امرأة متنكرة في عالم الرجال 🤠مكتملة🤠

الجزء 42 🤠

امراة متنكرة في عالم الرجال 💪

الجزء 42

بقلم حنان زهراوي أريا ستارك

ماسين بقا كيشوف فيه.... كلامو فيه حزن مع حقد معرفش علاش حس بيه بحالا كدب،
بعيد منهم واقف شخص مربع يديه متكي على لحيط وحاضيهم.

سمير وقف وماطة يدو لماسين: نوض نوض نديرو شوية دالتسخينات ونبداو بكارديو ولا شي حاجة

ماسين شاف فيدو ورجع شاف فيه مبتاسم

ماطة ليه يدو وهو مبتاسم:أوكي سير عالله كوتش

سمير: ههه انا غير بارتنر(شريك) فتدريب
ماسين كيحس بيدين سمير رطبين مبغاش يطلق منو حتى حنحن سمير وهو يطلق منو: احم باش نبداو

سارة حسات بقلبها بدا كضرب بسرعة ملي بقا شاد ماسين فيدها حركات راسها بحال كتسوس هاد الأفكار من راسها (سارة فيقي راه عند بالو كيهضر مع عشيرو ركزي فعلاش دخلتي لهنا): اوكي نبداو بكري باش نسخن عارفك نتا كنتي كتجري لابغيتي بدا بتسخينات وستريتش(تجباد)

ماسين كيحك فشعرو كيحاول مايشوفش فسمير معندو باش يفسر علاش بقا شاد فيه: انجري معاك شوية عاد نبدا فتسخينات..

ياسين متكي على لحيط وكيشوف فيهم وحجبانو مقرونين ضرب حجرة فلأرض بجهد ورجع لبيتو دخل كيشوف فين كينعس سمير وتفكر ايديهم فيدين بعضياتهم

ناض سورت لباب ورجع هز صاك ديال سمير حلو وخواه كلو فالأرض كيقلب فحوايجو كيلقا رولووات ديال فاصمة مفهمتش لاش كيحتاجهم زعمة واش ديما كيتوعت ولا شنو...

معارفش بلا سارة كتحتاجهم باش تلويهم على صدرها بديك طريقة كتخلي صدرها مايبانش وعاد كتزيد عليه لحوايج واسعين...مالقا تاحاجة كتير شك جمع كلشي رجعهم لصاكها وهو يسمع دقان دغيا رجع الصاك لبلاصتو وحل لباب..

ماسين: علاش ساد لباب؟

ياسين ببرود: هكاك

سمير داز وخلاهم واقفين هز فوطة صغيرة وشاف فماسين: ياله اصحبي التدريب قرب يبدا

ياسين تبعهم تاهو كل مرة كيدورو يشوفو فيه علاش زعمة غادي معاهم هو موالف يتلاقاهم تم ياله دارو من ورا كولوار جا كمال وقف قدام ياسين..

كمال: ياسين كنت كنصحابك بعقلك وباغي داك رويجل يخرج من أكاديمية ساعة داك بلان كان كلو خطة من عندك

ماسين تحرك ووقف حدا ياسين: اشمن بلان؟؟

ياسين كارز على سنانو: ماشغلكش؟؟ (شاف فكمال) ونتا كنضن تاحد ماغصبك على شي حاجة

كمال معصب: قولبتيني وكتخرج فعينيك

#يتبع