امراة متنكرة في عالم الرجال 💪
الجزء 37
بقلم حنان زهراوي/ أريا ستارك
صفارة الإنطلاق كتعلن على بداية المسابقة بالنسبة لجميع لفرق إلا فرقة ديال ياسين لي عقابهم يتسناو عل أقل حتى يوصلو نص طريق ماسين واقف على أهبة الإستعداد نطلق بسرعة كبيرة فاجئ سارة لي كانت متوقعاه يكون ضعيف شوية ساعة قدر يلحق على متسابقين سارة واقفة حدا لباطو صغير ديال كاياك لي غاتعبر بيه البحيرة...
بدات بتسخينات وهي عينيها على ماسين لي داير كتر من جهدو بتاسمات من غير ماتحس ولكن سرعان مجمعاتها ورجعات ملامح الجدية، وصل اول متسابق ماسين وصل عندها هو تالت خدات راية شافت فيه بتاسم ليها حسات براسها غاتزنك دغيا دارت عطاتو بالهر دفعات زورق ديالها وطلعات كتجدف بسرعة وقوة فحال وحسن كاع من أي دري..
وصلات سارة لتاني متسابق وفاتتو وياله غانوصل لأول متسابق ومشافتش واحد من تماسيح لغير الحقيقية وضربات لباطو ديالها معاه حتى تتقب، إلا موصلاتش البر فأقرب وقت زادت من لوتيرة ديال تجديف وزورق بدا كعمر بلما ملي قربات لشط نقزات فلما لي وصل ليها تال خصرها وجرات لباطو للشط وبجرية وحدة وصلات هي تانية لعند ياسين لي مخنزر نتر الراية من عندها ودخل لفين خاصو يبدا لكومبا باش يوصل لنهاية نفق...
سمير (سارة) تلاقا بماسين باش يمشيو لنقطة فين غايتلاقاو فيها مع ياسين لي هي نهاية النفق وصل ماسين عندو مبتاسم...
ماسين حط بدو على كتفو : واصاحبي على بونت كنتي غاتغرق، ماشتيش لي موراك كملوها عومان
سمير: وايلي كاين لي وقع ليه بحالي دخل فدوك تماسيح؟؟
ماسين كيشوف فحوايج سمير لي ساردين من خصر لتحت وكيفاش لاصقين على لحمو كتبان لاطاي واعرة: احم لا راه قليل لي وصلو بزورق ديالهم شي لاخر كلشي ضربها عومان
سمير: أصحبي داك لما كاز ديلمو.. بااارد
سمير طلع فوق صخرة وماطا إيدو لماسين لي تبعو ولكن عينيه مرة مرة كتمشي المؤخرة سمير لي لاصق عليها سروال سيرفيت وكتبان متيرة كيحرك راسو وضرب فحناكو باش يفيق ويركز ولكن عينيه كيرجعو لخصرو صبر تاعيا وهو يحيد قبية ديالو ومشا عند سمير...
ماسين: شد أصحبي لوي هاد قبية علك راه حوايجك ساردين
سمير: هانية اصحبي واخا لبرد شوية ولكن عادي
ماسين كيشوف ففخاض سمير: احم من الإحسن تلويها علك....احم راه حوايجك لصقو علك
سارة عاقت براسها ونترات قبية من عندو لواتها وعقداتها قدامها وكل مرة كتشوف فيه كيحاول مايشوفش فيها دخلها الشك بلا راه عارف ولكن عمرو مابين ليها ولا حاول عيونها بقات ثانية شحال ملي سمعات لو ان واحد من لمجموعات مشات تجري وتابعها ماسين..
ملي وصلو لنهاية نفق فين غايكون ياسين غير وقفو وهو كيطلو فلحفرة منين خاصو يطلع حتى بان ليهم وصل فيه ضربة فحاجبو دايزة بالدم...
ماسين: ياسين راك بيخير
ياسين مجاوبوش اول حاجة دار هي مد ليهم الراية هي لولة شدها سمير: وصل شي حد من لفرق ولا مزال
سمير: سمعنا شي حد غوت معرفناهم واش فرحة ولا خلعة..
ياسين بدا كايتسلق لحفرة باش يطلع حتى كيطيح هادي مرة تانية طلع شوية كتر ولكن طاح: فاااااك اش هاد زمر
ماسين: واطلع اصحبي خلاص
سمير كيشوف فالغرق ديال حفرة وجنابعا تايزلقو : كيبان ليا مستحيل طلع مكينش فين تشد ولا شي بلاصة قاصحة كلشي تراب فينما غتحط يدك غاتريب
ياسين شاف فسمير وهز حاجبو: شكرا على توضيح لحاجة لي باينة لعمى
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
