امرأة متنكرة في عالم الرجال 🤠مكتملة🤠

الجزء 38 🤠

امراة متنكرة في عالم الرجال 💪

الحزء 38

بقلم حنان زهراوي /أريا ستارك

سمير ساط: بفف الواحد لي يخليه تما ويمشي

ياسين: شكون شادك؟؟ اصلا مامحتاجكمش باش نخرج غانسلك راسي

ياسين بقا كل مرة كيحاول وجميع لمحاولات تبوء بالفشل من بعد عشرة دقايق كيبان كلو محرود ايديه ورجليه ندم حتى قرر يلبس شورط هز راسو فسمير لي مقابلو وماسين : دراري ديو راية عل اقل

ماسين: ياله غانقوليهم راه تلاتة وصلو رايات

ماسين: سيرو اش كتسناو إلا بقينا حنا لخرين عوتاني غانخسرو

سمير: بلاتي بلاتي ماسين نتا طول مني كيبانو لك من هنا ياك

ماسين: وي كيبانو تلاتة الفرق علقو راياتهم

سمير: واش لفرق كاملين؟؟ زعمة بتلاتة لعناصر ديال كروب معاهم؟؟

ماسين تهز على صباع رجليها كيشوف : لا فلحقيقة تاوحدة من لفرق مامعاهم لعناصر كاملين..

ياسين كيشوف فسمير ومقوس عينيه: علاش كضيع فالوقت باش هاد الأسئلة؟

سمير خنزر فياسين: مكنضيعش لوقت إلا كنتو رضيتو لبال ملي كان الأستاذ كهضر قبل مانبداو وقال *متنساوش تشاورو وتقررو كفريق* باين هادا هو تيست يشوفوا واش غنسمحو فبعضياتنا غير باش نربحو

ماسين كيفكر: انا معقلتش نص لهضرة لي قال مسمعتهاش

ياسين: داك دماغ عندك صعيب يستوعب شي حاجة كتر من نيفو ديالو(ماسين خنزر فيه اما هو مامهتمش شاف فسمير كيفاش ركز فهادشي وعقل على كلام) لأول مرة غانتافق مع هاد خينا

سمير خنزر فيه ونفخ صدرو حط صبعو عليه: هاد خينا عندو سمية

ياسين: ماكهمش دابا خاصنا نتعاونو باش نطلع من هنا

سمير دار عند ماسين: لعشير تلاح لرض

ماسين رجع بلور: كيفاش؟ علاش زعمة؟؟

سمير شدو من دراعو: خاصنا نجبدو هاد بنادم من هاد لحفرة

ماسين: كون تسمعي مني ونلوحو فوقو لحجر وتراب، كلنا لها الله يرحم من زار وخفف يمشي يقابل الله بداك شر لي فيه

سمير حط يدو على نيفو بحال كيفكر: مممم فكرة

ياسين معصب من كلامهم كيهضرو عليه بحال ماكينش شاف فيهم لقاهم كيشوفو فبعضياتهم وتكرشخو بالضحك كرز على إيدو : مبغيتش نقطع عليكم هاد اللحضة الحميمية ولكن واش باغين توصلو ديك الراية ليوم ولا غدا؟؟

سمير مشافش فيه كاع هز عينو فماسين: شوف غادي تبرك قفازي فالأرض وتشد رجليا مزيااان وانا غاندلا نشد فياسين نعاونوه يطلع..

ماسين برك وماطا يديه: ياله مشات

سارة تكات على كرشها وماسين شد رجليها تخشات فلحفرة حتى شدات إيدين ياسين لي ماطاهوم ليها وكالا برجليه كيعاون يطلعو من لحفرة..

ياسين: ماسين جرنا

ماسين مزير وكيحاول يجر بكل طاقتو

#يتبع