانة غاتخرج من هنا خوك كيتسناك برا.
ياسين بكل برود رجع تكى: خويا برا قلتي؟؟ قوليه غير يرجع فحالو انا مغاديش
لعميد زاد جوج خطوات وعكازو كيتسمع مع الأرض: واقلة مفهمتينيش؟ هادا أمر ماشي طلب من هنا لسيمانة غاترجع وعول على راسك غاترجع ديريكت لتدريبات.
إيمان: ولكن خاصو وقت كتر باش ..
لعميد شاف فيها وهي تسكت: كان غاياخد وقتو كون معارضش كلامي دابا
سمير: احم انا نمشي نجمع ليه حوايجو
ياسين خنزر فسمير: مامحتاج والو
لعميد: مزيان من هنا لخمسطاش دقيقة تكون قدام لباب
لعميد دار شاف فسمير: خرج معاه نتا حتى يوصل
لعميد خرج وإيمان شافت فيهم وهي مبتاسمة: الله غادرقو عليا كمامركم الله على راحة
ياسين باقي مخنزر: اش وقع كيفاش عرفني هنا
إيمان: لقيتو قالب علك دنيا كان كيصحابليه خرجتي من الأكادمية
سمير: وتلاقيتي بيه ومعلمتيناش؟؟
إيمان بابتسامة: هي عندكم تيليفونات وانا مفراسيش؟؟ اه بقات ليكم طناش دقيقة كضيعو فلوقت، ياسين حيت موعت غاتاخدو عشرة دقايق غير مشي باش ياله توصلو..
ياسين: فاااااااك
سمير قرب ليه وياله غايحط يدو على دراعو باش يسندو: انا نعاونك
ياسين شاف فيه شوفة ديال لقتيلة: تقيسني نعطبك (شاف فيد سمير) وعمرك تخدم بديك ليد
سمير هز حاجبو وشاف فيه: تايق فراسك بزااف
ياسين: عارف أشنو كنقول بغيتي دليل
سمير هز صبع واحد: بهاد صبع فوق ديك جرحة طيح لرض...متأكد باغي تلعب معايا هاد لعبة ديال راك صحيح غير غاتندم
إيمان: دراري تكالماو ماشي وقت هاد شي (شافت فسارة وغمزاتها وهضرات بشوية) متخافيش من بعد لعداوة محبة ههه
سارة خنزرات فيها ورجعات عينيها على ياسين لي مضارب مع راسو باش يوقف شافت إيمان حطات يدها تحت دراعو عوناتو يوقف وتعصبات علاش زعمة مبغاهاش تقيسو وإيمان عادي...
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
