امرأة متنكرة في عالم الرجال 🤠مكتملة🤠

الجزء 108 🤠

إمرأة متنكرة في عالم الرجال 💪

الجزء 108

بقلم: حنان الزهراوي/اريا ستارك

رميساء باقة غير كضحك حسات بشعرها تجر من موراها غوتات بأعلى صوتها وضارت لقات ليلى كتنتف فيها.
ليلى: دفعتي صحبتي باغة تحكريها ليوم نقرع لحبيبة
رميساء تلاحت عليها لراسها تاهي كتنتف وكيتغاوتو يتعايرو..
رميساء: ياسين ديالي ولي غاتجي حداه غانحر مها
دري 1: نايضة نايضة ادراري اجي نتفرجو
دري 2: حلم حياتي نشوف بنات كيضاربو كتجيني سيكسي بزاااف
دري1: نتا راك مكبوت ولكن هاد لمنضر زوين ههههههه
كيشوف فلبنات كل وحدة متكية على لوخرا كينتفو ولكن مكوزين للدراري لي نصهم حال فمهم فيهم ماسين جا يجري وقف حظا ياسين.
ماسين: واه مضاربة من نهار لول لحيااااة
ياسين شاف فيه وضرب ضورة وبكل برودة قاليه: سير فك ختك الحيوان.
ماسين هز راسو بانت ليه رميساء وهو يغمض عينيه: فاك فاك فااااااك.

كانو جالسين تاياكلو شوية تاسمعو الصداع والغوات
ايمان: شهادشي ؟ شهاد الصداع
سارة : انا مارتاحيتش لفكرة انهم يخلطو البنات مع الدراري تافالماكلة
ايمان جرتها : يالاه سربي را بانلي نايضة الروينة نييت
حبساتها سارة: واش نسيتي بلي انا كنت دري ودابا وليت بنت شغايقولو الدراري عليا لاشافوني ولا نبقى كل مرة نفكرك
ايمان: شفتيي لي ماكانش عارف بلي سمير را بنت وداير راسها دري والله لا قلع بلي هو نتيي غي زيديي را ماغايعرفوكش واصلا هادي هي خدمتك انك تراقبي البنات تدربيهم و تعاقبيهم
ناضت سارة معاها :بفف يالاه نفكو هاد الحريرة
مع دخلو للريفيكطوار بانوليهم الدراري تايغوتو وتايشجعو البنت لي غاتغلب والرويينة نايضة والسيكيريطي تايحاول يفك
ياسين ناض خرج وداز من مورا سارة بلا مايرديلها البال والا تردليه البال ومامسوقش.....
سارة شافت ماسين دخل بيناتهم وهز واحد البنت لي مشعككة مابانتليهاش مزيان فوجهها ولكن من غواتها باينة فيها مسعوورة
رميساء :ياااسييين دياليي ابنت ال*حبة دياللييييي بربيي وتعاود تشوففيه شي خرييية تانقتلهااااا ااعععععع طلقنييييي
.. هزها فوق كتفو وهرب بيهاا

مابغاتش تبعو باش مايعرفهاش خدامة هنا مازال مابغات تواجهو...
مشات عند البنات لاخرين سارة كتشوف فيهم وهي مخنزرة. غي وقفات حداهم صقلو.. تايخافو منها كيف لا وهي  دكات 3 الدراري قدامهم
سارة بحزم وكتغوت: انتباااااه..
البنات قادو الوقفة.
سارة: ليلى مريم و زينب نتوما ب3 معاقباات
زينب جاتها البكية حيتاش مادارت والو واخا هاكاك سكتات
ليلي ومريم تايشوفو فبعضياتهم ومانادماتش وماتسوقوش اصلا سحابليهم شي عقاب عادي
كملات سارة: من هنا للقدام غادي تكلفوو بغسيل الماعن و تصبين الحوايج وعاد تغسلو الطواليطات كل صباح مع 6 انا انبقى نفيقكم
وحتى البنت لاخرى معاكم.. لمدة 2 سيمانات.. تزيدو ديرو شي تصرف بحالا هادا غادي نضوبليكم المدة ونزيدليكم فالعقاب
ليلي ومريم عاد طلعات معاهم وغرغرو عينيهم
سارة : تبعونيي
تبعوها وهما تاينتخسسو ب 3 والبنات والدراري لاخرين تايضحكو عليهم...