امرأة متنكرة في عالم الرجال 🤠مكتملة🤠

الجزء 28 🤠

امراة متنكرة في عالم الرجال 💪

الجزء 28

بقلمي hanane zh فأي لحضة

طلع نهار جديد على أبطالها لي مجموعين فصال ديال لونطريما واقفين كيتسناو فلأستاد يجي حتى قصدهم كمال شافو ماسين وبغا يزيد بخطوة لقدام وسمير شدو من كتفو ودار ليه براسو لا .
كمال: اوه شوفو شكون هنا لخنثى ولمعوق
صحاب كمال بداو كيضحكو
ماسين كارز على سنانو: خاصك شي حاجة؟؟
كمال: خاصني نخلي داربومكم بزوجكم هاد لمؤسسة ماشي ديال بحالكم
سمير باستهزاء: وديالمن لي بحالك؟؟
ياسين غير كيتفرج فيهم معلى بالوش شاف فيه كمال وهز حاجبو زعمة جاوبني ساعة ياسين دور وجهو بكل برود بحال ماكينينش.
ماسين: عارفك باغي تستافزني باش تخرج علينا مغانطيحوش لك فلفخ غير سير تلعب بعيد
كمال: ههههههه واو على دكائك صدمتيني هههههههه سمع أبابا غنعطيكم مهلة تلت يام ديال هاد لمسابقة باش تنساحبو ولا غاتشوفو مني وجه أخر
سمير شاف لأستاد جا ووقف من مورا كمال لي صحابو شافوه وحاولو يتيرو إنتباهو مشافتش.
سمير بدا كمتل عليهم: علاش كتهدد فينا اش درنا لك وحنا باقين جداد مكنعرفو تاحد
ياسين سمع كلامو وعصبو بان ضعيف ياله غايدور بان ليه أستاد وهو يسكت.
كمال: مفهمتيش واقلة بحالك زوامل ماشي بلاصتهم هادي مغنرتاح تانكون انا سباب فطرد ديالكم
أستاد: إلا مسكتيش نتا لي غادي تطرد
كمال خرج عينيه سمير غمزو وبتاسم عصبو ولكن تمالك راسو: استاد فهمتيني غلط
أستاد دار ليه بيدو يسكت وهضر بصوت مرتفع: بحال هاد تصرفات ممنوعين عندنا فلمؤسسة وباش تفهمو وتاكمال يفهم ناقص خمسة نقط من مجموعة ديالك وغانزيدوها لمجموعة ياسين.
ماسين بتاسم وكمال شاف فيه وكاايتحلف عليه غير بعينيه.
أستاد: كلشي يتقاد بغيتكم تعزلو معامن غادي ضاربو وترينيو ماشي بضرورة يكون فرد من مجموعتك..
ماسين شاف فسمير: انا وياك العشير
سمير: مشات
ياسين مشا وقف قدامهم: ياله تحركو مغنباتوش هنا بداو بتسخينات
استاد من موراه: حتى لمشريفين غا يديرو تسخينات ويترينيو ياله تحركوا!!
ماسين شاف فياسين: هههههه ياله تحركو!!! إنا هانتا تانتا غاتحرك ههه كتصحب شي مقلب من مقالب ديالك غايخرجوك من هادي؟؟
ياسين دار راسو ماسمع والو ودار عند سمير: نتا حاول تبقا معانا عارفينك معندك صحة معرفتش بحالك لاش قبلوهم هنا واقلة اول مرة غانتافق مع كمال
ماسين شاف فسمير لي مامسوقش ومنخل ياسين وماكايحاوبوش وكيديرو تسخينات ليديه ورجليه قبل مايبداو يجريو: بس سمير ياسين را دوا معاك
سمير ببرود : اه ومن بعد
ماسين شاف فياسين لي تعصب ولكن مابينش وشداتو ضحكة : هههههههههه انا وياك غانكونو احسن اصدقاء

ياسين زاد وخلاهم وهو كيفكر غير بطريقة لي غايندمهم بيها بتاسم بشر وبدا كيجري ودماغو كيمشي لشحال من احتمالات لإنتقامو هادي هي لحاجة لوحيدة لي كيرتاح فيها وكيبدع هي تعديب الناس وانتقام بطريقتو الخاصة...
يتبع