امرأة متنكرة في عالم الرجال 💙 💪
الجزء 164
بقلم حنان زهراوي /اريا ستارك
سارة بخطوات سريعة مامشاتش لبيتها ديريكت عند إيمان من مورا ماسمعات لخبار من مكتب لعميد لعندها دفعات لباب ودخلات مخنزرة وربعات يديها: مالك نتي علاش غاتخرجي من اكادمية
إيمان شافت فيها وبتاسمات: عزيز علك دخلات درامية بحال دكشي دأفلام هههه
سارة: إيمان أش وقع ملي مكنتش علاش غاتمشي؟
ايمان تمعنات فسارة مال عينيك بحال شابعة بكا هاد ليامات؟؟
سارة عينيها غرغرو للحظة... جات فبالها غي امال شافت فايمان وشي حاجة واحلة لها فحبقها مازال ماتقبلات موتها واخا هادشي كاامل: عرفتي ديك بنت لي كنت عاودت لك عليها؟ صاحبتي
ايمان كتفكر: هاديك لي كانت معاك ملي بغيتي تهربي...
سارة هزات قرعة لما ديال ايمان كتشرب باش ماتبكيش حيلة تعلماتها من السنين لي كانت كتحبس فيهم لبكية: ماتت قتلوها
ايمان تصدماات ا: كيفاش؟.. قتلووها؟؟؟ كيفاش تاقتلوهاا
سارة مبغاتش تفكر سباب ولا كيفاش حيت عاد ماكتزييد تمرض اكتر. ... تنهدات وقالت: موضوع طويل بلا مانجبدو دابا ( رجعات قرنات حجبانها وشافت فايمان مخنزرة ودوات بنبرة صوت حادة) بغيت نعرف نتي مالك؟ علاش باغة تخرجي
إيمان بقات كاتشوف فيها مطول عرفاتها حالتها نفسية دابة باقة طايبة قررات تخليها تاتبرد شوية وتعاود تسولها على تفاصيل رجعات كتخشي الحوايج فصاكها وشيتة سنان ديالها:شتك غاتعصبي عليا هههه (كتحاول ضحك معاها تخليها تخرج من لحزن) تكالماي غير شي سيامانة ولا جوج ونرجع ماشي بحالا قدمت استقالتي كيما مكنتيش نتي تانا دابا عندي أسباب
سارة: علاش قررتي دابا اوا قولي ليا اشنو هاد اسباب؟ ماشي حيتاش ماكنعاودلكش انا غاتخبي عليا تانتي... نن خودي راحتك
ايمان شافت ليها مترددة وحشمانة
سارة:داباا نتي غاتقولي صحة ولا بلخاطر لي بغيتي...ختاري واحد فيهم
إيمان تنهدات وحبسات اش كدير هزات راسها فسارة
وقالت: بست ماسين
سارة بقات حالة فمها شحال تخايلاتهم كيتباوسو... تفكراات تانيي راسها هي وياسين... وحركات راسها كتحيد صورة من دماغها: مااسين؟.....(من بعد صمت طويل) اوا اشوقع
إيمان غمضااات عينيهاا دوات بزربة وهي كتخلط فالحرووف : بستوبزربةومليبقامصدومرجعتبستووطولتوتاهيلاسنيومليحبسناقالياكيبغيك
سارة خرجات عينيها وحلات فمها: عاودي اشنو قلتي وجربي بشوية وباللغة لعربية هاد لمرة
إيمان وقفات وحدرات راسها: بستو بزربة وملي بقا مصدوم رجعت بستو وطولت وتاهي باسني وملي حبسنا قاليا كيبغيك نتي
سارة زادت حلات فمها: ماسين؟؟
إيمان بركات فوق سريرها: غاتبقاي تقولي غير ماسين؟
سارة ملي سرات معاها لقصة بركات حداها: كسوووول هادا لي قالك هاد لهضرة من بعد لبوسة مبانش ليه بلا تجاوب معاك هههه
إيمان: عادي قال لحقيقة
سارة قربات ليها : ايمان هاديك ماشي لحقيقة هادكشي لي حاس بيه غير ولف وعاش معايا بلانات خلات صداقة ديالنا ولات مقربة بزاف كيبان ليا دايخ وخاصو دفعة لطريق صحيح
إيمان: كل واحد كيشوف لأمور بطريقتو مهم بغيت نبعد شوية ونحاول نسترجع هيبتي... اليوم اصلا جا الطبيب لاخر بلاصتي... تانرجع... يلا رجعت
سارة ضربات ايمان لكتفها : بحال عندك لهيبة تي نوضي قالااك يلا رجعت ماسحابليش خوافة بحال هاكا
ايمان شافت فسارة وتمعنات فحالتها: مدوزتيش قليل هاد ليامات؟!
سارة: خلي تاترجعي ونتحتو مزيان
ايمان: واخة الالة كتصدريني اوكي غانمشي دابة قبل مانتلاقى بشي حد
سارة: ممم زعمة ماسين؟؟
ايمان بغات تبدل موضوع: على دكر ماسين ختو رميساء ترفدات ليوم من لاكادمية.. سمعت بلي جراو عليها الصباح
سارة:ويي عرفت را تلاقيتها براا.... اخيرا ديك خايتي ماشي ديال هادشي
ايمان هزات حاجبها غيها: متأكدة هادا هو سبب لوحيد؟؟
سارة : و اشنو خر غايكون
ايمان: بنتيليي فرحتي زعما ماكينش شي سبب خر
سارة: جينيي نيشان بلا مابقاش تلمحي ليا تمااك.. شنو كتقصدي؟؟
ايمان :والو والووو صافي.. غي كنضحك معاك
سارة:ا نعاونك تجمعي حوايجك
ايمان ضحكات: ألالة سيمانة ونرجع اشمن حوايج غير هزيت لبستي لمفضلة هههه اما راه عندي لحوايج فدار برا
سارة هزات يديها: صافي صافي سمحي ليا... ياغة ضاربي... مهم انا نمشي نتكى شوية عيانة بزااف... ايمتا اتمشي نتي اليوم؟؟
ايمان : دابا نيت غي نكمل الجميع دالحوايج
سارة: كنتي مونسااني والله... مهم ماعليش تاترجعي..
تسالمو وخرجات سارة من عندها... مشات لجهة lbuvette دالاساتدة تشكر المدرب لي رومبلاساها وتسولو علي فين وصلو فالحصص حست لامشات تادخلات لبيتها غاطيح كومة بكترة ماعياانة... وغدا عندها حصة بكريي..
ماسين كان كايتمشى فالكولوار بانتليه سارة حل عينييه متفاجئ :ساااارة
مشا لجيهتها : رجعتييي؟ ؟؟
سارة ابتسمات ليه: اااه رجعت اسي ماسين
ماسين قرب ليها شوية هو يعنقها: توحشتك والله.. شحاال وانا نتسنااك ونقول ايمتا ترجعي
بغات تجاوبو سارة وهي تحس براسها تجراات بعنف..
ياسين جرهاا ودفع ماسيين عليهاا ردها وراها ووقف هو وماسين متجابهييين
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
