امرأة متنكرة في عالم الرجال 🤠مكتملة🤠

الجزء 184 🤠

امرأة متنكرة في عالم الرجال 💙💪

الجزء 184

بقلم حنان زهراوي /آريا ستارك

ياسين:صوكي نتيي
سارة: راا ماعنديش بيرميي....
ياسين  دار شاف فيها: كتعرفي ديماري
سارة كتشوف فلومبرياج و بواط فيتيس: يمكن.. كنشوفهم كيتايديرو..
ياسين يالاه ديماري..
سارة بدات تخربق وديمارات الطوموبيل طلعات الفران امان وهي ترجع بيها الطوموبيل اللور حيتاش ماوركاتش  علي الكسيراتور... غاديية فاتجااه الباب لجهة الرجال... ياسين تابعها تايضرب فالطوموبيل.. كسيريي كسييريي كسيريي
سارة دخلات فواحد من الرجال ولاخريين هربوو.. عاد كسيرات..
ياسين طلع بالخف فالجهة لاخرى
ياسين حط يدو على البواط فيتيس دوز دوزيام: يالاه كسيري داباا كترر.
سارة كسيراات بالجهد 
تافاتو الفيلا
ياسين تايغوت عليها:فراانيي فرااانيي فرااانيي غادخليي فالشجرة فرااني.. وركي على الفراان..

سارة عصبها تايغوت عليهااا وركات عل الفران وهي توقف بيهم الطوموبيل
سارة: واااغيي بالشوية ماالك كتغوت..
ياسين شافها تنيرفات جرها لعندو باسها دغيا ونزل..
حل ليها الباب والسيدة تبنجاتليه تماك..
ياسين قرب ليها: غاتبقاي جالسة تما؟..
سارة عاد ردات الباب وقفات شافت فيه لقاتو راسم ابتسامة خفيفة فوجهو وتايشووف فيها باعجاب..
حنات راسها ودارت للجهة لخرى ركبات..
ياسين ركب وكسيرا.. سايق بيد وشادليها يدها باليد لاخرى
ياسين: سي سميير مالك حشمان
سارة جاتها الضحكة وحبساتها بغات تجاوبو وماقدراتش فعلا حشمانة.. قبيلة كانت تبوس فيه غا حيتاش سحابليها غايموتو .. دابا نلفاات
ياسين كايتلف الموضوع باش مايزيدش يحشمها ولكن مزير ليها على يدها فنفس الوقت
ياسين: فنظرك علاش هادو خطفونا... جاتني شي حاجة ماشي تالهيه..
سارة: تاناا.. كمال واخا فييه الفعايل ولكن مانظنش يوصل تال هاد الدرجة... وحتي القضية دالحريق راه كان لي معاونو ووباه لي كان مسيفطو..
ياسين : عاوديلي التفاصيل علي الحريق
سارة بقات تعاودلييه شنو وقع وشنو سمعاات وكيفاش تاشدو كمال وطفاو الحريق...وداكشي لي عاودليها العميد واخا ماقالش كولشي قال غي شي اعداء.. وسارة كانت سمعات كمال فاش هضر فالتيلي وقال بابا.. ونهار المعلم هضر مع العميد قدامها وقنغو باش سارة تبقى فالاكاديمية كمدربة ويدخلو البنات
لاقات بين الخيوط فراسها وقالت داكشي كامل لياسين
ياسين عقد حجبانو وزير ليها على يدها: ونتيي غاادية تابعااهم 3 دالرجال قداش. واش ماتخافيش...
سارة شافت فيه: كيفاش تلاتة دالرجال علااه نسيتي شحال من مرة عطيتك قتلة دالعصا...
ياسين تفكر اول مرة شافها فيها فالاكاديمية :اول مرة دخلتي شكييت فييك ماشي تالهيه..
سارة شافت فيه بنص عين وهي مبتسمة: تانتا شكيت فيك ماشي تالهيه 😁... عقلتي نهار درتي الزيت فيد المقلة وحرقاتني.. ونهار ضربتي السلووم وجيت طايحة..
ياسين تفكر هادشي وماعجبوش الحال شاف فيها: ونتي تعقلي نهار كنت مضارب مع ماسين وضربتيني لكرشي زويتيني؟ وجوج مرات ماشي غا مرة وحذة.. (خسر ملاميحو وعقد حجبانو) كنتي كدافعي عليه بزاف علاش؟؟؟
سارة عرفاتو غار: مانقدرش نقولك..

ياسين زاد زيرليها على يديها تاتقسحات: اااي ايي.. حيتاش كان ماقاد علي والو مسكين وعاد معضوض فيذو و مضروب فيها
ياسين رخى منها وتفكر : ونتي عارفة علاش يدو هاكاك؟؟ ؟؟

سارة : ماعمرو قالي شي حاجة ولكن غالبا عندك علاقة بهادشي حيتاش فوقت ما كنسولو ماتايجاوبنيش وتايشعل معاك من بعد

ياسين تنهد: كان عيط لي نمشي عندو للدار دخلني لواحد البيت وسد عليا... فاش درت لقيت ديك المراة تماك.. وهو مابغاش يحلي.. كنت شوية ماغانقتلها
سارة حطات يدها لاخرى فوق يدو

ياسين : فراسك كان ماسين تايضرب البيانو مزياان وكان تايشارك فمسابقات وتايربحهم.. وحلمو انو يولي احسن موسيقي..

ياسين تنهد  تايشوف فالطريق وتايهضر: الغد ليه هضرت مع شي دراري تعرضوليه وضربوه.. واحد بالغلط ضربو ليدو (تردد شاف فملامح سارة.. ماتغيروش ابدا وتشجع انو يكمل) ومن تماك ماتايقدرش يلعب البيانوو.. وتاهو حقد عليا

سارة: ماعمر ماسين حقد عليك... بالعكس..

ياسين شاف فيها ودغيا دار يشوف فالطريق لي ساعدو انو ياخد راحتو فالصوكان هو الطريق لي خاوية... (راكم عارفين علاش😌)

ياسين : شفتك مادرتي تا شي ردة فعل على هادشي لي درت لماسين

سارة: ولفتك بالشر ديالك ماصدمتينيش...(ياسين هز حاجب وشاف فيها)
  سارة ابتسمات ليه: واصلا داكشي فاات  ودابا كنشوف ماسين فرحان وعايش حياتو وتجاوز داكشي باغي غي صاحبو يرجع ليه...

ياسين ببرود: عزيز عليك ماسين ياك؟؟
سارة: اه عزيز عليا.. عاونني بزاف فديك الوقيتة... عادي يكون عزيز عليا..
ياسين غار :تانا راه عاونتك فداك التالي.. شحال من مرة ضربت كمال على قبلك
سارة: هاد الساعة عاقلة غا علي نهار عطيتيه الصاك ديالي 😒
ياسين زيرليها تاني علي يدها: كما قلتي داكشي فات..

بدا كمال تايهضر وتايغمغم وردو ليه البال دارت سارة شافت فيه.. بانليها باقي دايخ.. مرة مرة تايكح
شافت فياسين: خنقتو مسكيين.. مازال ماغايفيق داباا

ياسين: مافهمتش علاش خطفونا وخلاو 2 رجال تماك وهاد ميخي. وفين مشى باه

سارة حلاات عينيها تا الجدر بحالاا جاتها شي فكرة فرااسهااااا :زعما يكوون فخ؟؟؟؟

يتبع