امراة متنكرة في عالم الرجال 💪
الجزء 49
بقلم:حنان زهراوي /اريا ستارك
ام سارة غير سدات لباب دارت شافت فبابات سارة لي ناض وقف وأول حاجة دارها حيد سمطة ديال سروالو...
الأم: شتي بنت لحرام باغة تشوه بينا؟؟
الأب: سمعتي لي مكتوصلش الأرض باغة نتي تجففي بيها دوي؟؟
سارة بلامبالاة عيات من هادشي ومن هاد لحياة: علاش اش درت عوتاني
الأم شداتها من شعرها ودفعاتها الأرض: ياربي انا اش درت باش تعطيني بنت تصحاب راسها راجل ومن فوق مسخوطة مع واليديها عمرك تسمعي لكلام وديريه باغة طرطقي ليا لمرارة
الأب: قلة الإحترام كلها وأش درتي؟؟ كاين شي عروسة كتحنزز فبنادم هكاك دوي (وكيشحطها بالسمطة وهاد لمرة مكتحاولش تمتل عليه بلا كتوعت خلاتو يدير لي بغا)
الأم: باردة لقلب ماشي بحال لالياتك
امال عرفاتهم نساوها كاينة من مورا باب البيت سارة كتبكي بالدموع على صاحبتها وحالتها وفنفس لوقت كتحمد الله على نعمتها لي تربات وسط عائلة كيحب وحن فبعضياتهم، فينما كتسمع شحطة ديال السمطة كتغمض عينيها ودموعها ويدان..
الأب: ولفتي لعصا واقلة خاصني نوريك وجه أخر
دور سمطاتو لجيهة لبزيم ورجع كيشحط فيها امال مقدراتش تحمل من لي عرفاتهم مغايطلقوهاش خرجات تجري لقات لأم باركة فوق سداري وشادة راسها بين يديها ودعي فبنتها أما الأب بحال لوحش، مشات تجري تلاحت على سارة غطاتها بجسمها..
امال: صافي اعمي هالعار لما باراكة عليها غاتقتلها
الأب: تستاهل كتر من لقتيلة
الأم: سيري الله يلقيها لك الله يشوهك كيما شوهتينا
امال: واخالتي راك عارفاها مقصداتش راه هي مكتعرفش للصواب
الأم: امال نوضي عليها خليه يبرد فيها غدايدي...هاد بنت لحرام ملي بغاو يقراو لفاتحة حلفت ماتهز يديها تقرا حتى بركات لينا لما فركابي
امال : عفاكم الله يرحم لواليدين باراكة عليها
الأب شاف فالأم: كنتي تسيفطي صحبتها فحالها هو لول
الأم: هاد بنت لحرام نساتني طيرات ليا العقل الله يطيرها.
بعض لمرات بنادم مكعرفش بلا كيما كنقولو بيبان سما كتكون مفتوحة وداك نهار كيما دعات عليها مها الله يطيرها استجاب ليها ....
امال حيدات للسارة حوايجها وهي كتشوف فيها بحال جتة بلا روح مكتبكي مكتهضر غير من لي كتألم مرة مرة كتغمض عينها وهادشي غير عاقت بيه امال اما راه مكتبينوش ليها سارة مكتوريش ضعفها حتى لواليديها..
خرجاتها من دوش وهي كتنشف ليها شعرها خلعاتها ملي وقفات مشات لكوافوز حلاتو وجبدات فلوس قليلة كانت عندها
امال: اش كاديري
سارة تفكرات امال كاينة: سيري اختي لداركم
امال صدمتها: مال مك نتي بسم الله علك
سارة وقفات قدام لباب وحلاتو: برا سيري اختي فحالك الله يرحم باك
امال عينيها غرغرو وخرجات تجري سارة سدات من وراها لباب مشات ديريكت لماريو خزات صاك وبدات كتعمرو بالحوايج ملي سالات لبسات حوايج عراض بحال ديال دراري ووقفات قدام مراية..
سارة: بداية جديدة وحياة جديدة
بقات كتشوف صورة ماشي هي هاديك حلات مجر وجبدات مقص حلات شعرها وبدات كتقطع فيه بعشوائية حتى ولا بحال ديال دراري ومخربقة بعشوائية بسبب تقطيعة لي مامقاداش.
خرجات من بيتها ماسمعاتش لحس وصلات قدام لبابارت شافت فدار وبابتسامة جانبية حزينة خرجات وسدات لباب من موراها.وكان هادا أخر نهار شافوها واليديها...
نهاية فلاش باك
ماسين غادي جاي فلبيت باغي يقضي حاجتو ولكن سمير معشش تما صبر تاعيا غايطلقها فحوايجو جرب باب دوش لقاه محلول وهو يدفعو بشوية ودخل بان ليه حوايج سمير فالأرض مبغاش يشوف فدوش مشا ديريكت للطواليط ياله غايقضي حاجتو حتى سمع صوت بحال ديال لبكا معرفش واش نيت بكا ولا غير سمير ضربو لبرد هز راسو فجاج ديال حمام وبقا واقف فبلاصتو كيشوف وكل مرة كيعاود يتأكد
كيطلعو وهبطو وركز فلبلايص لي باين فيهم اختلاف خرج عينيه ونسا بلي باغي يقضي حاجتو..
كانت سارة عاطياه بالظهر تاتبان فورمتها مطراسية وطاي حوتة.
ماسين حال فمو وبصوت شبه مسموع: سمير بنت؟!!....
#اشنو بانليكم؟؟؟؟🙂
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
