امرأة متنكرة في عالم الرجال 💪
الجزء 124
بقلم: حنان زهراوي/ اريا ستارك
فلاكاب سارة اضطرات تطلع ساعة ديال وقت وترجع ولكن دغيا قضات شغلها وهابطة لتم ملي سمعاتهم كيدويو وقفات فطريقها وبقات كتسنى...
رميساء: علاش؟؟ غير شرح ليا؟
ياسين بكل برود: حيت بغيت
رميساء: ياسين انا لي كنت ديما كنفهمك معمرك تلقى وحدة تقبل بداك لجانب ديالك لمضلم عمر شي وحدة تبقا مع واحد معندوش احاسيس
ياسين كيحط فكراطن وكيكتب اسم كل حاجة على كارطونة.
ياسين: ومن بعد
سارة بتاسمات من أجوبتة ديالو لقصيرة طلات عليهم بانت ليها رميساء بركات حدا فين كان محني كيحط كراطن: شوف من صغرنا وانا لي كنت كنشاركك فلخطط ديالي باش نتاقم ولا نضحك على شي حد ونتا كنتي كتلذذ بألامهم ودموعم، تاحاجة خرا عندي مكتعني ليا شي حاجة من غير نشوف عينيك كيبريو ملي كنديرو لشي حد شي حاجة بحال هاكة... شحال من أستاذ خرجنا على حياتو شحال من بنت وضرناها ولا لعبنا ليها بعقلها شحال من ولد نتا هرستيهم ولا درتي ليهم عاهة مستديمة....ولكن انا شخص لوحيد لي كان ديما معاك وكان كيشهد بلا راك كنتي معايا وماحضرتي لوالو... انا بلا بيا مغاتلقا تاواحد بحالي
ياسين: هداك هو بلان
رميساء وقفات وعقدت حجبانها: كيفاش؟؟
ياسين: مابغيتش شي واحد فحالك بغيت حسن منك!
رميساء بكل اعصاب جات ووركات بصبعها على صدرو كتحاول دفعو ولكن هو مامحركش كيشوف فصبعها بلامبالات.
رميساء: نتا غير واحد شرير شكون غاتبغيك كتصحاب راسك فشي فيلم ميكسيكي ولا شنو؟؟ (كتدفع بصبعها) نتا وحش (كتدفع مرة خرا) نتا مريض (كتدفع عوتاني) نتا حيوان
ياسين كان كيحاول يتمالك اعصابو ولكن باخر كلمة ترددات فودنو ولكن بصوت انسانة اخرى ضلماتو فصغرو وعقدات حياتو، عرف راسو فقد سيطرة على أعصابو يدو ولات قبضة وعنقو كلو عروق ولكن وجهو بارد بلا تاشي ملامح غضب ولا أعصاب.
ياسين كارز على سنانو : بعدي مني حسن لك
سارة سمعات نبرة صوتو عرفات لقضية مكتبشرش بلخير بغات تدخل ولكن قررات تبقا مقابلاهم باش تعرف نوع لعلاقة لي بيناتهم.
رميساء: اش غادير ها؟؟ غاتنتاقم؟ ولا غاتقتلني بحال...
ياسين فديك اللحضة ماوعاش براسو بلي شد صبع رميساء لي كانت كدفعو بيه ورجعو لور حتى غوتات وطاحت لرض كتبكي وتغوت سارة مصدومة من منضر شافت فياسين كيشوف فرميساء بكل برود.
ياسين: مكتسمعيش بففف
سارة دخلات تجري: اش وقع هنا اش هادشي
ياسين ياله غايجاوب قاطعاتو رميساء كتبكي: طحت عوجة على صبعي
سارة شافت فياسين لي بدورو هز كتافو بلامبالات ومشى حدا صنادق يكمل خدمتو، شدات سارة صبع رميساء وبلخف رجعاتو لبلاصتو حتى غوتات: باراكة من لغوت تقبتي ليا طبلة ديال ودن، طلعي عند أستاذة إيمان تعطيك مسكن راك معفية ليوم مم كلشي ولكن غدا غاتصبحي بيخير غانكملو تداريب بحال ديما (بتاسمات ليها بشر)وبطبيعة لحال لعقاب ديالك مغانساوهش
رميساء طلعات تجري ياسين وقف لحركة وشاف فيها: كنتي تقدري تحبسي هادشي كون دخلتي عوض ماتبقاي تفرجي فينا فلكلوار
سارة صدمها حيت عرفها كانت واقفة ولكن مبيناتش ربعات يديها: عندك لحاسة سادسة؟؟
ياسين: عندي حاسة شم قوية
سارة معرفات متقول اشمن ريحة شم وشمها عن بعد حاولات ماتبينش: إدن علاش هرستي ليها صبعها
ياسين: قاستني بيه
سارة قربات ليه ودفعاتو بصبعها على صدرو كيما دارت رميساء وفعلا تدفع طلع حاجبو وبتاسم نص ابتسامة خلاها مامتيقاش *هادا من إمتى ولا كيبتاسم*.
ياسين: لكنتي باغة غير تقيسيني غير علميني وندير معاك شي حل
غمزها وفاتها غايهز كرطونة ضرباتها سارة برجلها لاحتها من بين يديه: ملي نكون نهضر معاك غاتبقا واقف امي تانكمل.
ياسين بخطوات سريعة جا وقف قدام وجهها حادر عينو فيها طول منها وخيالو غطا أي ضو: دابة ساليتي لهضرة ولا مزال
ياله غاتجاوبو تسمع صوت فلأنترفون ديال أكادمية طان لعميد كيعيط لسارة تجي لبيرو ديالو دابة.
رجعات بلور كتهرب مم نضرات ياسين لي بحال كيدرسوها دارت وتمات خارجة وقفات قدام لباب: غدا فنفس لوقت نلقاك هنا كاسناني.
ياسين بتاسم جنب ولطن مجوبهاش بقا مقابلها حتى مبقاتش كتبان وبرك لرض شد فصدرو وتنهد هز راسو فصقف وخنزر: كنحاول ولكن ظيما كاين لي كيستفزني.....رميساء جبدتيني وغاندمك
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
