امرأة متنكرة في عالم الرجال 💪
الجزء 128
بقلمي :حنان زهراوي/اريا ستارك
ماسين شاف سارة تخلطو علييه المشاعر تلاح عليها بتعنيقة: سااارة 😍 شكاديري هنااا
سارة جا وجهها ديريكت فصدرو وهو معنقها مزيير عليهاا تزنكاااات بقات كتحاول دفعو تبعدو عليها : بلاتيي ماسيم
ماسين عحس براسو وهو يطلقها هز يدو تايخك فراسو: اسمحيليينا را توحشتك داكشي بااش..(قال بفرحة) .قووليليي شتاديريي هناا.. جيتي تشوفينيي ياااك ماقدرتيش على فراقي
سارة ابتسمت ليه : ماسين هو ماسين مفروح.. لا اسيدي ولييت خدامك هنا كووتش
ماسين تصدم: اوااااه نتيي المدربة الجديدة دالبنات..
ياسين عاد رد البال للباس سارة بدا تايطلع معاها وينزل وعينيه تايتفحصو جسدها شبر بشبر: تتتت تتتت اي هاي هاي على سارة.. فين كنتي مخبية هاد الزين كولو
سارة حشمها: ماااااسيييييين
ماسين تايضحك: ههههههههههههه واصافيي
ياسين لي كان باقي مراقبهم قرر يخرج لعندهم ويبان
دار مع الكولوار وضرب نيشان فماسين وسارة عاطياه بالظهر
شافو ماسين هو يجر سارة من ورااه بحالا مغطيها منو : احم شوفي صافيي سيريي سيريي لبييتك داباا
ياسين لي كان مزيير سنانو ويديه على شكل قبضة رخاهم.. رسم ابتسامة جانبية فوجهو ووقف عليهم :ماسين شكادير هنا.. خصك تكون دابا فالشومبر ديالك
ماسين تايحاول يجي بينو وبين سارة زعما باش يغطيها وياسين تايطل من وراه : شكون هاديك لي وراك
ماسين: نتا لي شتادير هنا انا عاد كملت خدمتي وجيت من لانفيرمري
ياسين تزير فاش شافو. شادليها فيديها ومخبيها ورااه : مالك مخبيها خفتي ناكلوها
سارة من ورا ماسين تاضحك علييه زعما بغى يخبيها باش مايعيقش ياسين نتراات يديها ووقفات بيناتهم
سارة: حتى ياسين كان معاقب التحت.. نتمنى يكون كمل خدمتو
ماسين حل عينييه تالطرف وبداا يكح
ياسين : كوتش سارة مالك مخبية ورا ماسين.. ياكما تاهو عاودليك السيكيرطي علييه
سارة شكاات فييه عرفها هي سميير فاش قاليها هاد الهضرة : لاا كنعرفو من بلاصة اخرى عندك شي مشكل..
ياسين شاف فيها واحد الشوفات كون كانو قرطاس كون قتلوها..وداز بيناتهم ضرب ماسين بكتفو ومشى
ياسين بينو وبين راسو: علاش هو زعما كتبينيليه وانا لا.. برهوشة غادي ندمك تانتي
ماسين دار شاف تاني فسارة وابتسم : واللهيلاا توحشتك بزاااااف
سارة تزنكو حنيكاتها : اممم ايخصك تمشي داباا للشومبر يلا شدوك هنا غاتعاقب. انا ماعنديش مشكل
ماسين : تفو علاش ماشفتكش من الصباح ماسخييتش.. قرب ليها وهي تفكر داك النهار دغياا تلقباات وخنزرات هزات صبعها بحالا كتهددو: شوووف اخيير مرة تفكر ديير بحال داك النهار ولا غانقلب عليك..
ماسين بغى يجاوبها شوية سمع صوت العمييد جاي مع شي استاذ قاليها بهمس: شوفيي نتلاقاو غداا ضرورييي . بسلامة... ومشى تايجري
سارة كملات طريقها للبت وكما العادة كديير دورياتها وكتسجل الغياب
الغد لييه بعد الحصص
كانت سارة مراقبة ياسين و رميساء كما العادة.. ولكن لاحظات بلي اغلب الخدمة كاديرها رميساء و غي تابعااه فينما مشى وهو تايهرب منها وتايتناكر معااه مرة مرة...
واحد اللحظة طلعاات رميساء فالسلم ودارت شافت فياسين واقف نيشان تحتها تايسجل فواحد لاليسط..
دارت راسها سعكلات وتلاحت عليه..ياسين دغياا خواليها جات طايحة فالارض وغوتااات بالحهد
شاف فيهاا بنص عين ودار ضحكة استهزاء وزاد.. سارة هادشي كامل داز قدام عينيها وحتى كيفاش تعمدات رميساء طيح عليه...
مشات قاصداها
رميساء عينيهااا تغرغروو بالدموع: اييي ظهريي تهرس
سارة حنات لعندها وقالت ليها بهمس: لي عطى زگو لهلا يفكو.. نتي لي تعمدتي طيحي وانوضي دابا راسك.. وغادي تخدمي ماغانسيفطك لا لممرضة لا لنمي.. وداك التمتيل ديالك خلييه فداااركم... يااالاه تگعدي
ياسين شاف فيها وابتسم. دغياا جمعهاا فاش تفكر البارح وباقي تايفكر منين يدوز لييهم.: غاندير ليك شي فضيحة مادايراااش نتي وداك ماسين غاصبرو...
دار تايكمل فخدمتوو
فبلاصة اخرى
كان لابس تريكو كحل وسروال دجين.. تايتمشى بصعوبة والعرق تاينزل من جبهتو شلاااال مرة تايدوور ورااه يشوف ياكما تابعوو باين سارة وفنفس الوقت حاضي جنابو وحاضي فالارض لايخرج ليه شي حنش ولا شي عجب كحل :اوووووفف شهاد الموقع فين دارو هاد المدرسة.. المغرب دالحبس كولشي عندهم بالمقلووب
جلس فوق واحد الحجرة يرتاح شوية وهر قرعتوو تكى علييها تاكملهاا.. مسح جبهتوو من العرق وهز التيلي يشوف واش صوناتليه سارة.. ساعك الريزو والوو فديك البلاصة...تنهد: اوووف هادشي لي بقالي
يالاه بغي ينوض سمع شي حس.. مشى تخبى ورا واحد الشجرة وبقى مرة مرة تايطل.. والصوت تايزيد يشجهااد.. كان صوت شي رجال.. يالاه بغى
يخرج لعندهم طل بانلييه بات ساارة مع 2 رجاال اخريين تايلهتو
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
