امرأة متنكرة في عالم الرجال 💙 💪
الجزء 182
بقلم حنان زهراوي / اريا ستارك
العميد سايق وتايتوعد فييه انو ايخرج فييه القديم والجديد
#فلاش باك
قبل 20 سنة
كان العميد والحاج والمعلم (عقلتو عليه؟) بتلاتة واقفسن بعيد وتايراقبو التدريبات دالبنات كيغادية
العميد: هانتوما شووفوو هادشي مامنوش بالله.. غي بغيتو مضيعو من الميزانية شوفهم كي ميتات.. والو والو
المعلم: وااغاصبر خلينا من التناوي.. را عادي حتى فالاول فاش تايدخلو رجال بشلاغمهم لهنا ماتايقدروش علي التردريبات
الحاج تايشووف فوحدة من البنات عجبااتو وتايضحك عليها فنفس الوقت العميد شيرل نلحية نفس البنت كانو تحت واحد الشبكة وتايزحفو بسرعة باش يوصلو للنهاية وهي الاخيرك فيهم: دابا داخلنا عليك بالله واش هاديك كتزحف ولا ناعسة فالعرض... تحط فكرون حداها يسبقها.. كتزحف بحال شي ببوشة...
الحاج ضحااااك من نيتو : واللهييلا ببوشة نييت جات معاها هاد السمية..
العميد خنزر فيه ومشى خلاهم بزوج
المعلم شاف فالحاج وقرب ليه : اهياا عنداك دير شي حاجة عارفك مع البنات.. ورد بالك من رشيد راه علي سبة غي يشوف شي غلط غايجري على البنات.. يصدق البروجي ديالنا خارج فالصو
الحاج تايخضر عويناتو فجميلة او ببوشة كيما ولا تايعيط ليها: لا لا ماتخافش واصلاا شكون هو باش يخرجهم حنا يزوج تافقنا.. وعاد المدرسة جدي لي بناها... ماشي حيت با طلعو عميد صافي هو لي يحكم... راها ديالي غا مابغيتش نشد الضد مع المرحوم
المعلم: الله يهدييك علاه ماشي رشيد لي خدم عليها مع باك فاش كنتي نتا عاطيها للالة ومالي الله يهديك
الحاج عينيه شوية ويتقبو جميلة : دابا ماعلينا.. خليناهاليه ولكن تاهو مايعيقش و يسحابليه راسو را مالكها
المعلم : لاحول ولا قوة الا بالله.. كنوصي فيك بحالا كنوصي فالحيط.. كوولهاا نتا احسن كوولها
الحاج تايضحااك ومرتاح مع راسو: ماشي دابا خلي تايجي وقتو وناكلها.. (غمز المعلم ومشى قرب ليهم كتر باش توضاح ليه الرؤية والمعلم غي تايخرك راسو يمين وشمال)
المعلم: مايتهنى هادا تايخرج علينا غي الله يدير الخير وصافي
بعد تقريبا ست اشهر
العميد كان موجد لابس مزيان... جا عندو المعلم لبيروه: صافي وجدتي دغيا؟ هاي هاي هاي على سي رشيد بوكوس صافي
العميد : هههههه باغي تحشمني زعما
المعلم: عاارفك ماكتحشمش.. ايَا اسيدي كيفاش ياك عاد البارح كنتي تقولينا لاا والو البنات مايدخلوش للأكاديمية..غاينشرو الفتنة فيها.. شنو دابا شتك ناوي تخطبها..
العميد مبتسم: ايواا صافي قررت انمشي نهضر معاها بعدا نقوليها تعلم مالين دارها ونعطيها الاذن ومن بعد نمشي نخطبها من دارها
المعلم : هاي هاي نيشان للخطوبة. شكوون كان يقول رشيد قلبو غايحب... اتبارك الله علي سي رشييد صافي..يالاه توكل عالله...
العميد مبتسم: الله يبارك فيك....
مشى متجه للملحق دالبنات. هضر مع المكلفة بيه تعيط على وحدة من البنات قالتليه بلي راها التحت فلاكاب
العميد: شي عقوبة تاني؟
المكلفة: هاديك البنت بالصبط ديما كادير المشاكل وكنسيفطها للاكاب تجمعو.. شكيت فيها بلعاني كديرهم.. انا انمشي نكلمها ليك.
العميد : لا صافي غي راقبي البنات لاخرين انا غانمشي عندها..
نزل العميد الدروج غادي للاكاب وهو مبتسم.. حن حن بحالا تايوجد صوتو باش يهضر.. وقاد الكول دالشوميز لي لابس..
مع قرب للاكاب تايسمع اصووات فشكاال.. وهو نازل فالدروج والصووت تايتزايد.. تاوصل للتحت والباب كان مردود...
شاف داك المنظر وعينيه حمااروووو. بداا تايرجف وتعصصببب
جميلة والحاج كما ولدتهم مهوم.. عرياانين وخداميين..
زدح الباب برجلييه ودخل جميلك غوتات وبدات كتغطي بيديها .. العميد دور وجهو باش مايشوفش فيها وهو كايغليي بالاعصااااب...
الحاج وقف عادي بحالا مادار والو.. لبس سروالوو وشاف فالعميد
الحاج ديك الساعة تكون فعمرو ديك 35 سنة هاكاك
الحاج: شنو بغيتي
العميد حمررر و عروقو بارزين فجبهتو قربوو يطرطقو بالدم: خرررجيييييييي مم قداااميي
جملية مع هضر قفزات من بلاصتها لبسات عليها دغياا ومشاات كتجري
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
