امرأة متنكرة في عالم الرجال 🤠مكتملة🤠

الجزء 126 🤠

امرأة متنكرة في عالم الرجال 💪

الجزء 126

بقلم: حنان زهراوي/ اريا ستارك

خرجات من عند لعميد ديريكت لفين كياكلو لمدربين ولأساتدة دخلات خدات ماكلة ومشات بركات، ناضت إيمان من بلاصة لي كانت باركة فيها ومشات عندها وقفات قدامها مهزاتش الراس..
إيمان: سوسو لمتوحش مالك؟؟
سارة خنزرات: مامسالياش للضحكك لباسل
إيمان غوبشات: مالكي اش وقع؟؟
سارة تنهدات: مسالية ليوم بليل ؟؟
إيمان قربات ليها: واخة ملي كتلبسي بجال دراري كتولي متوتزة ولكن معنديش مع لبنات عزيز عليا عود لقصب هههههههه
سارة بتاسمات عرفات إيمان غير كتحاول تفوج عليها وضحكها: كنتي باغة تعرفي قصتي اش بان لك ليوم تباتي عندي
سارة: انا بنت دارنا مكنباتش عند من والا هههه مع ديك عشرة ليل تلقايني عندك غانمشي دابة عاندي شي شغل نقضيه مع ماسين تلقاي كيتسناني فلانفيرمري.
مشات إيمان وسارة ناضت مقدراتش حتى تاكل سيرة ديال باها ولا ملي كتفكرو طتعصب وكتخربق مزاجها، دازت من كولوار لي كيدي ل buvette عقلها مشطون حتى هزات راسها لقات ماسين قدامها رجعات بزربة لقنت منين دارت وقفات كطل عليه شافتو مجموعين عليه زوج بنات ورميساء لي كتوريه صبعها وهو كيضحك معاهم ولكن كل مرة كيرجع بلور ضحكها بتاسمات ولكن سرعان مجمعاتها ملي شافت وحدة من دوك لبنات لوات يدها على ماسين وكتعلق فيه، سارة خنزرات فليد لي ملوية على ماسين وبقات كتشوف فيهم كيدويو مرضاتش لبال للشخص لاخر لي مقابلها وشافها ملي خنزرات وحتى هو خنزر، ماشي لنفس أسبابها ولكن لأسباب ديالو بوحدو...لاحض كيفاش بظات كتقرب منهم وهي عاطياهم بضهر ولكن عقلها معاهم وباغة تعرف اش كيقولو ولكن معجبوش كيفاش مهتمة وكيفاش كعات ملي لبنت شظات فماسين.
ياسين وقف حداها وهو كبقول لراسو انا غير عاجبني نمرضها ونعصبها ونعرف أسرارها باش نشدهم ضدها ماهامانيش اه مهامانيش تكون تبغيه ولا لا شغلهم هداك..
ياسين وقق قريب ليها وهي ملاحضاتش كيهضر مع راسو (كيفاش ريحتها بحال لمخدة واش كدير نفس ريحة)
ياسين: اشمن ريحة كديري
سارة قفزات: فااااك منين خرجتي
ياسين ضار موراه: من داك لباب!!
سارة عقدات حجبانها: اشنو ريحة ولا مانعرف اش قلتي
ياسين: كديري ريحة؟؟
سارة باستغراب: اه
ياسين: مبايناش علك
سارة خرجات عينيها وشمات راسها ملقات والو خنزرات عرفاتو غير كيستفزها ولكن خاد ياسين لي كيدوي بزاف وكيستفزها ماشي ياسين لي كتعرف: اش بغيتي؟؟ مالك وليتي كدوي بزاف كتر من عادتك
ياسين تقاد فلوقفة وحط يدو فجيبو: ولعادة ديالي نتي عارفاها؟؟
سارة بكل تقة كتحاول ماتبينش: كنضن مكاينش شي واحد هنا كيبقا فهاد لمدرسة غير حيت بغا ومايمكنش نعرفو عليه كلشي بحال لحوايج لي كدير غير عاديين بحال عمرك كان عندك صحاب عمرك بركتي مع دراري فوقيتة ماكلة
ياسين: ولكن انا خاد لعام كان عندي صاحب
سارة رفعات حاجبها: ماسين ولا صاحبك؟!!
ياسين دار شاف فماسين: مهضرتش على ماسين ماشي انا لي واقف هنا مقابلو اش كيدير
سارة ارتابكات: انا مكنتش مقابلاه
ياسين: تانا مقلتش نتي لي مقابلاه
سارة: احم شكون هاد صاحب لي درتي هاد لعام
ياسين شاف ليها فعينيها: سميتو سمير ماكتعرفوش حيت تخرج
سارة طلقات ضحكة بلا متحس حتى نتابه ليها ماسين واخة عاطياه بضهر توترات وبقا كيشوف فيهم..
ياسين بتاسم نص: قلت نكتة؟!
سارة كتشوف فيه وفخاطرها كتقول ماحشمتيش اولد لعبد وليت صاحبك دابة: لا احم تفكرت واحد لحاجة لي ضحكاتني.
ياسين قرب ليها كتر وهي رجعات بخطوة لور: مخبية شي حاجة نتي عندي احساس وأحاسيسي مكيخيبوش.
بقا كيشوف ليها فعينيها وهي كتوتر وكترجع بلور وهو كيقرب مزال بقا كيشوف حتى قال :سمير؟؟
سارة توترات بزاف معرغت مادير : ها مال سمير اه؟ اشنو؟ علاش كتقرب ليا بحال هاكة حتارم راسك ورجع بلاصتك ولتازم حدودك...
ياسين: غير بشوية علك يطرطق فك شي عرق... قلت لك سمير صاحبي كيشبه لك بزاف
سارة باستهزاء: كنشبه لدري هههه معرفتش شرف واش ليا ولا ليه...
ياسين: هو ماشي بزاف شحال من حاجة مغايرة بيناتكم
سارة باهتمام: بحالاش زعمة؟؟
ياسين: بغيتي تعرفي؟
سارة: ولاش كنسول لمكنتش باغة نعرف
ياسين هز حاجبو: تانا باغي نعرف شحال من حاجة ولكن ماشي ديما كنلقاو دمشي لي بغينا نعرفو
زاد ياسين وخلاها مسمرة فبلاصتها...