امراة متنكرة في عالم الرجال 💪
الحزء 53
بقلم:حنان زهراوي/ اريا ستارك
وصلات للساحة لقات دراري بداو كيتجمعو... بالأعصاب مشات كتجري ونسات راسها كتجري بالجهد وبطريقة ماموالفاش ليها، شافها ماسين لي بقاو عينيه مفيكسيين على جسمها كيفاش كيتمايل لهضرة لي سمع لي خرجاتو من سهوتو..
لولد: واصحبي هو طرف حسن من أحسن بنت
لولد تاني: وياااه كنوحلو غير مع زو***
ماسين مابغاش يدخل راسو فشي مضاربة مشا يجري حتى وصل عند سمير وغوت..
ماسين: سميييير!! وقف اصاحبي
سمير وقف: وي العشير اش كاين؟؟
ماسين: اصاحبي ديكال جرية كدير ديال بنات خلي نص ديال دراري هنا حالين فمهم فيك
سارة تزنكات بجهد وماسيين حابس ضحكة عجبو لحال يشد فيها..
ماسين: قالك اسيدي عندك طرف حسن من لبنات
سمير: احم هادوك غير مكابيت
ماسين غمزها: وا غير تكايس عليهم..
سمير كيشوف فأي بلاصة من غير ماسين بلحشمة: احم اه شكرا
من بعد ربعة سوايع تداريب ماسين مشا يعاون لكوتش وسارة تسلتات لأنفيرمري وخدات دكشي لي خاصها ومشات لبيتهم ..
سمير: ياسين؟! كيبقيتي (ماجاوبش) يااااسين
قربات حداه لقاتو كلو سارد بالعرق بركات على ركابيها حداه وحطات يدها على راسو لقاتو طايب عرات على الجرحة لقاتها بدات كتعفن داكشي علاش شداتو سخانة دابا لجسم ديالو ولمناعة ديالو كتحارب جرحة...
مشات لحمام جابت معاها كمادات بلما بارد حطات وحدة على راسو وبدات كتنقي فلجرح وهزات لخيط وبرا وكتشوف فجرحة ..
سارة: أول مرة ندير هاد لعجب غير الله يستر
بدات كتخيط ليه وكل مرة كيقفز بالألم ولكن السخانة باقة طالعة مخلياه مغيب، ملي سالات الجرحة دارت فوقها فاصمة وبدات كتحط تلج على لبلايص لي فضلوعو بداو كيزراقو..
ياسين كيهتهت: لا لا انا ماشي حيوان...ولا انا معرفتش...
سارة حطات يدها فوق جبهتو بدا كيبرد شوية: شووووووو رتاااح رتاح
غير شوية وداها نعاس مع فاقت بكري معقلاتش حتى ستسلمات وإيدها فوق تلج لي فوق صدر ياسين.. وراسها مقابل مع راسو...
ياسين كيحل عينيه كيحس بالألام فكاع لقنات بغا يتحرك وهو يحس بشس حاجة باردة فوق منو... هز يديه تايتلمس فيد سسمير شحال رطبين.. حل عينيه ودار عليمن هو يضرب فوجهو كان ناعس حداه.. بقى تايشووق فملاميحو شحال مبنتين فيم صغير ومنفوع انف صغير وعينين كبار وشفارو الكبار خدودو المنفوخين لي حماروليه بالصهد .. حس براسو ساهي فيه وهو يحركووو
سمير فاق بانلييه ياسين تاهو فايق ومخنزر
سمير كيحك عينيه: فقتي !! خاصك تشرب دوا ديال ألام
ياسين مخنزرفيه: تبقى تنعس فبلاصتك
بغا ينوض: خاصني نمشي نتريني
سمير دفعو من كتفو غير بشوية: شوف خاصنا نقولو لأستاد حيت يالاه درت لك شي ربعة لغراز
ياسين هز راسو لصدرو لقا يد سمير باقة فوق تلج لي داب وعاد لجرح باين فوق منو فاصمة جديدة رجع شاف فيه وعينيه مامفهومينش..
ياسين: علاش درتي هادشي
سمير: عادي اي واحد فبلاصتي يقدر يديرو
ياسين باستهزاء: ههه تانكون معارفش بنادم وموقعاتش معايا شحال من مرة كلشي كيفكر غير فراسو وتانتا غايكون عندك سبب..
سمير وقف وخنزر فيه: مامحتاجش للسبب باش نعاون شي حد لي حياتو كاملة واقيلة أول مرة يحس بالإهتمام ومايمشيش دماغك بعيد كإنسان وواجبو تجاه خوه..
ياسين بحال عاد كيزيد يتعصب: مااااخوكش انااا
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
