امراة متنكرة في عالم الرجال 💪
الحزء 36
بقلم حنان زهراوي/ اريا ستارك
فساحة كبيرة واقفين المتسابقين على شكل دائرة كل كروب واقفين مع بعضياتهم بزي موحد فريق سارة بلون الأحمر وعندهم راية حمرا وسط الدائرة واقف الأستاذ لي كيتسنا فيهم يتجمعو كلهم...
الأستاد: المرحلة التانية غاتبدا من هنا لعشرة دقايق هاد لمرحلة كتعتامد على مجهود فردي كل مجموعة غاتختار اول متسابق من مجموعتها لي غادي يشارك في سباق بحال جري وقفز على الحواجز غير هو فعوض الحواجز إقدر يكون ضرك ديال شوك ولا عافية شاعلة هنا وزهرك ممنوع تفادى الحواجز ولي حاول لفريق ديالو غادي يخرج من مسابقة بصفة نهائية، ملي يوصل لما سبق لول لضف ديال بحيرة غادي يعطي راية ديالو للمتسابق التاني لي غايهز باطو ديال كاياك وقطع بيه لبحيرة لمشكيل لوحيد هو انه بحيرة فيها تماسيح بطبيعة لحال ملي حقيقية ولكن غادي تكون عائق فطريقك...
ملي وصل المتسابق لضفة الأخرى خاصو يعطي راية لآخر عنصر فلفريق لي غايدخل لمكان تحت لأرض بحال نفق غير هو غايكونو رجال كيتسناو فيه خاصو يضارب معاهم بلاما يتخلا على الراية وفنهاية النفق غايتلاقاو المسابقين مع صحابهم وخرجو بالراية للمكان المعلوم....بالتوفيق ومتنساوش تشاورو وتقررو كفريق....
الاستاد تاني: تنقيط غادي يتم على مراحل كل مرحلة 10 نقط والتنقيط بالنسبة لاخر فرقة توصل الراية للمكان المحدد هو صفر الكل غادي ينطالق فنفس الوقت من غير أخر فرقة فترتيب غايتسناو تايوصل اول متسابق للنصف طريق البحيرة(شاف فياسين والفرقة ديالو وخنزر فيهم) عتابروه عقاب اول مرة فتاريخ الأكادمية فريق يجيب 2-
سمير: كيبان ليا باغينا نخسرو
ياسين بابتسامة ماكرة: وحنا كنقبلو تحدي
ماسين دغيا دار عندهم: دراري انا مديرونيش لخر معنديش مع المضاربة بزاف وباين غايكونو متدربين
سمير شاف ليه فيدو وعرف غايكون صعيب عليه تجديف فلبحيرة: اش بان لك تكون نتا لول؟؟
ياسين: انا لي كنقرر
سمير: لا حنا لي كنقررو!! كلنا ماشي غير بوحدك
ماسين: واش غانضاربو؟؟ راه بقات ربعة دقايق وتبدا لمسابقة
ياسين كيفكر بلا هاد لمرة خاصهم يربحو: مهم انا لي بمرحلة الأخيرة وماسين نتا لول وسمير هنا لي غاتكون فلبحيرة تافقنا؟؟
سمير: مشااات
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
